Luku 23:32 - Panake Pi La: Ula: Buka pita: Kine Pieke Buka

³² Hali yaapo ma꞉nda꞉ ipilikita꞉ hoke hau pipiki some yaapo make Yesu ame̱le̱ mandakena꞉ lu endialuekema꞉ yeke hatuku pemekeme.

Luku 23:32 Mawu Ofanana

Ma꞉tiu 27:38

Kutaata꞉ mo hande pake nepeke hali yaapo make Yesu ame̱le̱ a꞉ka꞉tei wape piki tina꞉ tamendiaemekeme. Ma꞉nda꞉ta꞉ Yesuna꞉ popeke nane kiki nanema꞉ ma꞉nda꞉ta꞉ ipika꞉ hoeya꞉ nane kiki nanema꞉ tamendialu pimikime.

Maka 15:27

Pake nepeke hali yaapo make Yesu ame̱le̱ a꞉ka꞉tei wapepiki tina꞉ tamendiaemekeme. Ma꞉nda꞉ta꞉ Yesuna꞉ popeke nane kikina꞉ ma꞉nda꞉ta꞉ ipika꞉ hoe nane kikina꞉ tamendiaemekeme.

Luku 22:37

Pa ekipeke. I̱ma꞉ iki pa꞉ta꞉ ota꞉ alome. Mo hande Baiboloma꞉ lao witolota꞉ Ikana꞉ma꞉ ipikita꞉ mo pi ula꞉eki yambeleme haliweki ame̱le̱ mandakena꞉ apa꞉tao yata꞉pilimikie la꞉la꞉ ekita꞉ I̱na꞉ ota꞉ peneme yaena꞉e. Pa ekipeke. Mo hande I̱na꞉ lao wiekeeki paeyaota꞉ ameta꞉ ota꞉ peneme yao ipula꞉me leekeme.

Luku 23:31

Pa ekipeke dupiki haumanu a꞉nda꞉ pilia꞉ta꞉ mo hande ti a꞉nda꞉ taniso̱ kiki pina꞉ pia꞉ka꞉na꞉ta꞉ kota꞉ hapina꞉ta꞉ eki pilia꞉pe leekeme.

Dioni 19:18

Koto alena꞉ mo a꞉ka꞉tei wapepiki tina꞉ Yesu tamendiao lia a꞉meiyao nokepemekeme. Hali yaapo make nepoko nane yaapona꞉ ma꞉nda꞉ mandane endiao ma꞉nda꞉ mandane endiao Yesu tukiki pa꞉ta꞉ endiaota꞉ limikime.

2 Timodi 2:9

I̱ma꞉ do Pi Seliapo walo halo ekina꞉ ka꞉nda꞉ tieke mu halome. Kutaa make I̱ta꞉ pi yamba꞉la꞉la꞉ hoke hali leke seni puma꞉ tonkao uleke halome. I̱ta꞉ koto pa꞉leke halopate pa Koda꞉na꞉ pita꞉ kutupe seni puma꞉ na tonkao ula꞉me.

Hibulu 12:2

Kutu puluekema꞉ta꞉ kota꞉ Yesuta꞉ nika꞉ hone tulaasa꞉ ekina꞉ kini pu mea pua ana꞉ lawalo pa꞉la꞉ teke hali hala꞉ ekina꞉ ipiki homeke handa꞉ paleke pomana꞉e. Ipikana꞉ma꞉ mo hande a꞉ka꞉tei wape piki ti yeke handaata꞉ pa pina꞉ na kiaeyekeme. Dia꞉me. Ipika꞉ pua mulu pieke ta꞉na꞉ma꞉ homa꞉la꞉ hau tieke handeeke ekima꞉ mo hande a꞉ka꞉tei wape piki tina꞉ homa꞉peke ekina꞉ yaala꞉ mea꞉peke ekina꞉ta꞉ hone ma꞉nda꞉ na wiekeme. Kutaa ameta꞉ ipikana꞉ma꞉ Koda꞉na꞉ pila꞉ ale tieke popeke nanema꞉ tilao pila꞉me.