Luku 4:34 - Panake Pi La: Ula: Buka pita: Kine Pieke Buka

³⁴ Ae. Yesu Na꞉sa꞉tete da halio. Nakana꞉ma꞉ta꞉ niki ame̱le̱ eki puluekema꞉ a꞉pa pipa꞉ laata꞉ Neke epele ekita꞉ niki paeyao mea hoeyaaluekema꞉ a꞉pa pipe. Neketa꞉ I̱ma꞉ hone witolome. Neketa꞉ Koda꞉ma꞉ tapaeya꞉ yako piki hali ya꞉ka꞉ta꞉me leekeme.

Luku 4:34 Mawu Ofanana

Kini Pieke 3:15

Kutupa I̱ma꞉ neketa꞉ mo wanda꞉ yaapo a꞉nda꞉ tunkula꞉ alu peao ipika꞉ monduma꞉ monduma꞉ pilia꞉ wekiwandikima꞉ make naka꞉ ekima꞉ make a꞉nda꞉ tunkula꞉ alu alu pu haena꞉ lolueke. Ipikana꞉ma꞉ naka꞉ you da꞉ka꞉pa꞉ tombuaeya꞉ka꞉na꞉ta꞉ nakana꞉ma꞉ ipika꞉ anke kinuku handulu nelipikie leekeme.

Ma꞉tiu 8:29

Koto hali yaapoma꞉ Yesu handolo hata꞉ koto kone wi la alota꞉ Koda꞉na꞉ Eiyekeo. Niki pa꞉ta꞉ eki hau puluekema꞉ ipulipe laa Mo hande niki hoeyaalo pa꞉la꞉ nate a̱i̱ na epeke haena꞉ niki hoeyaaluekema꞉ a꞉pa pipe lemekeme.

Maka 1:24

Mo halima꞉ dupa e̱ wi leekeme. Yesuo. Na꞉sa꞉tete halio. Niki pa꞉ta꞉ eki puluekema꞉ a꞉pa pipe laa Neketa꞉ niki hoeyaaluekema꞉ a꞉pa pipe. Neketa꞉ handolome. Neketa꞉ Koda꞉ ipika꞉ yako piki halie leekeme.

Maka 1:34

Yeni ta꞉ta꞉ ta꞉ta꞉ haemeke wanda꞉hali wopuna꞉ yeni Yesuma꞉ tandelaota꞉ hoke temokomanu wotu make tolu liaata꞉ temokomanu ipiki handemeke handaata꞉ Yesuma꞉ Pi na lapa꞉pe laata꞉ tolu liekeme.

Maka 5:7

Kutupa pi anekehapu alo hata꞉ alota꞉ Yesuo. Neketa꞉ ota꞉ oli Manda Hala꞉ Koda꞉ Tiekena꞉ Eiyekee leekeme. I̱ pa꞉ta꞉ eki puluekema꞉ a꞉pa pipe laa Koda꞉ma꞉ I̱ handolo haena꞉ neke pa꞉ta꞉ alo I̱ tanda tanda na peaapee leekeme.

Luku 1:35

Mo hande enisoloma꞉ ipika꞉ pi hombo peaaso alota꞉ Mo Holi Sipitidi neke pa꞉ta꞉ ipilieke. Kutupa make Ota꞉ Manda Hala꞉ Koda꞉ ipika꞉ wele pita꞉la꞉eki neke pa꞉ta꞉ a꞉pa pitilieke. Kutu pita꞉la꞉ ekima꞉ta꞉ mo hande nakana꞉ma꞉ mondulu pele yako piki weki ipikita꞉ Koda꞉na꞉ Eiyekee lelimikie.

Luku 4:33

Mo pi hotu haemeke da pa꞉ta꞉ta꞉ hoke temoko pitieke hali ma꞉nda꞉ hayekeme. Koto halima꞉ Yesu handaata꞉ ipiki pa꞉ta꞉ wi aneke hapu la alota꞉

Luku 4:41

Kutupata꞉ mo hoke temoko manuma꞉ wanda꞉hali aneke tukiki pa꞉ta꞉ pita e̱ la꞉tiki yopulu hata꞉ alota꞉ Neketa꞉ Koda꞉na꞉ eiyekee lemekeme. Yesuma꞉ mo hoke temoko manuma꞉ pi ma꞉nda꞉ laama꞉na꞉ pi taka꞉lake leekeme. Pa ekipeke. Ika꞉ hone wimikipate ipikita꞉ hande Mesaya yeke handaa pimikime.

Luku 8:28

Ipikana꞉ma꞉ Yesu handaata꞉ wi tieke alo hata꞉ Yesuna꞉ anke pa꞉ta꞉ handa꞉niao kenkena꞉ tu lopaata꞉ wi anekema꞉ pa alo alota꞉ Yesuo. Neketa꞉ Koda꞉ Manda Hala꞉ Tiekena꞉ Eiyekee. Nakana꞉ma꞉ I̱ yaapo eki hau puluekema꞉ pitelepe. Nakana꞉ma꞉ I̱ pa꞉ta꞉ tanda na kia꞉pee laa honke leekeme.

