Luku 19:26 - Panake Pi La: Ula: Buka pita: Kine Pieke Buka

²⁶ Mo kini halima꞉ ika꞉ pi hombo peaaso alota꞉ Iki pa꞉ta꞉ ota꞉ pi alome. Amba꞉ wia hala꞉ halima꞉ta꞉ mandaneeki make haka꞉ta꞉pao milieke. Koto pa꞉la꞉pate na wia hala꞉ halima꞉ta꞉ ipika꞉ wia hala꞉eki siki kone yoka꞉ milieke.

Luku 19:26 Mawu Ofanana

Ma꞉tiu 13:12

Pa ekipeke. Ala꞉ta꞉manu amba꞉ wia hala꞉ somema꞉ta꞉ ipika꞉eki lombei pina꞉ loluekema꞉ haka꞉ta꞉ pao halia꞉ka꞉na꞉ milieke. Pate ala꞉ta꞉manu wopu na wiki natehali someta꞉ ipika꞉ wia hala꞉ alesiki kone ma꞉nda꞉ma꞉ yoka꞉ mea pelieke.

Ma꞉tiu 21:43

Koto ekina꞉ta꞉ iki pa꞉ta꞉ I̱ma꞉ dupa alome. Mo iki pa꞉ta꞉ kieke Koda꞉na꞉ Kilu Tombuao Hala꞉ ekita꞉ paa yoka꞉ mea mo epeke kiliki a꞉elo pa꞉la꞉ wanda꞉hali pa꞉ta꞉ halieke alome leekeme.

Maka 4:25

Ala꞉ta꞉ ala꞉ta꞉ wia hala꞉ halima꞉ mandane ekimanu make haka꞉ta꞉pao milieke leekeme. Ala꞉ta꞉ ala꞉ta꞉ na wia hala꞉ halima꞉ta꞉ ala꞉ta꞉ ma꞉nda꞉ na milieke. Ipika꞉ wia hala꞉eki kone mata꞉lieke leekeme.

Luku 16:3

Koto leeke ekina꞉ mo halima꞉ hone witolota꞉ Yaka tiekema꞉ta꞉ I̱ta꞉ do paeyaaluekema꞉ pita꞉la꞉ma꞉ I̱ta꞉ eki pulua꞉pe laata꞉ I̱ta꞉ mo hombomanu awapeke make honkopu na halome. Kutupa make honke lapeketa꞉ yaala꞉ pa꞉la꞉me.

Luku 19:25

Mo haliwekima꞉ ipiki pa꞉ta꞉ alota꞉ Tekehalio. Pa ekipeke. Mo halita꞉ 200 kina amba꞉ wia hala꞉me lemekeme.

Luku 8:18

Koto ekina꞉ta꞉ ikana꞉ma꞉ pi opu haleme ekita꞉ wotu handeteke hao hapa꞉peke. Ekipeke ma꞉nda꞉ma꞉ ala꞉ta꞉ ma꞉nda꞉ wia꞉ka꞉na꞉ta꞉ kota꞉ ipikita꞉ haka꞉ta꞉pao ota꞉ wotu milieke. Pate hali ma꞉nda꞉ma꞉ ala꞉ta꞉ ma꞉nda꞉ na wia꞉ka꞉na꞉ta꞉ kota꞉ mo hosikieki make ipika꞉ honema꞉ Ulume laa wia꞉eki kone yoka꞉ mealieke leekeme.

Aposolo 1:20

Pidama꞉ alota꞉ Mo Emeli buka pa꞉ta꞉ wape pa꞉la꞉ ekita꞉ dupa Ipika꞉ data꞉ hankoko pa haya꞉ka꞉na꞉ta꞉ epelieke. Hali ma꞉nda꞉ na pua haena꞉e laa wape pa꞉la꞉me. Kutupa wape pa꞉la꞉eki ma꞉nda꞉ make dupa Ipika꞉ pokeeke eta꞉ hali ma꞉nda꞉ma꞉ mea꞉peke ya꞉la꞉me laa wape pa꞉la꞉me.

2 Dioni 1:8

Koto ekina꞉ leke leke lo hapa꞉peke. Pa ekipeke mo hande mulueke laa e pokeleme ekita꞉ ma꞉nda꞉ na alupaake pa ana꞉na꞉ kone miomena꞉ yeke loa꞉me.

Peneme Yaeyekeeki 2:3

Ikita꞉ homu pea yu wia halememe. Kutupa ikita꞉ yaka ekina꞉ kone tanda nalo hata꞉ na kiaalememe.

Peneme Yaeyekeeki 3:11

I̱ta꞉ teke pa꞉ta꞉ ipuluma꞉ ika꞉ wia haleme ekita꞉ amuma꞉ wia hapa꞉peke. Pa ekipeke ma꞉nda꞉ma꞉ ika꞉ hande a꞉nda꞉ pea bepolaaso hata꞉ mimi ekina꞉ yenkita꞉ pake naama꞉na꞉yeke loa꞉me.