Luku 23:33 - Panake Pi La: Ula: Buka pita: Kine Pieke Buka

³³ Kutupa mo hande haliwekita꞉ mo yueli ma꞉nda꞉ wiekeeki ipika꞉ bikita꞉ Hali You Holiki lemeke alena꞉ a꞉pa ikana꞉ma꞉ Yesu a꞉ka꞉tei wape piki tina꞉ lu endiaemekeme. Kutupa mo hande hoke hau pipiki some yaapo make homeke tupa꞉ lu endiaemekeme. Ma꞉nda꞉ta꞉ Yesuna꞉ popeke nane kikina꞉ endiao ma꞉nda꞉ta꞉ hoe nane kikina꞉ endiaemekeme.

Luku 23:33 Mawu Ofanana

Ma꞉tiu 20:19

Koto haliwekima꞉ ipiki kitaaso hata꞉ ipika꞉ lokena꞉ dopi tao yumbua baota꞉ homena꞉ lilimikie. Kutupa ipikita꞉ nate tepo wiaata꞉ paa tiao da꞉taa halieke leekeme.

Ma꞉tiu 26:2

Ika꞉ hone wilimi tupa꞉ nate homeke hao ma꞉nda꞉na꞉ta꞉ mo hande Lombei Pupa Yapeeke Nate ipilieke. Koto natena꞉ta꞉ haliwekima꞉ mo Wanda꞉halina꞉ Eiyeketa꞉ a꞉ka꞉tei wape piki tina꞉ endiao lina꞉ halimikie leekeme.

Luku 24:7

Dupa lea꞉me. Mo Wanda꞉halina꞉ Eiyeketa꞉ mo hoke hau pu haleme haliwekina꞉ kikina꞉ hala꞉ moneaota꞉ a꞉ka꞉tei wape piki tina꞉ tame mea endiao liaata꞉ kutupa hoto tepo peao natena꞉ta꞉ paa tialieke laa lea꞉me lepekeme.

Dioni 18:32

Koto lemeke ekima꞉ta꞉ Yesu ipikana꞉ma꞉ amba꞉ pi la꞉ witolo hata꞉ ipika꞉ homolo pa꞉la꞉ tupa꞉ kone yaaluekema꞉ lemekeme.

Dioni 3:14

Hande Mosesima꞉ mo hapu hayeke alena꞉ hata꞉ mo keto mea a꞉meiyaeyeke tupa꞉ta꞉ kota꞉ koto tupa꞉ kone hande Wanda꞉halina꞉ Eiyeketa꞉

Aposolo 13:29

Kutupa hande Baibolo bukana꞉ Yesu pa꞉ta꞉ pulu piekeeki wape pea ula꞉eki kone ikana꞉ma꞉ pu paeyaemekeme. Mandane haliwekima꞉ta꞉ Yesu toko mo a꞉ka꞉tei wapepiki tina꞉ endiaemekeme alena꞉ pua honda꞉ mea pua lapa꞉ pimikime.

Aposolo 2:23

Amba꞉ kone Koda꞉ma꞉ hone wiaata꞉ Yesuta꞉ ikana꞉ma꞉ milimikie laa pi la꞉ wiekeme. Kutupa ikana꞉ma꞉ta꞉ mo hoke hau pu haleme haliwekima꞉ Yesuta꞉ hande a꞉ka꞉tei wapepiki tina꞉ ikokoma꞉ tamendiaena꞉ lemeke ekima꞉ ikana꞉ma꞉ kone Yesu limikime.

Aposolo 5:30

Ikana꞉ma꞉ Yesu a꞉ka꞉tei wapepiki tina꞉ ikoko lia homaemepate nika꞉ apa꞉ amedana꞉ Koda꞉ma꞉ Yesu lapa꞉ pa꞉ta꞉ kone paa mea tiaeyekeme.

Ka꞉leisia 3:13

Hali epima꞉ ti manda endiaeya꞉ka꞉na꞉ta꞉ kota꞉ koto halita꞉ Koda꞉na꞉ esihou pi la꞉la꞉eki oto pa꞉ta꞉ hala꞉me mo Baibolona꞉ wape pea ula꞉ tupa꞉ Ketisoma꞉ mo pi ula꞉ ekina꞉ esihou pi niki pa꞉ta꞉ a꞉paama꞉na꞉yeke ipikana꞉ma꞉ nika꞉ anketeke mieke handaata꞉ mo esihou pita꞉ ipiki pa꞉ta꞉ yapeekeme.

1 Pida 2:24

Nikana꞉ma꞉ hoke hau pa꞉ta꞉ homomono kutupa tikitiki hau pa꞉ta꞉ da꞉ta hamono Ketisoma꞉ kone ipika꞉ lokema꞉ nika꞉ hoke hau mea tia a꞉ka꞉tei wape ti manda peekeme. Ipika꞉ loke lieke ekima꞉ta꞉ iki da꞉taala꞉me.