Luku 20:14 - Panake Pi La: Ula: Buka pita: Kine Pieke Buka

¹⁴ Kutu piekepate mo hande e handeteke haemeke haliwekima꞉ta꞉ mo weki epeekeeki handaata꞉ kota꞉ ika꞉ honema꞉ lombolo alota꞉ Hande e teke halina꞉ anke teke mulu pa꞉la꞉ wekita꞉ koto ipula꞉ handa꞉e. Ota꞉ lumana꞉e la alota꞉ Luma꞉ka꞉na꞉ta꞉ kota꞉ mo eta꞉ ota꞉ nika꞉ eki wilieke lemekeme.

Luku 20:14 Mawu Ofanana

Ma꞉tiu 16:7

Koto leekeeki opuolo hata꞉ ika꞉ ika꞉ kone hone wia pi pi lemeke ekita꞉ dupa. Nikita꞉ palaowa na mea epoma꞉ ekina꞉ ala꞉me lemekeme.

Ma꞉tiu 21:25

Dionima꞉ bapitaisi peao haya꞉ hauta꞉ hepeni nane ekipe o kenke wanda꞉halina꞉ ekipe iki pa꞉ta꞉ lota꞉ pitolome leekeme. Koto pi opuata꞉ mo haliwekima꞉ ika꞉ ika꞉ kone pi dupa lemekeme. Hepeni nane ekie loma꞉ka꞉na꞉ta꞉ kota꞉ ipikana꞉ma꞉ niki pa꞉ta꞉ alota꞉ Dionima꞉ lo haya꞉ pi manuta꞉ pa ekipeke na miniki haemepe lelieke lemekeme.

Ma꞉tiu 21:34

Wetepena꞉ mo waini kiliki talemeke nate opolo epeeketa꞉ mo hande haliwekima꞉ wialimi ipika꞉ putu piliki meaena꞉ta꞉ ipika꞉ e pokaemeke haliweki iki pa꞉ta꞉ tapaeyekeme.

Luku 19:47

Kutupa hoto paeyao Yesuma꞉ mo tembolo da pa꞉ta꞉ pi wala꞉tiki pu hayekeme. Pate mo hande yeni peao haemeke haliwekina꞉ you haliwekima꞉ make pi ula꞉eki walo haemeke haliwekima꞉ make mo wanda꞉halina꞉ you haliwekima꞉ make Yesu luekema꞉ hone wimikime.

Luku 20:13

Kotoeki ombu pimiki mo hande waini ena꞉ teke somema꞉ alota꞉ I̱ma꞉ eki pulua꞉pe hone wiaata꞉ Yaka pukima꞉ na kepeleke weki kone tapalueke hone wiekeme. Ipika꞉ honema꞉ alota꞉ Yaka wekina꞉ pita꞉ ota꞉ opua pilimikie laa leekeme.

Luku 20:15

Koto laata꞉ ikana꞉ma꞉ mo someta꞉ e tikene nane yola꞉ mea puaata꞉ lia homaemekeme leekeme. Koto pimanu la paeyeketa꞉ Yesuma꞉ mo wanda꞉hali lota꞉ pitolo alota꞉ Do ena꞉ tekehali opolo epea꞉ka꞉na꞉ta꞉ kota꞉ mo e handeteke haleme haliweki pa꞉ta꞉ta꞉ eki haumanu pilia꞉pe.

Luku 20:19

Koto leeke ekina꞉ mo yeni peao haemeke haliwekina꞉ you haliweki make hande pi ula꞉eki walo haemeke haliwekima꞉ make Yesu koto kone minuluekema꞉ yeke taapemekeme. Ekipeke ika꞉ hone witolota꞉ Ipikana꞉ma꞉ lea꞉ onkoluma꞉ pita꞉ iki pa꞉ta꞉ kone lea꞉me hone witolo hata꞉ pimikime. Kutu puluekema꞉ pimikipate mo wanda꞉halima꞉ paala꞉ pieke handa paemekeme.

Luku 20:5

Koto pi opuata꞉ mo haliwekima꞉ ika꞉ ika꞉ kone alo alota꞉ Nikana꞉ma꞉ta꞉ ekipa hombo peamana꞉pe. Hepeni nane ekie loma꞉ka꞉na꞉ta꞉ kota꞉ niki pa꞉ta꞉ta꞉ Dionima꞉ lo hayeke pi manuta꞉ ekipeke na miniki haemepe laa lelieke.

Luku 22:2

Mo yeni peao haemeke teke haliwekima꞉ make mo Lo Pi wala꞉tiki pu haemeke haliwekima꞉ make Yesu a꞉mbao luekema꞉ yeke mandane pota꞉manu wopu weimikime. Pa ekipeke. Ikita꞉ mo wanda꞉hali paala꞉ma꞉ homolo hata꞉ pimikime.

Aposolo 2:23

Amba꞉ kone Koda꞉ma꞉ hone wiaata꞉ Yesuta꞉ ikana꞉ma꞉ milimikie laa pi la꞉ wiekeme. Kutupa ikana꞉ma꞉ta꞉ mo hoke hau pu haleme haliwekima꞉ Yesuta꞉ hande a꞉ka꞉tei wapepiki tina꞉ ikokoma꞉ tamendiaena꞉ lemeke ekima꞉ ikana꞉ma꞉ kone Yesu limikime.

Aposolo 3:15

Ikana꞉ma꞉ mo da꞉taasa꞉ hali limipate Koda꞉ma꞉ mea tiaeyekeme. Kutupa nikana꞉ma꞉ wekitisi do halualu pitoloma꞉ handa꞉e leekeme.

Loma꞉ 8:17

Nikana꞉ma꞉ta꞉ ipika꞉ weki wandiki hata꞉ Koda꞉ma꞉ ipika꞉ wanda꞉hali epealuekema꞉ wina꞉ la꞉la꞉ ekimanu mulumeke. Kutupa Koda꞉ma꞉ Ketiso pa꞉ta꞉ haluekema꞉ wina꞉ la꞉la꞉ ekimanu make Ketiso ame̱le̱ mulumeke. Nikana꞉ma꞉ Ketiso ame̱le̱ tanda pa꞉la꞉ ekimanu muma꞉ka꞉na꞉ta꞉ kota꞉ ipika꞉ pa̱a̱ pa꞉la꞉eki make ipiki ame̱le̱ mandakena꞉ halumeke.

Hibulu 1:2

Kutu pieke pateta꞉ pa ame do wetepe naneta꞉ Koda꞉ma꞉ ipika꞉ Eiyeke pa꞉ta꞉ yama꞉ ipika꞉ pi niki pa꞉ta꞉ la kina꞉ la꞉la꞉me. Kutaata꞉ Koda꞉ma꞉ koto Eiyekena꞉ kikima꞉ta꞉ do kenke ya yaapona꞉ ula꞉ alemanu paeyao wepia wina꞉ laa ipikana꞉ma꞉ mo paelo pa꞉la꞉ naneta꞉ ala꞉ta꞉ ala꞉ta꞉ paeyao kilu tombuao haena꞉ Koda꞉ma꞉ ipiki mea hayekeme.