Luku 21:19 - Panake Pi La: Ula: Buka pita: Kine Pieke Buka

¹⁹ Honkopu hao hapa꞉peke. Pa ekipeke dupiteleme hau manuma꞉ta꞉ ika꞉ kone petelimikie leekeme.

Luku 21:19 Mawu Ofanana

Ma꞉tiu 10:22

Ikana꞉ma꞉ ya e pokaaseme haliweki hata꞉ ya biki miniki haleme ekina꞉ta꞉ wanda꞉hali paeyaoma꞉ iki hoki wala kialimikie. Kutu pilimipate kone mo haumanu ipulu haena꞉ kone mo paelo pa꞉la꞉ nate opolo epena꞉ yu wia hata꞉ honkopu hao bepolatiki pu halia꞉ someta꞉ da꞉taa haena꞉ lelieke.

Ma꞉tiu 24:13

Kutu polo haena꞉ kone pa mo hone tulaasa꞉ some epima꞉ ota꞉ hone tulaatiki pu haya꞉ka꞉na꞉ta꞉ kota꞉ koto someta꞉ da꞉ta haena꞉ tamba꞉ milieke.

Luku 8:15

Kutupa mo epeke kenkena꞉ lopa꞉la꞉ wae ale manuta꞉ pi opua homu pu haleme wanda꞉hali ikana꞉ma꞉ honkopu hao epeke tupa꞉ minaata꞉ ika꞉ kiliki aneke a꞉eluekema꞉ pa putia pelimikie leekeme.

Loma꞉ 15:4

Mo hande Baibolo bukana꞉ wape pa꞉la꞉ ekimanu paeyaota꞉ niki waluekema꞉ wape pea pelememe. Mo hande Baibolo bukana꞉ wape pa꞉la꞉eki manuma꞉ta꞉ niki sutia tia pitolo haena꞉ niki tiao hata꞉ mo hande la꞉ ula꞉ ekimanu yaena꞉yeke handeteke hao hamono ula꞉me.

Loma꞉ 2:7

Mandane wanda꞉halima꞉ta꞉ epeke haumanu pu hatiki peaata꞉ ika꞉ biki epeke wina꞉ lolo pa꞉la꞉eki make Koda꞉ma꞉ ika꞉ pi lawalo pa꞉la꞉eki make homa꞉peke na yeke da꞉ta hao halo pa꞉la꞉eki make weiyu halememe. Kutu piki wanda꞉hali pa꞉ta꞉ Koda꞉ma꞉ da꞉ta hao halo pa꞉la꞉eki halieke.

Loma꞉ 5:3

Koto ekina꞉ homeke dia꞉ya꞉la꞉pate niki pa꞉ta꞉ ka꞉nda꞉ma꞉ homa꞉la꞉eki ipula꞉ ekina꞉ make ta꞉na꞉ma꞉ homa hapeke ya꞉la꞉me. Niki pa꞉ta꞉ ka꞉nda꞉ma꞉ homa꞉la꞉ ekimanu epea꞉ka꞉na꞉ta꞉ kota꞉ nikita꞉ na꞉pa na wiki da̱o̱la halo poloma꞉eki ipulu pita꞉la꞉me.

Loma꞉ 5:4

Kutupa nikita꞉ la handa꞉la꞉eki epena꞉ kone da̱o̱la haoma꞉ka꞉na꞉ta꞉ Koda꞉ma꞉ ota꞉ halie laa lelieke. Kotoeki lolo pa꞉la꞉ ekina꞉ nikana꞉ma꞉ hone ti lao halumeke.

Loma꞉ 8:25

Koto pa꞉la꞉pate nikana꞉ma꞉ na handoloma꞉eki kone honema꞉ tumao haoma꞉ka꞉na꞉ta꞉ kota꞉ ota꞉ yaalo pa꞉la꞉eki puluekema꞉ eiei na leke yopu handeteke hao halumeke.

1 Desalonaika 1:3

Ikana꞉ma꞉ hone tulao hata꞉ epeke hau pimieki make ika꞉ pukima꞉ homa hata꞉ e wotu pokemeeki make nika꞉ Tekehali Yesu Ketiso handeteke hata꞉ puki hana꞉ noka꞉pa haemeeki make nikana꞉ma꞉ hone u haloma꞉ ekina꞉ loa꞉me.

2 Desalonaika 3:5

Ikana꞉ma꞉ Koda꞉na꞉ pukima꞉ homa꞉la꞉eki make Ketisoma꞉ ka꞉nda꞉ pa꞉la꞉eki na mina꞉pa꞉lake taka꞉lao hayekeeki make hone uemena꞉ Tekehalima꞉ ika꞉ hone witeleme ekita꞉ tikitiki yao hatuku pena꞉e.

