Luku 20:46 - Panake Pi La: Ula: Buka pita: Kine Pieke Buka

⁴⁶ Mo Lo Pi walo haemeke haliwekina꞉ hau wotu handeteke hapa꞉peke. Ikana꞉ma꞉ta꞉ hokulupiki daumanu pambao pomu hata꞉ta꞉ makedina꞉ hatiki pita꞉la꞉ wanda꞉halima꞉ iki pa꞉ta꞉ homu pitolo pi la halena꞉ hone wotu u halememe. Mo yeni damanu tukiki pa꞉ta꞉ pituluekema꞉ta꞉ wanda꞉halima꞉ iki handena꞉ hone wia mo you haliweki pitina꞉ wepia wiala꞉ epeke seamanu yata꞉pa pitu halememe. Ne pambaasa꞉ ekina꞉ make epeke haupiki seana꞉ pituluekema꞉ hone u halememe.

Luku 20:46 Mawu Ofanana

Ma꞉tiu 16:6

Yesuma꞉ mana꞉ alo hata꞉ iki pa꞉ta꞉ alota꞉ Wotu hapa꞉peke. Pa꞉tisi Sa꞉dusi tapake yaapona꞉ palaowa pombei yaasa꞉eki wotu handa꞉pa꞉peke leekeme.

Ma꞉tiu 23:1

Koto pi wala paeyeke hoki naneta꞉ Yesuma꞉ wanda꞉hali pa꞉ta꞉ make ipika꞉ disaipolo haliweki pa꞉ta꞉ make pi ma꞉nda꞉ dupa leekeme.

Maka 8:15

Yesuma꞉ mana꞉ alo hata꞉ iki pa꞉ta꞉ alota꞉ Wotu hapa꞉peke. Pa꞉tisi haliwekina꞉ palaowa pombei yaasa꞉eki make Hetodina꞉ palaowa pombei yaasa꞉eki make wotu handa꞉pa꞉peke leekeme.

Luku 11:43

Pa꞉tisi haliwekio ika꞉ hoke yenki tiekena꞉ I̱ paala꞉e. Ikana꞉ma꞉ta꞉ oni yeni pu hala꞉ da pa꞉ta꞉ mo you haliwekina꞉ wiala꞉ sea manuna꞉ pituluekema꞉ hone wotu u haleme make oni makedi hama haleme wanda꞉halima꞉ ika꞉ biki miniliaaso Epeke daka꞉la꞉paaso꞉e la꞉tiki pina꞉ hone wopu u halememe.

Luku 12:1

Wanda꞉hali pisetekema꞉ ika꞉ ika꞉ kone lu tumbapeke nono pea mombololo haena꞉ Yesuma꞉ ipika꞉ disaipolo haliweki pa꞉ta꞉ amba꞉la alota꞉ Ikana꞉ma꞉ mo Pa꞉tisi haliwekina꞉ palaowa pombeiyaasa꞉ ale yisiti wotu handeteke hapa꞉peke. Doeki alo ekita꞉ ika꞉ yayapiki makeaaso hauna꞉ loa꞉me.

Luku 14:7

Mo hande wi leeke epemeke haliwekima꞉ a꞉pa꞉la꞉ da panda꞉ handaa mu tia pomimikieki hando hao Yesuma꞉ dupiki onkoluma꞉ pi la haleekeme.

Luku 20:47

Kutupa kosa꞉piki wanda꞉wekina꞉ damanu makea makea pea minolota꞉ handaena꞉ hau pea yeni pu hokulu peao halememe. Koto ekina꞉ta꞉ mo haliwekima꞉ ika꞉ mulu peleme hoke yenkita꞉ ota꞉ haka꞉ta꞉pao tieke milimikie leekeme.

Loma꞉ 12:10

Ikana꞉ma꞉ ika꞉ Ketiso kametiti ame̱le̱ ika꞉ kone pukima꞉ homa alualu pea hapa꞉peke. Kutupa ika꞉ ika꞉ kone lu mina꞉nia alualu puluekema꞉ taapo hapa꞉peke.

2 Timodi 4:15

Mo somema꞉ nika꞉ waloloma꞉ pina꞉ a꞉nda꞉ wopu lia꞉me. Kutu pieke handaa neke make hoeyaama꞉na꞉ma꞉ wopu handeteke hapeke.

3 Dioni 1:9

I̱ma꞉ta꞉ mo siosi wanda꞉hali pa꞉ta꞉ doka꞉tiki tameiya꞉ siki tapaowa꞉pate mo siosina꞉ handeteke hala꞉ hali haluekee hone wieke hali Daeoda꞉ta꞉pisima꞉ta꞉ I̱ma꞉ alo pi ma꞉nda꞉ ota꞉ na opu hala꞉me.