Luku 19:42 - Panake Pi La: Ula: Buka pita: Kine Pieke Buka

⁴² Nakana꞉ma꞉ ame a꞉nda꞉ peliaasa꞉eki muluekema꞉ pea꞉pekeeki hone witolo yoluta꞉ epolo pia꞉me. Koto pa꞉la꞉pate ameta꞉ nakana꞉ma꞉ ana꞉na꞉ handa꞉peke na ya꞉la꞉me.

Luku 19:42 Mawu Ofanana

Luku 19:41

Yesu mo Diutuseleme da teke pa꞉ta꞉ opolo a꞉pa mo da handolo hata꞉ta꞉ e̱ alo alota꞉

Luku 19:43

Nate ma꞉nda꞉ a꞉nda꞉na꞉ta꞉ naka꞉ a꞉nda꞉ tunkuliki haliweki a꞉pa a꞉nda꞉ pape tieke tieke hopa꞉liao pokaata꞉ naka꞉ pota꞉ poka꞉niao pitilimikie. A꞉nda꞉ puluekema꞉ta꞉ mandane mandane a꞉pa dupalimikie.

Luku 19:44

Ikana꞉ma꞉ neke make naka꞉ pape tukiki pa꞉ta꞉ haleme wanda꞉hali paeyaota꞉ ota꞉ lia paeyaalimikie. Kutupa naka꞉ toopi ma꞉nda꞉ ipika꞉ ula꞉ alena꞉ ota꞉ na wina꞉ lelimikie. Pa ekipeketa꞉ nakana꞉ma꞉ Koda꞉ma꞉ neke peteluekema꞉ peneme yao epena꞉ lea꞉ nate leketa꞉ na handa꞉ wima꞉e leekeme.

Aposolo 10:36

Ikana꞉ma꞉ do ekita꞉ amba꞉ ta handeleme handa꞉e. Koda꞉ma꞉ mo Isulai wanda꞉hali pa꞉ta꞉ pi tapaeyekeeki loa꞉me. Ipikana꞉ma꞉ mo a꞉nda꞉ peliaasa꞉ Pi Seliapota꞉ Yesu Ketiso pa꞉ta꞉ yama꞉ walena꞉ leekeme. Yesuta꞉ wanda꞉hali make ala꞉ta꞉ ala꞉ta꞉ make paeyaona꞉ Tekehalie.

Aposolo 13:46

Kutupa Solo pita꞉ Banabasi yaapoma꞉ paala꞉ma꞉ na homeke hata꞉ pi alo alota꞉ Iki pa꞉ta꞉ amba꞉la Koda꞉na꞉ pi ale wala꞉peke ya꞉la꞉pateo. Ikana꞉ma꞉ kiaaso hata꞉ Nikita꞉ deto hala꞉eki mea꞉peke na ya꞉la꞉me alemeke handaata꞉ kota꞉ handa꞉pe. Mo Diendaili wanda꞉hali pa꞉ta꞉ walo pulupa꞉me lepekeme.

Hibulu 3:13

Koto hau na pikita꞉ mo hoke hauma꞉ iki makeao haama꞉na꞉ laa ika꞉ puki taka꞉lawaama꞉na꞉ nate paeyao ika꞉ ika꞉ kone epeke pi manuma꞉ tikitiki ya alualu pu hapa꞉peke. Mo Baiboloma꞉ Ame do natee la꞉la꞉ pita꞉ niki pa꞉ta꞉ waleke kitolo aleketa꞉ kota꞉ koto ala꞉ hau pu hamana꞉e.

Hibulu 3:15

Hande kinki pitolo ala꞉ pita꞉ niki pa꞉ta꞉ ipulu ipulu hata꞉ alota꞉ dupae Ame Koda꞉na꞉ pi ho̱la̱꞉make opimika꞉na꞉ta꞉ kota꞉ mo hande ika꞉ apa꞉na꞉ atekena꞉ atekema꞉ puki taka꞉laaso hata꞉ Koda꞉na꞉ pi na opiki nono pimiki tupa꞉ ikana꞉ma꞉ make pi na opiki nono na pea꞉pa꞉peke la꞉la꞉me.

Hibulu 3:7

Koto pa꞉la꞉ ekina꞉ mo Holi Sipitidima꞉ kinki pitolo hata꞉ alota꞉ Ame do natena꞉ Koda꞉na꞉ pi ho̱la̱꞉make opimika꞉na꞉ta꞉