Luku 8:37

Kutupa mo Kedasa kenke wanda꞉hali paeyaoma꞉ paala꞉ma꞉ homolo hata꞉ Yesu pa꞉ta꞉ alota꞉ Nakana꞉ma꞉ niki mina꞉pa꞉lao pue lemekeme. Koto lemeke Yesuma꞉ mo kawasona꞉ pitulu pua peekeme.

Aposolo 16:39

Koto ekina꞉ Polo Sailasi yaapo pa꞉ta꞉ pua alota꞉ Ipiliki pa꞉ta꞉ puma꞉eki a꞉ta꞉e laa lemekeme. Koto laata꞉ ikana꞉ma꞉ mo hali yaapo dipula da mina꞉pa꞉lao hatuku mea pua ipiliki pa꞉ta꞉ alota꞉ Do daoni mina꞉pa꞉lao pupe laa honke lemekeme.

Aposolo 2:27

Pa ekipeke nakana꞉ma꞉ yaka temokota꞉ mo homemeke wanda꞉hali haleme alena꞉ na haena꞉ lelipikie. Kutupa naka꞉ yakopiki halita꞉ oni kenke pa꞉ta꞉ na tandepena꞉ lelipikiyeke loa꞉me.

Aposolo 3:14

Kutu pa꞉la꞉pate ikana꞉ma꞉ Epeke Yakopiki Hali kiao pa Pailedi pa꞉ta꞉ lota꞉ pitolo alota꞉ Ika꞉ hone pa꞉la꞉ ekita꞉ mo hande hali lita꞉la꞉ hali kone pa pena꞉ lae lememe leekeme.

Aposolo 4:27

Ota꞉ leekeme laata꞉ Do daoni tieke pa꞉ta꞉ Hetodi pita꞉ Pontiasi Pailedi yaapoma꞉ make mo Diendaili haliweki pita꞉ Isulai wanda꞉hali ame̱le̱ make paeyaoma꞉ momba꞉laata꞉ naka꞉ yakopiki E Pokaeya꞉ Halita꞉ hande Ketiso haena꞉ lele hali Yesu mea lopaaluekema꞉ tiao haememe.

Hibulu 2:14

Ipikana꞉ma꞉ Mo wekiwandikie lea꞉ wanda꞉halita꞉ kenke loke hake wanda꞉hali haemeke yeke handaata꞉ ipiki make ika꞉ loke mea kenke hali leke hayekeme. Koto loke mea ipika꞉ homeeke ekima꞉ta꞉ mo hande homa꞉la꞉ ekina꞉ wele handeteke hala꞉ hali Sadani bepolaluekema꞉ yeke piekeme.

Dia꞉mesi 2:19

Naka꞉ hone tulale ekita꞉ dupae. Koda꞉ homeke hala꞉me ale ekita꞉ epeke alepate pa mo hande hoke temoko manuma꞉ make koto lo halemepateta꞉ pututuma꞉ homolo hata꞉ lo halememe.

1 Dioni 3:8

Pate ma꞉nda꞉ epima꞉ hoke hau pa putia pea꞉ka꞉na꞉ta꞉ koto someta꞉ mo Hoke Temokona꞉eki hala꞉me. Pa ekipeke mo Hoke Temokoma꞉ta꞉ kini pitolo kone hoke hau pa꞉leke loa꞉me. Mo Koda꞉na꞉ Eiyeke opolo a꞉pa꞉la꞉ ekita꞉ ota꞉ doeki tekena꞉ pa꞉la꞉me. Mo Hoke Temokoma꞉ pa꞉la꞉eki hoeyaaluekema꞉ pa꞉la꞉me.

Peneme Yaeyekeeki 20:2

Ipikana꞉ma꞉ta꞉ mo hande popake itiki hake sita꞉ hande ambisanake hao haya꞉ keto kotota꞉ hande Depolo o Sadani la꞉la꞉ aleta꞉ mina 1 daoseni bapi manuna꞉ senima꞉ tonkaeya꞉me.

Peneme Yaeyekeeki 3:7

Mo Pila꞉delepia siosina꞉ enisolo pa꞉ta꞉ dupa lae. Do pita꞉ mo yako pea ota꞉ hauna꞉ teke halima꞉ ala꞉me. Ipikita꞉ mo hande Deipidina꞉ pota꞉ ki wia hala꞉ halie. Kutupa ipikana꞉ma꞉ pota꞉ ma꞉nda꞉ lombea꞉ka꞉na꞉ta꞉ ma꞉nda꞉ma꞉ hamba꞉peke na ya꞉la꞉me make pokea꞉ka꞉na꞉ta꞉ ma꞉nda꞉ma꞉ lomba꞉peke na ya꞉la꞉me.