Hibulu 10:36

Koto ekina꞉ta꞉ mo Koda꞉na꞉ hone pa꞉la꞉eki amba꞉la pealuekema꞉ make mo ipika꞉ la꞉ ula꞉ alemanu muluekema꞉ make ikana꞉ma꞉ yopu yu wia hapa꞉peke ya꞉la꞉me.

Hibulu 6:11

Koda꞉ma꞉ ota꞉ pina꞉e hone wilimieki iki pa꞉ta꞉ ota꞉ pina꞉ kima꞉ na homeke honkopu hao hata꞉ mo hande epeke haumanu pa pea꞉tiki pu hamena꞉ niki hone wopu pa꞉la꞉me.

Hibulu 6:15

Eipoloha꞉ma꞉ mo pi la꞉ wieke ale muluekema꞉ yu wia hayeke handaata꞉ koto pi la꞉ wieke ekita꞉ ota꞉ miekeme.

Dia꞉mesi 1:3

Do ekina꞉yeke loa꞉me. Ika꞉ Koda꞉ pa꞉ta꞉ hone tulaaleme ekina꞉ la handa꞉la꞉eki epea꞉ka꞉na꞉ta꞉ iki taka꞉lawaluekema꞉ pita꞉la꞉me.

Dia꞉mesi 1:4

Kutupa taka꞉lapa pua haemeka꞉na꞉ta꞉ hau ma꞉nda꞉siki na mina꞉pa꞉lake ota꞉ ana꞉na꞉ kone halimikie.

2 Pida 1:6

Koto ika꞉ hone wilimieki pa꞉ta꞉ta꞉ mo ika꞉ kone loke hone yaapo lu tumbao haleme hau apa꞉taapa꞉peke. Kutupa koto loke hone yaapo lu tumbao halemeeki pa꞉ta꞉ta꞉ puki hana꞉ noka꞉pelemeeki apa꞉taapa꞉peke. Koto ika꞉ puki hana꞉ noka꞉pelemeeki pa꞉ta꞉ta꞉ Koda꞉na꞉ hau leke pitelemeeki apa꞉taapa꞉peke.

Peneme Yaeyekeeki 1:9

I̱ta꞉ ika꞉ kame Dioni Yesuna꞉ hoki nane teliolo halie. Ipika꞉ Kilu Tombuao Hala꞉eki pa꞉ta꞉ haleme ekina꞉ ki hone na wiki Pina꞉e laa tanda mineleme ekina꞉ putupoloma꞉ yankekema꞉ loa꞉me. I̱ta꞉ Koda꞉na꞉ pi walaawa꞉ ekina꞉ make Yesuma꞉ ota꞉eki peneme yaeyekeeki walaawa꞉ ekina꞉ I̱ta꞉ mo dawalama꞉ dupake Pa꞉timosi kenke siki pa꞉ta꞉ hano lelememe.

Peneme Yaeyekeeki 13:10

Ma꞉nda꞉ epita꞉ tapake ma꞉nda꞉ma꞉ minina꞉e laa wia꞉ka꞉na꞉ta꞉ kota꞉ ota꞉ minina꞉ lelieke. Epita꞉ bainasima꞉ lia homaena꞉e laa wia꞉ka꞉na꞉ta꞉ kota꞉ ota꞉ mo bainasima꞉ lia homaena꞉ lelieke. Dupiki haumanu pa꞉ta꞉ta꞉ Koda꞉na꞉ wanda꞉hali lopaama꞉na꞉yeke homu pea pa pina꞉e laa yu wia hata꞉ make kima꞉ na homeke hone tu lao haya꞉ka꞉na꞉ta꞉ ana꞉ pilieke.

Peneme Yaeyekeeki 14:12

Koto ya꞉leke handaa mo Koda꞉na꞉ pi ula꞉ ekimanu opua Yesu pa꞉ta꞉ kima꞉ na homeke hone tulao hala꞉ wanda꞉hali lopaama꞉na꞉yeke ika꞉ pa pina꞉e laa yu wia hala꞉ ekita꞉ ana꞉na꞉ pilieke.

Peneme Yaeyekeeki 3:10

Mo kenkena꞉ haleme wanda꞉hali paeyao la handuluekema꞉ ipula꞉ ka꞉nda꞉manu pa꞉ta꞉ta꞉ I̱ma꞉ iki handeteke halueke. Pa ekipeke ikana꞉ma꞉ta꞉ mo ka꞉nda꞉ pa꞉la꞉eki pa꞉ta꞉ hata꞉ kone kima꞉ na homeke honkopu hao hapa꞉peke laa la꞉ ua꞉ ekita꞉ na mina꞉pa꞉lake pa pea꞉tiki peleme ekina꞉ loa꞉me.