Luku 19:44 - Panake Pi La: Ula: Buka pita: Kine Pieke Buka

⁴⁴ Ikana꞉ma꞉ neke make naka꞉ pape tukiki pa꞉ta꞉ haleme wanda꞉hali paeyaota꞉ ota꞉ lia paeyaalimikie. Kutupa naka꞉ toopi ma꞉nda꞉ ipika꞉ ula꞉ alena꞉ ota꞉ na wina꞉ lelimikie. Pa ekipeketa꞉ nakana꞉ma꞉ Koda꞉ma꞉ neke peteluekema꞉ peneme yao epena꞉ lea꞉ nate leketa꞉ na handa꞉ wima꞉e leekeme.

Luku 19:44 Mawu Ofanana

Ma꞉tiu 24:2

Yesuma꞉ ika꞉ pi hombo peaaso alota꞉ Ikana꞉ma꞉ do da a꞉ela꞉ alemanu paeyao handelemepe. I̱ma꞉ iki pa꞉ta꞉ ota꞉ pi alome. Do toopi epeke tupa꞉ atula atula pea uleke handoloma꞉ tupa꞉ta꞉ homeke ma꞉nda꞉ ota꞉ na wilieke. Koto toopi ota꞉ paeya tapaota꞉ mea holao tankulupu bao aneya moneya pea wilieke alome leekeme.

Maka 13:2

Yesuma꞉ ipiki pa꞉ta꞉ alota꞉ Do da tiekemanu handelepe. Toopi manda ma꞉nda꞉ na tapa꞉ pelia hata꞉ paeyao ota꞉ lopilieke leekeme.

Luku 1:68

Tekehalima꞉ ipika꞉ wanda꞉hali tamba꞉ mulu a꞉paata꞉ iki tonkaala꞉ alemanu ka꞉la꞉pa wala꞉ ekina꞉ Isulai wanda꞉halina꞉ Koda꞉ ipika꞉ pi laamana꞉e.

Luku 1:78

Pa ekipeke. Nika꞉ Koda꞉ta꞉ yopu hao hata꞉ niki pa꞉ta꞉ a꞉ta꞉ma꞉ homo hala꞉me. Da panake ka꞉la꞉polo hata꞉ pa̱a̱ peaasa꞉ tupa꞉ta꞉ Koda꞉ma꞉ niki pa꞉ta꞉ da꞉ta꞉la꞉eki kilieke.

Luku 19:42

Nakana꞉ma꞉ ame a꞉nda꞉ peliaasa꞉eki muluekema꞉ pea꞉pekeeki hone witolo yoluta꞉ epolo pia꞉me. Koto pa꞉la꞉pate ameta꞉ nakana꞉ma꞉ ana꞉na꞉ handa꞉peke na ya꞉la꞉me.

Luku 21:6

Do handeleme alemanu paeyaota꞉ ika꞉ nate opolo epea꞉ka꞉na꞉ta꞉ toopi manda ma꞉nda꞉ na tapa꞉ pelia hata꞉ paeyao mea lopaalieke leekeme.

1 Pida 2:12

Ikana꞉ma꞉ pi na ma꞉la꞉ wanda꞉hali taapuna꞉ ota꞉ epeke hau pu hapa꞉peke. Kutu pimikina꞉ta꞉ hande pi na ma꞉la꞉ wanda꞉halima꞉ iki biki hoeyaaluekema꞉ taapilimipate ika꞉ epeke piteleme ekimanu pa꞉ta꞉ handilimikie. Koto ekina꞉ koto wanda꞉halima꞉ta꞉ hande la꞉ ula꞉ nate epea꞉ka꞉na꞉ta꞉ Koda꞉na꞉ biki a꞉meiyalimikie.