Luku 22:37 - Panake Pi La: Ula: Buka pita: Kine Pieke Buka

³⁷ Pa ekipeke. I̱ma꞉ iki pa꞉ta꞉ ota꞉ alome. Mo hande Baiboloma꞉ lao witolota꞉ Ikana꞉ma꞉ ipikita꞉ mo pi ula꞉eki yambeleme haliweki ame̱le̱ mandakena꞉ apa꞉tao yata꞉pilimikie la꞉la꞉ ekita꞉ I̱na꞉ ota꞉ peneme yaena꞉e. Pa ekipeke. Mo hande I̱na꞉ lao wiekeeki paeyaota꞉ ameta꞉ ota꞉ peneme yao ipula꞉me leekeme.

Luku 22:37 Mawu Ofanana

Maka 15:27

Pake nepeke hali yaapo make Yesu ame̱le̱ a꞉ka꞉tei wapepiki tina꞉ tamendiaemekeme. Ma꞉nda꞉ta꞉ Yesuna꞉ popeke nane kikina꞉ ma꞉nda꞉ta꞉ ipika꞉ hoe nane kikina꞉ tamendiaemekeme.

Maka 15:28

[Kutu pimiki ekita꞉ mo Baibolo buka pa꞉ta꞉ wape pa꞉la꞉ pita꞉ ota꞉ yaeyekeme dupae. Mo pi wieke ekimanu yambelemeke haliweki ame̱le̱ hala꞉ halie hone wimikime wape pa꞉la꞉me.]

Luku 18:31

Yesuma꞉ ipika꞉ disaipolo haliweki talo pu mea mo pateleke pulu hata꞉ alota꞉ Opua꞉pe. Nikita꞉ Diutuseleme da teke pa꞉ta꞉ puluma꞉me. Koto pa꞉ta꞉ta꞉ hande potopede haliwekima꞉ Wanda꞉halina꞉ Eiyeke pa꞉ta꞉ pulu pa꞉la꞉ ekimanu lao wilimi ekita꞉ peneme yaalimikie.

Luku 22:22

Wanda꞉halina꞉ Eiyeketa꞉ mo hande Koda꞉ma꞉ la꞉ ula꞉ tupa꞉ kone homena꞉yeke pa꞉la꞉pate pa mo a꞉nda꞉ lomba꞉la꞉ halita꞉ ota꞉ paala꞉e leekeme.

Luku 22:36

Kota꞉ Yesuma꞉ alota꞉ Kutu pimipate ameta꞉ ma꞉nda꞉ epima꞉ pausa o nu wia haemeka꞉na꞉ta꞉ ota꞉ mea pua꞉pa꞉peke. Kutupa ma꞉nda꞉ epi a꞉nda꞉ kepete dolo dia꞉ ya꞉ka꞉na꞉ta꞉ kota꞉ ika꞉ sedi tapao mani mea kepete dolo ma꞉nda꞉ a̱i̱ hamba꞉pa꞉peke.

Luku 22:52

Kutupa Yesuma꞉ mo yeni peao hayeke teke haliweki make mo tembolo handeteke haemeke you haliweki make tondiki haliweki ipiki minuluekema꞉ epemeke haliweki pa꞉ta꞉ alota꞉ Ika꞉ honema꞉ta꞉ I̱ta꞉ a꞉nda꞉ kini pitolo hali patema꞉ a꞉nda꞉ pita꞉la꞉ kepete make ba̱i̱ make miniki a꞉pa pimipe.

Luku 23:32

Hali yaapo ma꞉nda꞉ ipilikita꞉ hoke hau pipiki some yaapo make Yesu ame̱le̱ mandakena꞉ lu endialuekema꞉ yeke hatuku pemekeme.

Luku 24:27

Kutupa Yesuma꞉ iki pa꞉ta꞉ mo Baibolo paeyaona꞉ ipika꞉ pi lao ula꞉eki paeyao la haleekeme. Ipikana꞉ma꞉ mo Mosesina꞉ buka manuna꞉ kini pea a꞉pa mo potopede manuma꞉ lao wieke ekimanu lo paeyaeyekeme.

Dioni 10:35

Kota꞉ Koda꞉ma꞉ ipika꞉ pi la꞉niaemeke haliweki pa꞉ta꞉ ika꞉ bikita꞉ koda꞉manue laa leekeme. Kutupa Baibolo bukana꞉ pita꞉ ota꞉eki kone pa u halieke.

Dioni 17:4

Neke tieke haleeki do kenkena꞉ hata꞉ walaata꞉ kutupa nakana꞉ma꞉ wale e make poko paeyaowa꞉me.

2 Kotindi 5:21

Ketiso pa꞉ta꞉ hoke hau ma꞉nda꞉ na wia꞉pate kone nika꞉ epeke hau peaaso hata꞉ Koda꞉ma꞉ ipikita꞉ nika꞉ hoke hau putupa꞉ mina꞉ leekeme. Pa ekipeke nikana꞉ma꞉ ipiki ame̱le̱ tunaasota꞉ mo Koda꞉na꞉ tikitiki pa꞉la꞉eki putu pomono yeke pa꞉la꞉me.

Ka꞉leisia 3:13

Hali epima꞉ ti manda endiaeya꞉ka꞉na꞉ta꞉ kota꞉ koto halita꞉ Koda꞉na꞉ esihou pi la꞉la꞉eki oto pa꞉ta꞉ hala꞉me mo Baibolona꞉ wape pea ula꞉ tupa꞉ Ketisoma꞉ mo pi ula꞉ ekina꞉ esihou pi niki pa꞉ta꞉ a꞉paama꞉na꞉yeke ipikana꞉ma꞉ nika꞉ anketeke mieke handaata꞉ mo esihou pita꞉ ipiki pa꞉ta꞉ yapeekeme.