Luku 20:26 - Panake Pi La: Ula: Buka pita: Kine Pieke Buka

²⁶ Mo wanda꞉halina꞉ leke popelekena꞉ Yesu mea lopapeke tupa꞉ mateeke handaa mo hande haliwekima꞉ pi ma꞉nda꞉ na leke ipika꞉ hombo peayeke ekina꞉ pututuma꞉ homa pitatia yapemekeme.

Luku 20:26 Mawu Ofanana

Ma꞉tiu 22:12

Someo. Mo hande aka꞉ na pambaaketa꞉ do pa꞉ta꞉ ekipa epepe laa lota꞉ piekepate mo somema꞉ pi ma꞉nda꞉ na leekeme.

Ma꞉tiu 22:22

Mo haliwekima꞉ koto pi opuaata꞉ penkili polo hata꞉ Yesu haena꞉ mina꞉pa꞉lao pemekeme.

Ma꞉tiu 22:34

Yesuma꞉ leeke pi opimiki handaa mo hande Sa꞉dusi tonuma꞉ lapeke pi mateeke e pondo na lemekeeki handolo hata꞉ta꞉ mo Pa꞉tisi tonu make Yesu pa꞉ta꞉ pua mombelemekeme.

Ma꞉tiu 8:10

Koto leekeeki Yesuma꞉ opuolota꞉ penkilipa꞉tia pominolo hata꞉ mo hande ipika꞉ hoki nane telimiki wanda꞉hali pa꞉ta꞉ alota꞉ I̱ma꞉ iki pa꞉ta꞉ ota꞉ pi alome. Mo Isulai tapake tukiki pa꞉ta꞉ dupiki hone tulaake some homeke ma꞉nda꞉ a꞉nda꞉ I̱ na handolome.

Luku 11:54

Kutu pimiki hauta꞉ Yesu hona꞉ma̱o̱ tamuluekema꞉ make ipikana꞉ma꞉ ata꞉ka꞉ piki pi ma꞉nda꞉ lea꞉ka꞉na꞉ minulua꞉ patema꞉ lemekeme.

Luku 13:17

Koto hombo peayeke ekima꞉ta꞉ Yesu ipika꞉ a꞉nda꞉ tunkuliki haliwekima꞉ yaala꞉ma꞉ homolo haena꞉ta꞉ mo wanda꞉halima꞉ta꞉ mo epeke haumanu piekeeki handolo hata꞉ ta꞉na꞉ma꞉ wotu homemekeme.

Luku 20:20

Koto ekina꞉ yeketa꞉ ikana꞉ma꞉ pota꞉ ma꞉nda꞉ weitolo hata꞉ mandane haliwekima꞉ lota꞉ pita꞉la꞉eki manuma꞉ Yesu tamena꞉yeke ma꞉na꞉ yapa꞉ pimikime. Mo haliweki pa꞉ta꞉ alota꞉ Makeaaso hata꞉ kone ikana꞉ma꞉ homu piki pimanu alememe hone wina꞉ lota꞉ pulu pupe lemekeme. Ika꞉ hone tukiki pa꞉ta꞉ta꞉ Koto lota꞉ pilimi ekima꞉ pa makeaaso hata꞉ Yesuna꞉ kiki tondoliki honda꞉ lia mo Loma꞉na꞉ Kapomani You halina꞉ kiki nane hala꞉ monealumeke laa honema꞉ pimikime.

Loma꞉ 3:19

Mo hande Lo Pimanu opua oto pa꞉ta꞉ haleme wanda꞉halita꞉ mo Lo Pimanu iki pa꞉ta꞉ ula꞉ ekita꞉ handoloma꞉me. Koto Lo Pi manuma꞉ hambiliki honiolo aleme pimanu sa꞉sa꞉ peaata꞉ Koda꞉ma꞉ kenke wanda꞉hali paeyao pi yokaalu pulu pa꞉la꞉ ekita꞉ wala꞉la꞉me.

Taitasi 1:10

Haliweki wopuma꞉ ota꞉ pi kiaaso hata꞉ mo ika꞉ pa hameke pi manuma꞉ mandane wanda꞉hali makeao halememe. Kutupiki pi lo haleme mandane haliwekita꞉ mo pa sekemesaisi pu haleme Diu tapake haemeke tapakema꞉ kone lo halememe.