Luku 24:39 - Panake Pi La: Ula: Buka pita: Kine Pieke Buka

³⁹ Yaka kiki anke handolota꞉ ota꞉ I̱ ya꞉ka꞉ta꞉me lapa꞉peke. I̱ wataemeka꞉na꞉ta꞉ ota꞉ I̱e hone wilimikie. Watae. I̱ta꞉ temoko yoluta꞉ loke make holiki make na halo pua꞉pate ikana꞉ma꞉ta꞉ I̱ta꞉ holiki hao loke haloeki handa꞉pe laa leekeme.

Luku 24:39 Mawu Ofanana

Luku 23:46

Yesuma꞉ anekema꞉ e̱ wi alo alota꞉ Apa꞉o. Yaka temokota꞉ naka꞉ kikina꞉ koto witolo handa꞉e laata꞉ ota꞉ homeekeme.

Luku 24:38

Pate Yesuma꞉ iki pa꞉ta꞉ alota꞉ Ekipeke paala꞉ma꞉ homelemepe. Ika꞉ hone pa꞉ta꞉ta꞉ hone yaapo yaapo ekipeke witelemepe.

Luku 24:40

Yesuma꞉ doeki laata꞉ ipika꞉ kiki anke waleekeme.

Dioni 20:20

Koto laata꞉ ipika꞉ kiki yaapo make ipika꞉ pa꞉ta꞉liki iki pa꞉ta꞉ waleekeme. Koto ekina꞉ mo disaipolo haliwekima꞉ Yesu handa꞉ta꞉ ta꞉na꞉ tieke homemekeme.

Dioni 20:25

Koto ekina꞉ mo hande disaipolo haliwekima꞉ ipiki pa꞉ta꞉ alota꞉ Nikana꞉ma꞉ mo Tekehali handoma꞉me lemekepate ipikana꞉ma꞉ alota꞉ I̱ma꞉ make ipika꞉ kikina꞉ ikokoma꞉ aweekeeki handaa yaka kiki ma̱leke puaota꞉ kutupa ipika꞉ pa꞉ta꞉likina꞉ aweekeeki pa꞉ta꞉ make yaka kiki puaota꞉ ota꞉e lolo polopate I̱ma꞉ na handeke hata꞉ta꞉ ika꞉ aleme pita꞉ na opulueke leekeme.

Dioni 20:27

Mo Tomasi pa꞉ta꞉ alota꞉ Naka꞉ kiki ma̱lekema꞉ yaka kiki yaapo pa꞉ta꞉ a꞉pa puae. Kutupa naka꞉ kikima꞉ ya pa꞉ta꞉liki pa꞉ta꞉ make a꞉pa puae. Koto ekina꞉ naka꞉ pi na opitele hau paa na piki ota꞉ opua꞉peke leekeme.

Aposolo 1:3

Yesuma꞉ ipiki homa hoki nane mo aposolo haliwekima꞉ ipiki ota꞉ wotu handena꞉yeke peneme yao hali tieke yaapo natena꞉ hata꞉ ipika꞉ kone tiaeyekeeki walaata꞉ Koda꞉na꞉ Kilu Tombuao Hala꞉eki iki pa꞉ta꞉ walo hayekeme.

1 Desalonaika 5:23

Nika꞉ puki lopawao hala꞉ Koda꞉ma꞉ ikita꞉ ika꞉ haumanu paeyao pa꞉ta꞉ yako pina꞉ lawaena꞉e alome. Kota꞉ nika꞉ Tekehali Yesu Ketisona꞉ epolo pa꞉la꞉ nateta꞉ ipula꞉me. Koto nate opolo epea꞉ka꞉na꞉ta꞉ ikita꞉ ata꞉ka꞉ na piki wanda꞉hali hamina꞉ Koda꞉ma꞉ ika꞉ temoko make a̱o̱a̱o̱ make loke make paeyaota꞉ ana꞉na꞉ handeteke hao haena꞉e alome.

Hibulu 12:9

Nika꞉ kenke apa꞉ amedama꞉ niki epeaaluekema꞉ yombua꞉tiki pimikita꞉ tanda naa kone ika꞉ kakena꞉ homa꞉tiki pu haoma꞉me. Mo nika꞉ kenke apa꞉ pa꞉ta꞉manu kutu pumeke handaata꞉ kota꞉ mo nika꞉ temoko handeteke hala꞉ Apa꞉ pa꞉ta꞉ta꞉ homu pea hata꞉ ipika꞉ da꞉ta꞉la꞉eki miniki hamana꞉ pea꞉peke alee.

1 Dioni 1:1

Nikana꞉ma꞉ta꞉ mo hande amba꞉ kini pitolo hata꞉ pa hao hao hala꞉ da꞉ta꞉la꞉ pina꞉ pi kone iki pa꞉ta꞉ laasoma꞉me. Nikana꞉ma꞉ opoloma꞉ make ota꞉ nika꞉ lekema꞉ handoloma꞉me. Ota꞉e. Nika꞉ lekema꞉ handoloma꞉ make nika꞉ kikima꞉ ota꞉ wataaloma꞉me.