Luku 3:22 - Panake Pi La: Ula: Buka pita: Kine Pieke Buka

²² mo Holi Sipitidita꞉ ba melipuma꞉ handekeeki hola꞉pa꞉niao Yesuna꞉ lokena꞉ a꞉pa holopeekeme. Kutaa oli ya nanema꞉ pi ho̱la̱꞉make homekema꞉ pi alo alota꞉ Neketa꞉ ota꞉ yaka puki piki wekie. Yaka pukima꞉ neke pa꞉ta꞉ ta꞉na꞉ma꞉ wotu homolome leekeme.

Luku 3:22 Mawu Ofanana

Ma꞉tiu 12:18

Do ya e pokaasa꞉ halita꞉ I̱ma꞉ ma̱leke lia do haena꞉ lolome. I̱ma꞉ ipikita꞉ pukima꞉ wopu homo hata꞉ ya pukima꞉ ta꞉na꞉ wopu pa꞉la꞉me. Ya temokota꞉ ipiki tukiki pa꞉ta꞉ pitina꞉ tapaalueke. Kutu poa꞉ka꞉na꞉ta꞉ ipikana꞉ma꞉ mo kenke paeyaona꞉ haleme tapake paeyao pa꞉ta꞉ ya tiki tiki peaasa꞉ pimanu la hawalieke.

Ma꞉tiu 17:5

Kutu piki pi alo haena꞉ta꞉ mo pa̱a̱ piki koa ma꞉nda꞉ma꞉ iki a꞉pa tu peaaso haena꞉ mo koa tukiki pa꞉ta꞉ pi ho̱la̱꞉makema꞉ alota꞉ I̱ma꞉ koto yaka puki piki weki pa꞉ta꞉ ta꞉na꞉ wopu homolome. Ipika꞉ pi opua꞉pa꞉pekee la꞉niaeyekeme.

Ma꞉tiu 27:43

Ipikana꞉ma꞉ Koda꞉ pa꞉ta꞉ hone tulao hata꞉ I̱ta꞉ Koda꞉na꞉ Eiyeke lo haya꞉pate kota꞉ a꞉pa꞉la꞉me Koda꞉ma꞉ ipiki da꞉taaluekema꞉ hone pa꞉la꞉pe pa ame pita꞉la꞉eki hando hamana꞉e leekeme.

Ma꞉tiu 3:13

Koto pita꞉ma꞉ta꞉ Yesu mo Ka꞉lili kenke mina꞉pa꞉lao Dionima꞉ ipiki bapitaisi peaena꞉ mo Diodani ikali pa꞉ta꞉ epeekeme.

Ma꞉tiu 3:16

Yesu bapitaisi peao paeyeketa꞉ koto kone mo ikali mina꞉pa꞉lao tea꞉ nane yapeekeme. Kutu pitolo haena꞉ta꞉ koto kone oli ya akolopa wiaata꞉ mo hande Koda꞉na꞉ Sipitidi melipu tupa꞉ hola꞉pa꞉niao ipika꞉ loke manda tapepeekeeki handeekeme.

Ma꞉tiu 3:17

Kutaa oli ya nanema꞉ pi ho̱la̱꞉make homekema꞉ pi alo alota꞉ Dota꞉ ya pukipiki wekie. I̱ma꞉ ipiki pa꞉ta꞉ ta꞉na꞉ma꞉ wopu homolome laa pi la꞉niaeyekeme.

Maka 1:11

Kutupa pi ho̱la̱꞉makema꞉ ya nane hata꞉ la꞉niaeyeke pita꞉ dupae. Neketa꞉ ya pukipiki wekie. Neke pa꞉ta꞉ I̱ma꞉ ta꞉na꞉ma꞉ wopu homolome laa la꞉niaeyekeme.

Maka 1:9

Koto dina꞉ta꞉ Yesuma꞉ Ka꞉lili nane hayeke Na꞉sa꞉tete da mina꞉pa꞉lao Diodani ikali pa꞉ta꞉ peekeme. Koto ikali pa꞉ta꞉ Dionima꞉ Yesu bapitaisi peaeyekeme.

Maka 9:7

Kutupa koama꞉ iki tu̱ peaaso haena꞉ mo koa tukiki pa꞉ta꞉ pi ho̱la̱꞉makema꞉ la꞉niaeyekeme dupa. Kotota꞉ yaka puki piki wekie. Ipika꞉ pi opua꞉pa꞉peke la꞉niaeyekeme.

Luku 2:14

Oli ya manda hala꞉ Koda꞉na꞉ pi lapa꞉peke. Ipikana꞉ma꞉ ta꞉na꞉ma꞉ homolo hata꞉ kenkena꞉ haleme haliwekina꞉ puki lopaala꞉me laa lemekeme.

Luku 4:21

Kota꞉ Yesuma꞉ iki pa꞉ta꞉ pi alo hata꞉ alota꞉ Do yata꞉pa kua꞉ hande Baibolo pita꞉ ikana꞉ma꞉ opitolo hamena꞉ kone ota꞉ ame do kone yaya꞉me leekeme.

Dioni 1:32

Dionima꞉ta꞉ pi la halolo hata꞉ dupiki pi leekeme. Hande melipuma꞉ handeke ba a̱i̱ya hola꞉pa꞉niaasa꞉ tupa꞉ mo Sipitidita꞉ hepeni nane hao hola꞉pa꞉niao a꞉pa ipiki pa꞉ta꞉ pitia꞉eki I̱ma꞉ handoa꞉me laa

Dioni 12:28

Apa꞉o. Naka꞉ biki tieke wina꞉ lapeke leekeme. Koto la haena꞉ oli ya nanema꞉ la꞉niaeyeke pi ho̱la̱꞉makema꞉ alota꞉ Yaka bikita꞉ amba꞉ titina꞉ tieke wina꞉ lolopate paa ma꞉nda꞉ alo peao tieke wina꞉ lolueke leekeme.

Dioni 5:37

Kutupa I̱ tapaala꞉ hali yaka Apa꞉ma꞉ make yaka pi lawaasa꞉me. Ipika꞉ pi ho̱la̱꞉maketa꞉ hoto homeke a꞉nda꞉ na opiki ipika꞉ leke popeleke make hoto homeke a꞉nda꞉ na handelememe.

Aposolo 10:38

Hande Na꞉sa꞉tete da halita꞉ Yesue. Ipikita꞉ Koda꞉ma꞉ wele peaaso hata꞉ mo Holi Sipitidima꞉ make suta꞉pe wiaeyekeeki opimika꞉ta꞉me. Kutupa ipikana꞉ma꞉ Koda꞉ ame̱le̱ hata꞉ epeke hau pea꞉tiki pu hao Sadanima꞉ hoeyaeyeke wanda꞉hali mea tiatiki pu hao pomu hayekeme.

Kolosi 1:13

Ipikana꞉ma꞉ niki timba꞉ leke ekina꞉ honkopu pa꞉ta꞉ haoma꞉eki pa꞉ta꞉ pa꞉ta꞉la꞉ mea a꞉pa mo ipika꞉ Eiyekena꞉ kilu tumbuao hala꞉eki pa꞉ta꞉ hatuku epea꞉me.

1 Pida 2:4

Tekehalita꞉ mo da꞉ta ula꞉ toopi pa꞉ta꞉ ipu hapa꞉peke. Wanda꞉halima꞉ta꞉ koto toopita꞉ pa alee hone wia kiao haemekeme. Koto pimikipate Koda꞉ma꞉ mo toopita꞉ ota꞉ epekeekie la ma̱leke liekeme.