Luku 21:37 - Panake Pi La: Ula: Buka pita: Kine Pieke Buka

³⁷ Yesuma꞉ koto nate manuta꞉ mo tembolo da pa꞉ta꞉ pi walaata꞉ welealo nane nina꞉ta꞉ mo Olipi Potena꞉ pua pitu timba꞉ latiki pu hayekeme.

Luku 21:37 Mawu Ofanana

Ma꞉tiu 21:1

Yesuma꞉ ipika꞉ disaipolo haliweki tonka꞉na꞉ mo Diutuseleme da teke pa꞉ta꞉ pulu hata꞉ ikana꞉ma꞉ mo olipi teke hala꞉ peiyene tea꞉na꞉ hayeke Betepeisi da opolo epemekeme.

Ma꞉tiu 21:17

Koto laata꞉ Yesuma꞉ iki make Diutuseleme da teke make mina꞉pa꞉lao Bedani da nane polu peekeme.

Ma꞉tiu 26:30

Kutaata꞉ ikana꞉ma꞉ emeli ma꞉nda꞉ laata꞉ mo Olipi Pote pa꞉ta꞉ pemekeme.

Ma꞉tiu 26:55

Kutaata꞉ Yesuma꞉ mo ipiki minuluekema꞉ epemeke haliweki pa꞉ta꞉ alota꞉ Ika꞉ honema꞉ I̱ta꞉ pi ula꞉eki na opiki nono pea a꞉nda꞉ lita꞉la꞉ hali patema꞉ do kepete tieke dolo make miniki a꞉pa pimipe. Nate wopu I̱ma꞉ta꞉ tembolo da tukiki pa꞉ta꞉ iki ame̱le̱ pi walo haowa꞉pate ikana꞉ma꞉ I̱ na da꞉ka꞉pa꞉ minimime.

Maka 11:12

Kutupa da ka꞉la꞉peeke haena꞉ta꞉ mo Bedani da mina꞉pa꞉lao paa la꞉ka꞉la ipulu hata꞉ Yesuma꞉ tea꞉ma꞉ homeekeme.

Maka 11:19

Kutupa nate pambolo haena꞉ Yesu ipika꞉ disaipolo haliweki ame̱le̱ teke da mina꞉pa꞉lao pemekeme.

Maka 14:49

Nate wopu I̱ma꞉ta꞉ mo tembolo da tukiki pa꞉ta꞉ iki ame̱le̱ pi walo haowa꞉pate ikana꞉ma꞉ I̱ na da꞉ka꞉pa꞉ minimime. Kutu pimipate mo Baibolo bukama꞉ la꞉la꞉eki yaalieke leekeme.

Luku 19:29

Kutupa ipikita꞉ oli Olipi peiyene tea꞉na꞉ hayeke Betepeisi make Bedani da yaapo pa꞉ta꞉ opolo a꞉paata꞉ ipika꞉ disaipolo hali yaapo amba꞉la tapaaluekema꞉ hata꞉ta꞉ dupa leekeme. Oni hala꞉ da nane opolo pua꞉pa꞉peke. Koto pa꞉ta꞉ opolo pepeka꞉na꞉ta꞉ donki ikiki hali ma꞉na꞉ endi bala꞉eki handilipipikie. Mo donkita꞉ ota꞉ homeke a꞉nda꞉ na pita pomu halemeekie. Hola꞉ tapao mea a꞉pa꞉peke.

Luku 19:37

Kutupa ipiki mo Diutuseleme teke pa꞉ta꞉ opolo poluekema꞉ yeke mo Olipi pote tea꞉ nane u niayeke pota꞉na꞉ hola꞉pa pulu haena꞉ mo ipika꞉ hoki nane telimea pemeke wanda꞉hali aneke hapuma꞉ kini pea Koda꞉ pa꞉ta꞉ Keiyae laata꞉ ipika꞉ biki anekema꞉ mea mina꞉liaemekeme. Pa ekipeke Yesuma꞉ hau tieke tieke ma꞉nda꞉ ma꞉nda꞉ pieke ekimanu ota꞉ aneke hapu handemekeme.

Luku 19:47

Kutupa hoto paeyao Yesuma꞉ mo tembolo da pa꞉ta꞉ pi wala꞉tiki pu hayekeme. Pate mo hande yeni peao haemeke haliwekina꞉ you haliwekima꞉ make pi ula꞉eki walo haemeke haliwekima꞉ make mo wanda꞉halina꞉ you haliwekima꞉ make Yesu luekema꞉ hone wimikime.

Luku 22:39

Yesuta꞉ ipika꞉ pea꞉tiki pu hayeke tupa꞉ mo da teke mina꞉pa꞉lao mo Olipi Potena꞉ ipika꞉ disaipolo haliweki ame̱le̱ peekeme.

Dioni 12:1

Mo hande Lombei Pupa Yapeeke natena꞉ ne pambuluekema꞉ haena꞉ nate yunki mindiki hata꞉ pa wina꞉ kone Yesuta꞉ mo Bedani da pa꞉ta꞉ peekeme. Hande Yesuma꞉ paa mea tiaeyeke hali La꞉satesi ipika꞉ dae.

Dioni 18:2

Amba꞉ta꞉ Yesuma꞉ koto pa꞉ta꞉ ipika꞉ disaipolo haliweki manda꞉hande pu hayeke handaata꞉ kutu pu hayeke ekita꞉ hande Yesu a꞉nda꞉ lombeeke hali Diudasima꞉ koto alena꞉ handeekeme.

Aposolo 1:12

Kutupa Diutuseleme nepoko pa꞉ta꞉ kilomida homeke tupa꞉ pote ma꞉nda꞉ biki Olipeti pa꞉ta꞉ hao Diutuseleme nane la꞉ka꞉la pemekeme.