Luku 23:50 - Panake Pi La: Ula: Buka pita: Kine Pieke Buka

^50-51 Mo Diudia nane wieke daoni ma꞉nda꞉ A꞉ta꞉matia da hali Diosepe hayekeme. Ipikita꞉ ota꞉ epeke tiki tiki hau pu hake hali hao hata꞉ Koda꞉na꞉ Kilu Tombuao Hala꞉eki ipula꞉eki yu wia hao hayekeme. Ipikita꞉ mo Ka̱le̱sete haliweki ma꞉nda꞉ hondo hayekepate kone ipikana꞉ma꞉ mo haliweki ame̱le̱ apa꞉tao pimanu make hau ma꞉nda꞉ make na piekeme.

Luku 23:50 Mawu Ofanana

Luku 2:25

Kutupa mo Diutuseleme da pa꞉ta꞉ta꞉ koke hali ma꞉nda꞉ Simioni hayekeme. Koto halima꞉ta꞉ Koda꞉ pa꞉ta꞉ paala꞉ma꞉ homa hata꞉ epeke hau pitolo hata꞉ make mo Isulai wanda꞉halina꞉ da꞉taalo pieke nate epena꞉ handeteke hao hayekeme. Ipikita꞉ Holi Sipitidi yaapo hayekeeki yolo hata꞉

Aposolo 10:2

Hande halita꞉ Koda꞉ pa꞉ta꞉ hone wotu u hao ipika꞉ weteke weki wandikima꞉ Koda꞉ pa꞉ta꞉ paala꞉ma꞉ wotu homa꞉tiki pu haemekeme. Kutupa ipika꞉ kiki tindipao mani dia꞉yeke wanda꞉hali pa꞉ta꞉ halo haota꞉ Koda꞉ pa꞉ta꞉ yeni pia꞉tiki pu hayekeme.

Aposolo 10:22

Mo haliwekima꞉ alota꞉ Koniliesita꞉ ami opisa epeke halima꞉ tapaeya꞉me laa ipikana꞉ma꞉ Koda꞉ pa꞉ta꞉ paala꞉ma꞉ homa꞉la꞉ halie laata꞉ Diu wanda꞉hali paeyaoma꞉ epeke pi lo hala꞉ halie. Kutupa Koda꞉na꞉ yako piki enisolo homekema꞉ leeke handa naka꞉ pimanu tonka꞉na꞉ opuluekema꞉ neke handa꞉ mulu pupe leeke handa ipuluma꞉me lemekeme.

Aposolo 11:24

Banabasita꞉ ipikita꞉ epeke hali hata꞉ Koda꞉na꞉ pi wopu miniki hayeketa꞉ Holi Sipitidima꞉ ipiki tumbaeyekeme. Kutupa wanda꞉hali wopu Tekehali pa꞉ta꞉ apa꞉tao ta꞉ma꞉ni pea haemekeme.

Aposolo 13:29

Kutupa hande Baibolo bukana꞉ Yesu pa꞉ta꞉ pulu piekeeki wape pea ula꞉eki kone ikana꞉ma꞉ pu paeyaemekeme. Mandane haliwekima꞉ta꞉ Yesu toko mo a꞉ka꞉tei wapepiki tina꞉ endiaemekeme alena꞉ pua honda꞉ mea pua lapa꞉ pimikime.