Luku 24:36 - Panake Pi La: Ula: Buka pita: Kine Pieke Buka

³⁶ Mo hande hali yaapoma꞉ moeki alo haena꞉ta꞉ koto kone mo Tekehali ipika꞉ kone iki ame̱le̱ mandakena꞉ peneme yao hata꞉ alota꞉ Puki lopaasa꞉eki iki pa꞉ta꞉ wina꞉e leekeme.

Luku 24:36 Mawu Ofanana

Ma꞉tiu 10:13

Koto da pa꞉ta꞉ halimi wanda꞉halima꞉ a꞉nda꞉ iki pa꞉ta꞉ ta꞉na꞉ma꞉ homolo hata꞉ A꞉pa꞉la꞉ma꞉ epoe lemeka꞉na꞉ta꞉ kota꞉ koto epeaasa꞉ pita꞉ mo da pa꞉ta꞉ ota꞉ u pelia haena꞉ lapa꞉peke. Pate iki ta꞉na꞉ na homemeka꞉na꞉ta꞉ kota꞉ koto epeaasa꞉ pita꞉ paa yoka꞉ mea꞉pa꞉peke.

Maka 16:14

Kutupa wetepena꞉ mo hande kiki yaapona꞉ ankena꞉ homeke pu haliweki kone ne nalo pitina꞉ iki pa꞉ta꞉ ipika꞉ kone waleekeme. Yesuma꞉ mo haliwekima꞉ ipika꞉ tiao hayekeeki handemeke wanda꞉halina꞉ pi na opimiki handaata꞉ Yesuma꞉ mo haliwekina꞉ pi na opimiki ekina꞉ make ika꞉ puki taka꞉laeyeke ekina꞉ make pi leekeme.

Luku 10:5

Ikana꞉ma꞉ da ma꞉nda꞉ pa꞉ta꞉ honda꞉ pambemeka꞉na꞉ta꞉ titina꞉ amba꞉la koto da pa꞉ta꞉ta꞉ A꞉nda꞉ peliaasa꞉eki epena꞉e lapa꞉peke.

Dioni 14:27

I̱ma꞉ iki mina꞉pa꞉lao pulupate puki lopa꞉niaasa꞉ ekita꞉ iki pa꞉ta꞉ pa wina꞉ laa pulume. Yaka puki lopa꞉niaasa꞉eki kone iki pa꞉ta꞉ kitolome. Kutupa mo kenke wanda꞉halima꞉ iki pa꞉ta꞉ kita꞉la꞉ tupa꞉ pa na kitolome. Koto ekina꞉ hone eleke eleke na wiki paala꞉ma꞉ na homa꞉pa꞉peke laa leekeme.

Dioni 16:33

Do la kitolo pita꞉ ikana꞉ma꞉ I̱ yaapo ta꞉ma꞉ni pea hata꞉ puki lopa꞉niao hamina꞉yeke la loa꞉me. Kenke wanda꞉halima꞉ iki pa꞉ta꞉ tanda kulu pelemepate honkopu hao hapa꞉peke. Do kenkena꞉ pita꞉la꞉ hau manuta꞉ I̱ma꞉ amba꞉ bepolao ulume leekeme.

Dioni 20:26

Kutupa pula homeke paeyeketa꞉ hande disaipolo haliweki Tomasi ame̱le̱ mo da tukiki pa꞉ta꞉ pa momba꞉la haemekeme. Mo pota꞉manu loka꞉ hao haemekepate Yesu a꞉paata꞉ iki tukiki pa꞉ta꞉ a꞉pa hata꞉ alota꞉ Ika꞉ puki lopao pita꞉pe laata꞉

Aposolo 1:3

Yesuma꞉ ipiki homa hoki nane mo aposolo haliwekima꞉ ipiki ota꞉ wotu handena꞉yeke peneme yao hali tieke yaapo natena꞉ hata꞉ ipika꞉ kone tiaeyekeeki walaata꞉ Koda꞉na꞉ Kilu Tombuao Hala꞉eki iki pa꞉ta꞉ walo hayekeme.

1 Kotindi 15:5

Kutupa ipikana꞉ma꞉ Pida pa꞉ta꞉ pua ipika꞉ loke peneme yao walaata꞉ mo hande 12 aposolo haliweki pa꞉ta꞉ make pua waleekeme.

1 Kotindi 15:7

Kutupa koto hoki naneta꞉ ipikita꞉ Dia꞉mesi pa꞉ta꞉ pua walaata꞉ mo aposolo haliweki paeyao pa꞉ta꞉ make paa pua waleekeme.

2 Desalonaika 3:16

Mo Tekehali ipikana꞉ma꞉ kone nika꞉ a꞉nda꞉ peliaasa꞉ ekina꞉ teke hata꞉ ika꞉ pota꞉ paeyao pa꞉ta꞉ hoto paeyao a꞉nda꞉ peliaasa꞉eki ku haena꞉e. Tekehali iki paeyao ame̱le̱ mandakena꞉ haena꞉e.

Peneme Yaeyekeeki 1:4

I̱ta꞉ Dionima꞉ mo Eisia kenke nane hala꞉ watake hata꞉ a꞉ta꞉ alome. Ame do make hala꞉ amba꞉ make hayeke wetepena꞉ make epolo pa꞉la꞉ Koda꞉ma꞉ a꞉ta꞉ma꞉ homolo tamba꞉ mina꞉la꞉eki pita꞉ puki lopa꞉niaasa꞉eki yaapota꞉ iki pa꞉ta꞉ kina꞉e. Koto tupa꞉ mo Koda꞉na꞉ handeteke pila꞉ sea tikitikina꞉ haleme watake hata꞉ sipitidi manuma꞉ make kina꞉e.