Luku 19:37 - Panake Pi La: Ula: Buka pita: Kine Pieke Buka

³⁷ Kutupa ipiki mo Diutuseleme teke pa꞉ta꞉ opolo poluekema꞉ yeke mo Olipi pote tea꞉ nane u niayeke pota꞉na꞉ hola꞉pa pulu haena꞉ mo ipika꞉ hoki nane telimea pemeke wanda꞉hali aneke hapuma꞉ kini pea Koda꞉ pa꞉ta꞉ Keiyae laata꞉ ipika꞉ biki anekema꞉ mea mina꞉liaemekeme. Pa ekipeke Yesuma꞉ hau tieke tieke ma꞉nda꞉ ma꞉nda꞉ pieke ekimanu ota꞉ aneke hapu handemekeme.

Luku 19:37 Mawu Ofanana

Ma꞉tiu 21:1

Yesuma꞉ ipika꞉ disaipolo haliweki tonka꞉na꞉ mo Diutuseleme da teke pa꞉ta꞉ pulu hata꞉ ikana꞉ma꞉ mo olipi teke hala꞉ peiyene tea꞉na꞉ hayeke Betepeisi da opolo epemekeme.

Maka 13:3

Yesuta꞉ oli Olipi ti polu peiyene pa꞉ta꞉ mo tembolo da handa꞉moneao pitina꞉ Pida Dia꞉mesi Dioni A꞉ndutu make ika꞉ honumake sikima꞉ Yesu pa꞉ta꞉ lota꞉ pea alota꞉

Maka 14:26

Ikana꞉ma꞉ emeli ma꞉nda꞉ laata꞉ mo Olipi Pote pa꞉ta꞉ pemekeme.

Luku 18:43

Koto kone mo halima꞉ ana꞉na꞉ handa꞉peke yeekeme. Koto ekina꞉ta꞉ ipikana꞉ma꞉ Yesu telia꞉ mea pulu hata꞉ Koda꞉ pa꞉ta꞉ keiyae la꞉tia peekeme. Mo hande wanda꞉halima꞉ doeki hando haota꞉ paeyaoma꞉ Koda꞉na꞉ biki tieke laemekeme.

Luku 19:20

Kutupa koto hoki nane e pokao hayeke hali ma꞉nda꞉ a꞉pa alota꞉ Tekehalio. Hande naka꞉ 20 kina doe. I̱ma꞉ta꞉ dau siki pa꞉ta꞉ panka꞉ ua꞉me.

Luku 19:29

Kutupa ipikita꞉ oli Olipi peiyene tea꞉na꞉ hayeke Betepeisi make Bedani da yaapo pa꞉ta꞉ opolo a꞉paata꞉ ipika꞉ disaipolo hali yaapo amba꞉la tapaaluekema꞉ hata꞉ta꞉ dupa leekeme. Oni hala꞉ da nane opolo pua꞉pa꞉peke. Koto pa꞉ta꞉ opolo pepeka꞉na꞉ta꞉ donki ikiki hali ma꞉na꞉ endi bala꞉eki handilipipikie. Mo donkita꞉ ota꞉ homeke a꞉nda꞉ na pita pomu halemeekie. Hola꞉ tapao mea a꞉pa꞉peke.

Luku 19:36

Yesuma꞉ mo ma꞉na꞉ hokina꞉ pita ipulu haena꞉ta꞉ wanda꞉halima꞉ ika꞉ daumanu lepolona꞉ peolao yamoma꞉ yamoma꞉ pimikime.

Luku 7:16

Koto ekina꞉ta꞉ wanda꞉hali paeyaoma꞉ dupiki hau hando hao pututuma꞉ homolo hata꞉ Koda꞉na꞉ biki mea miniliaaso hata꞉ alota꞉ Ota꞉ aneke potopede ma꞉nda꞉ niki tukiki pa꞉ta꞉ a꞉pa꞉la꞉me. Koda꞉ma꞉ ipika꞉ wanda꞉hali tamba꞉ muluekema꞉ yeke a꞉pa꞉la꞉me lemekeme.

Dioni 12:18

Koto wele wopu pieke ekina꞉ wanda꞉hali paeyaoma꞉ opuata꞉ Yesu manda꞉hande pulu pemekeme.