Luku 22:70 - Panake Pi La: Ula: Buka pita: Kine Pieke Buka

⁷⁰ Mo hali paeyaoma꞉ alota꞉ Kota꞉ neketa꞉ Koda꞉na꞉ Eiyeke ya꞉ka꞉ta꞉pe laa lota꞉ pimikime. Yesuma꞉ hombo peaaso alota꞉ Ika꞉ kone I̱e laata꞉ koto alemetaa leekeme.

Luku 22:70 Mawu Ofanana

Ma꞉tiu 26:25

Kutupa mo a꞉nda꞉ lombeke hali Diudasima꞉ Yesu pa꞉ta꞉ alota꞉ Wala꞉la꞉ halio. Nakana꞉ma꞉ le pita꞉ I̱ pa꞉ta꞉ lepe leeke Yesuma꞉ hombo peaaso alota꞉ Koto aletaa leekeme.

Ma꞉tiu 26:64

Yesuma꞉ hombo peaaso alota꞉ Koto aletaa leekeme. I̱ma꞉ iki paeyao pa꞉ta꞉ alome. Wetepena꞉ta꞉ mo Wanda꞉halina꞉ Eiyeketa꞉ mo wele pita꞉la꞉ Koda꞉na꞉ popeke nane kikina꞉ pitilia꞉eki make hando ya nane koa tukiki pa꞉ta꞉ hola꞉pa꞉niao ipilia꞉eki make ikana꞉ma꞉ hando pilimikie leekeme.

Ma꞉tiu 27:11

Pailedima꞉ Yesu lota꞉ pitolo alota꞉ Neketa꞉ mo Diu wanda꞉halina꞉ Kini hali halepe leekeme. Kutupa Yesuma꞉ hombo peaaso alota꞉ Koto aletaa leekepate

Ma꞉tiu 27:43

Ipikana꞉ma꞉ Koda꞉ pa꞉ta꞉ hone tulao hata꞉ I̱ta꞉ Koda꞉na꞉ Eiyeke lo haya꞉pate kota꞉ a꞉pa꞉la꞉me Koda꞉ma꞉ ipiki da꞉taaluekema꞉ hone pa꞉la꞉pe pa ame pita꞉la꞉eki hando hamana꞉e leekeme.

Ma꞉tiu 27:54

Mo hande Yesuma꞉ pita꞉la꞉eki handuluekema꞉ handeteke hayeke ami you hali make ipiki ame̱le̱ haemeke ami haliwekima꞉ make mo hande yumomeni make mo pieke mandane hau tonka꞉na꞉ handaata꞉ ikana꞉ma꞉ paala꞉ tiekema꞉ homolo hata꞉ alota꞉ Ipikita꞉ ota꞉ Koda꞉na꞉ Eiyeke ya꞉ka꞉ta꞉me lemekeme.

Ma꞉tiu 3:17

Kutaa oli ya nanema꞉ pi ho̱la̱꞉make homekema꞉ pi alo alota꞉ Dota꞉ ya pukipiki wekie. I̱ma꞉ ipiki pa꞉ta꞉ ta꞉na꞉ma꞉ wopu homolome laa pi la꞉niaeyekeme.

Ma꞉tiu 4:3

Koto tea꞉ma꞉ homolo haena꞉ta꞉ Sadanima꞉ ipiki pa꞉ta꞉ a꞉pa alota꞉ Neketa꞉ ota꞉ Koda꞉na꞉ Eiyeke ya꞉ka꞉na꞉ta꞉ kota꞉ do toopimanu kone palaowa au lapeke leekeme.

Maka 14:62

Yesuma꞉ alota꞉ I̱e. Kutupa iki paeyaoma꞉ mo hande Wanda꞉halina꞉ Eiyeketa꞉ mo Wele Pita꞉la꞉ Teke Halina꞉ popeke nane kikina꞉ pitilieeki handilimikie leekeme. Kutupa ya nane koa tukiki pa꞉ta꞉ hola꞉paniao ipilieeki handilimikie leekeme.

