Luku 19:17 - Panake Pi La: Ula: Buka pita: Kine Pieke Buka

¹⁷ Hande kinima꞉ alota꞉ Epeke tupa꞉ peleme. Neketa꞉ e epeke tupa꞉ pokale halie. Nakana꞉ma꞉ hosiki e kone epeke tupa꞉ handeteke haeke handa loa꞉ma꞉ ameta꞉ teke damanu kiki yaapo handeteke halena꞉yeke kitolome leekeme.

Luku 19:17 Mawu Ofanana

Kini Pieke 39:4

Koto ekina꞉ Podipama꞉ta꞉ mo wekima꞉ pieke hau manuna꞉ ta꞉na꞉ma꞉ homolo hata꞉ta꞉ ipika꞉ puki pi e pokaasa꞉ some haena꞉ alo hata꞉ta꞉ ipika꞉ da make ipika꞉ wia hayeke ala꞉ta꞉ ala꞉ta꞉ paeyaona꞉ handeteke hala꞉ you hali haena꞉ leekeme.

Ma꞉tiu 25:21

Koto leeke mo you halima꞉ alota꞉ O neketa꞉ ota꞉ epeke somee. Nakana꞉ma꞉ ota꞉ epeke e tieke pokeka꞉ta꞉me. Do hosiki kua꞉eki kone epeke tupa꞉ handeteke haleketa꞉ ameta꞉ nakana꞉ma꞉ ya e tieke handeteke hawalena꞉ mea halueke la alota꞉ I̱ yaapo mandake pa꞉ta꞉ hata꞉ ta꞉na꞉ma꞉ homopana꞉ epoe leekeme.

Luku 16:10

Kutupa hali epima꞉ hosiki e sunu epeke tupa꞉ tikitikina꞉ handeteke haya꞉ka꞉na꞉ta꞉ kota꞉ aneke emanu make epeke tupa꞉ tikitikina꞉ handeteke halieke. Kutupa make hali epima꞉ hosiki e sunu a꞉mba a꞉mba pea poko pu hoeyaeya꞉ka꞉na꞉ta꞉ kota꞉ aneke e make a꞉mba a꞉mba pea poko pu hoeyaalieke.

Luku 19:16

Titina꞉ halima꞉ a꞉pa alota꞉ Tekehalio. Hande 20 kina ki manima꞉ta꞉ pa mandane 200 kinamanu make haka꞉ta꞉pao mealome laa leekeme.

Luku 19:18

Kutupa ipika꞉ hoki nane epeeke halima꞉ a꞉pa alota꞉ Tekehalio. Hande 20 kina ki manima꞉ pa mandane 100 kinamanu make haka꞉ta꞉pao mealome laa leekeme.

Luku 22:30

Ikita꞉ yaka Kilu Tombuao Hala꞉ alena꞉ yaka teipolona꞉ pita꞉ ne ikali nolumeke. Kutupa make ikita꞉ oli you halina꞉ sea manuna꞉ pita꞉ mo Isulaina꞉ 12 tapake teli pilimikie leekeme.

Loma꞉ 2:29

Ota꞉ Diu hali hala꞉ ekita꞉ puki pa꞉ta꞉ mea mendia hala꞉eki ota꞉ekie. Kutu piki halina꞉ puki pa꞉ta꞉ Koda꞉ma꞉ make amba꞉ hao hala꞉me. Kutu piki hauta꞉ Koda꞉na꞉ Sipitidima꞉ peaala꞉me. Hande wape peaala꞉ Lo Pimanu na peaala꞉me. Kutu piki halita꞉ wanda꞉halima꞉ ipika꞉ pi na laasemepate Koda꞉ma꞉ kone ipika꞉ pi laasa꞉me.

1 Kotindi 4:5

Koto ekina꞉ mo Tekehalina꞉ pi yokaalu pulu pa꞉la꞉ Nate epena꞉yeke handeteke hata꞉ta꞉ ikana꞉ma꞉ ma꞉nda꞉na꞉eki amba꞉la pi yokaalu na peke pa handeteke hapa꞉peke. Tekehalima꞉ epena꞉ yu wia hapa꞉peke. Ipikana꞉ma꞉ mo timba꞉ lekeeki pa꞉ta꞉ a꞉mbao ula꞉eki paeyaota꞉ pa̱a̱na꞉ mea wilieke. Kutupa wanda꞉halima꞉ puki nane panka꞉ ula꞉ honemanu ipikana꞉ma꞉ peneme yaalieke. Koto dina꞉ta꞉ Koda꞉ma꞉ wanda꞉hali paeyaoma꞉ pimi ekina꞉ yenkita꞉ ana꞉na꞉ mea꞉peke ekimanu handolo hata꞉ ikina꞉ pi la wilieke.

2 Timodi 2:10

I̱ma꞉ mo Koda꞉ma꞉ ma̱leke lila꞉ wanda꞉hali tamba꞉ muluekema꞉ do ka꞉nda꞉ paeyaota꞉ na kiake mea tu halome. Mo wanda꞉halita꞉ Ketiso Yesu pa꞉ta꞉ yama꞉ a꞉pa꞉la꞉ na paelo pa꞉la꞉ pa̱a̱ tiekema꞉ wina꞉ la꞉la꞉ da꞉taasa꞉eki mina꞉yeke I̱ma꞉ do ka꞉nda꞉ tu moneao halome.

1 Pida 1:7

Mo tekipuleke laasa꞉ haumanu ipula꞉ ekina꞉ teketa꞉ mo ikana꞉ma꞉ Koda꞉ pa꞉ta꞉ hone tulaleme ekita꞉ ota꞉eki yaaluekema꞉ ipu hala꞉me. Kenke pa꞉ta꞉ awa mina꞉la꞉ kolota꞉ hoeyaapeke ya꞉la꞉pate kone haliwekima꞉ ota꞉ kolope o hoke ekipe laa pa handuluekema꞉ tima꞉ yanka hando halememe. Koto piteleme tupa꞉ kone ika꞉ hone tulaaseme ekina꞉ taka꞉lao hamena꞉ la handilieke. Mo kolota꞉ ota꞉ epeke ale ya꞉la꞉pate kone ikana꞉ma꞉ Koda꞉ pa꞉ta꞉ hone tulaleme ekima꞉ta꞉ mo kolo make ota꞉ lombei pa꞉la꞉me. Taka꞉lao haemeka꞉na꞉ta꞉ mo Yesu Ketisona꞉ opolo ipilie natena꞉ ikita꞉ yeiya꞉ laasa꞉eki mu pa̱a̱ peaasa꞉eki mu titina꞉ amba꞉la haasa꞉eki mu pilimikie.

1 Pida 5:4

Kutupa mo sipisipi ma꞉na꞉ handeteke hala꞉ Titina꞉ Hali opolo epea꞉ka꞉na꞉ta꞉ ipikana꞉ma꞉ iki pa꞉ta꞉ mo pa̱a̱ na alu pulu pa꞉la꞉ namba ota꞉ seliapo pikieki kia꞉ka꞉na꞉ milimikie.