Luku 23:22 - Panake Pi La: Ula: Buka pita: Kine Pieke Buka

²² Pailedima꞉ paa hoto tepo peao alo alota꞉ Koto pa꞉la꞉pate ipikana꞉ma꞉ ekipiki pi ata꞉ka꞉ peala꞉pe. I̱ma꞉ta꞉ ipikana꞉ma꞉ homa꞉peke hau ma꞉nda꞉ na pa꞉la꞉ ekina꞉ ipikita꞉ pa dopitama꞉ yombina꞉ laa paa tapalueke leekeme.

Luku 23:22 Mawu Ofanana

Luku 23:14

paeyao pa꞉ta꞉ alota꞉ Ikana꞉ma꞉ I̱ pa꞉ta꞉ do hali hatuku ipuluta꞉ ipikana꞉ma꞉ wanda꞉hali hatuku pu hoeyaasa꞉me lemepate ameta꞉ I̱ma꞉ ipikita꞉ ika꞉ leke popelekena꞉ teke weitolopate ipikana꞉ma꞉ mo mandane pimanu yamba꞉la꞉me laa ma̱leke limipate homeke a꞉nda꞉ yamba꞉la꞉la꞉eki na handolome.

Luku 23:16

Koto ekina꞉ta꞉ I̱ma꞉ ipikita꞉ dopitama꞉ yombina꞉ laa pao pena꞉ lolueke leekeme.

Luku 23:20

Pailedina꞉ honema꞉ta꞉ Yesu tapaaluekema꞉ yeke mo wanda꞉hali pa꞉ta꞉ paa opolo peekeme.

Luku 23:21

Kutu piekepate mo wanda꞉halima꞉ paa pi tanda pu alualu pitolo alota꞉ A꞉ka꞉tei wape piki tina꞉ homena꞉e. A꞉ka꞉tei wape piki tina꞉ homena꞉e lemekeme.

Luku 23:23

Koto leekepate mo wanda꞉halima꞉ta꞉ poya꞉ tieke wotu alo hata꞉ Yesuta꞉ ota꞉ a꞉ka꞉tei wape piki tina꞉ endina꞉ laa lemeke e̱ wi ota꞉ yaeyekeme.

Luku 23:4

Kutupa Pailedima꞉ mo yeni peao haemeke teke haliweki pa꞉ta꞉ make mo mombelemeke wanda꞉hali pa꞉ta꞉ make alota꞉ I̱ma꞉ta꞉ do hali hoeyaapeke pota꞉ ma꞉nda꞉ na handa꞉ witolome leekeme.

1 Pida 1:19

Ketisona꞉ we ota꞉ seliapoma꞉ iki ka꞉la꞉pa꞉ tapaeyekeme. Ipikita꞉ hoyo ala꞉ta꞉ ma꞉nda꞉ na piki (Koda꞉ pa꞉ta꞉ lia halo haemeke) sipisipi ma꞉na꞉ ikiki leke hayekeme.

1 Pida 3:18

Ketiso hone umana꞉e. Ipiki kone ikina꞉ homeekeme. Ipikana꞉ma꞉ hoke hau paeyao yoko luekema꞉ hoto homeke kone homeekeme. Niki Koda꞉ pa꞉ta꞉ hatuku poluekema꞉ mo epeke halima꞉ niki hoke wanda꞉halina꞉ anke teke mea homeekeme. Ipika꞉ loketa꞉ homena꞉ lemekepate ipika꞉ temokota꞉ (Koda꞉ma꞉) da꞉ta hao haena꞉ leekeme.