Maka 15:2

Pailedima꞉ Yesu pa꞉ta꞉ lota꞉ pitolo alota꞉ Neketa꞉ Diu wanda꞉halina꞉ kini hali halepe leekeme. Yesuma꞉ Pailedina꞉ pi hombo peaaso alota꞉ Koto aleme leekeme.

Luku 22:71

Kutupa ikana꞉ma꞉ alota꞉ Wekitisimanu weiya꞉peke na ya꞉la꞉me. Nika꞉ kone ipika꞉ pi koto opuma꞉taa lemekeme.

Luku 23:3

Mo Pailedima꞉ Yesu pa꞉ta꞉ alota꞉ Neketa꞉ Diu wanda꞉halina꞉ kini hali halepe leekeme. Yesuma꞉ Pailedina꞉ pi hombo peaaso alota꞉ Koto aletaa leekeme.

Luku 4:41

Kutupata꞉ mo hoke temoko manuma꞉ wanda꞉hali aneke tukiki pa꞉ta꞉ pita e̱ la꞉tiki yopulu hata꞉ alota꞉ Neketa꞉ Koda꞉na꞉ eiyekee lemekeme. Yesuma꞉ mo hoke temoko manuma꞉ pi ma꞉nda꞉ laama꞉na꞉ pi taka꞉lake leekeme. Pa ekipeke. Ika꞉ hone wimikipate ipikita꞉ hande Mesaya yeke handaa pimikime.

Dioni 1:34

Dionima꞉ alota꞉ Koto ekita꞉ I̱ma꞉ handoa꞉me. Koto ekina꞉ ipikita꞉ Koda꞉na꞉ Eiyeke hala꞉eki iki pa꞉ta꞉ la kitolome leekeme.

Dioni 1:49

Nada꞉nielema꞉ ipika꞉ pi hombo peaaso alota꞉ Disao. Neketa꞉ Koda꞉na꞉ Eiyekee. Neketa꞉ Isulai wanda꞉halina꞉ Kini halie leekeme.

Dioni 10:30

Yaka Apa꞉ dikita꞉ homeke kone halopa꞉me leekeme.

Dioni 10:36

Kutu pa꞉la꞉pate I̱ta꞉ hande yaka Apa꞉ma꞉ I̱ meata꞉ do kenke pa꞉ta꞉ epono I̱ tapaeya꞉me. Koto ekina꞉ I̱ma꞉ta꞉ Koda꞉na꞉ Eiyeke halome loa꞉ ekita꞉ Koda꞉ laasopatema꞉ ekipeke alemepe.

Dioni 18:37

Koto leeke ekina꞉ Pailedima꞉ ipiki lota꞉ pitolo alota꞉ Kota꞉ neketa꞉ kini hali ya꞉ka꞉ta꞉pe leekeme. Yesuma꞉ ipika꞉ pi hombo peaaso alota꞉ I̱ pa꞉ta꞉ kini halie ale ekita꞉ naka꞉ alee. I̱ta꞉ hau homeke puluekema꞉ epoa꞉me. Mo ota꞉ pi waluekema꞉ loa꞉me. Kutu pionoyeke yaka ama꞉ma꞉ I̱ mendieke do kenkena꞉ epoa꞉me. Kutupa mo ota꞉ pi opuluekema꞉ katake na a꞉mba haleme wanda꞉halima꞉ I̱ma꞉ pi alo ekita꞉ opu halememe.

Dioni 19:7

Mo Diu haliwekima꞉ ipika꞉ pi hombo peaaso alota꞉ Nika꞉ pi uluma꞉eki ma꞉nda꞉ ula꞉me. Koto poloma꞉ ekina꞉ dupiki hali homaapeke ya꞉la꞉me. Ipikana꞉ma꞉ Koda꞉na꞉ Eiyeke halome leeke handa loma꞉me lemekeme.