Luku 22:36 - Panake Pi La: Ula: Buka pita: Kine Pieke Buka

³⁶ Kota꞉ Yesuma꞉ alota꞉ Kutu pimipate ameta꞉ ma꞉nda꞉ epima꞉ pausa o nu wia haemeka꞉na꞉ta꞉ ota꞉ mea pua꞉pa꞉peke. Kutupa ma꞉nda꞉ epi a꞉nda꞉ kepete dolo dia꞉ ya꞉ka꞉na꞉ta꞉ kota꞉ ika꞉ sedi tapao mani mea kepete dolo ma꞉nda꞉ a̱i̱ hamba꞉pa꞉peke.

Luku 22:36 Mawu Ofanana

Ma꞉tiu 10:10

Ta pota꞉na꞉ poluekema꞉ta꞉ nu o topo dau o topo ankedake o tumapu make na mea pu pea꞉pa꞉peke. Pa ekipeke. Mo e pokaasa꞉ halima꞉ta꞉ ipika꞉ e pokaasa꞉ alemanu kone hala꞉peke ya꞉lieke.

Luku 22:35

Kutupa Yesuma꞉ ipika꞉ disaipolo haliweki pa꞉ta꞉ alota꞉ Hande I̱ma꞉ iki tapawa꞉ dina꞉ta꞉ pausa o nu o anke dake na kiki pa tapawa꞉ma꞉ ikita꞉ ala꞉ta꞉ ma꞉nda꞉ weimipe laa lota꞉ piekeme. Ikana꞉ma꞉ hombo peaaso alota꞉ Ota꞉ ala꞉ta꞉ homekesiki ma꞉nda꞉ kone dia꞉me lemekeme.

Luku 22:37

Pa ekipeke. I̱ma꞉ iki pa꞉ta꞉ ota꞉ alome. Mo hande Baiboloma꞉ lao witolota꞉ Ikana꞉ma꞉ ipikita꞉ mo pi ula꞉eki yambeleme haliweki ame̱le̱ mandakena꞉ apa꞉tao yata꞉pilimikie la꞉la꞉ ekita꞉ I̱na꞉ ota꞉ peneme yaena꞉e. Pa ekipeke. Mo hande I̱na꞉ lao wiekeeki paeyaota꞉ ameta꞉ ota꞉ peneme yao ipula꞉me leekeme.

Luku 22:38

Mo disaipolo haliwekima꞉ alota꞉ Tekehalio. Handa꞉e. Kepete dolo yaapo do handa꞉e lemekeme. Yesuma꞉ alota꞉ Kotota꞉ ana꞉e leekeme.

Dioni 15:20

I̱ma꞉ alo pina꞉ hone wia꞉pa꞉peke. E pokaasa꞉ halima꞉ta꞉ ipika꞉ teke hali na ankulalieke laa loa꞉me. I̱ pa꞉ta꞉ a꞉nda꞉ lilimi ekima꞉ta꞉ iki pa꞉ta꞉ make a꞉nda꞉ lilimikie. I̱ma꞉ walolo pi opueleme ekima꞉ta꞉ ikana꞉ma꞉ walo pelemeeki make opilimikie.

Dioni 16:33

Do la kitolo pita꞉ ikana꞉ma꞉ I̱ yaapo ta꞉ma꞉ni pea hata꞉ puki lopa꞉niao hamina꞉yeke la loa꞉me. Kenke wanda꞉halima꞉ iki pa꞉ta꞉ tanda kulu pelemepate honkopu hao hapa꞉peke. Do kenkena꞉ pita꞉la꞉ hau manuta꞉ I̱ma꞉ amba꞉ bepolao ulume leekeme.

1 Desalonaika 3:4

Nikana꞉ma꞉ iki ame̱le̱ haoma꞉ pita꞉ wetepe niki pa꞉ta꞉ a꞉nda꞉ lulu pa꞉la꞉ ekimanu ipu halieke laa lo haoma꞉ ekita꞉ ota꞉ yaasa꞉eki handelememe.

1 Pida 4:1

Ketiso ipika꞉ lokema꞉ tanda mieke handa ikana꞉ma꞉ make ipikana꞉ma꞉ mo tanda mulu piekeeki pa꞉ta꞉ hone wieke tupa꞉ koto mandake honema꞉ kone iki honkopu hao hapa꞉peke. Kota꞉ ma꞉nda꞉ epima꞉ ipika꞉ lokema꞉ tanda mu haya꞉ka꞉na꞉ta꞉ ipikana꞉ma꞉ hoke hau mina꞉pa꞉lao hala꞉me.