Luku 19:15 - Panake Pi La: Ula: Buka pita: Kine Pieke Buka

¹⁵ Kutu pimikipate hande halita꞉ kini hali ana꞉na꞉ pitata꞉ paa ipika꞉ da nane la꞉ka꞉la epeekeme. Koto kone ipika꞉ e pokao haena꞉ mani halaa peeke haliweki wi la꞉ mipi peaata꞉ ika꞉ haka꞉ta꞉pao mimiki ekita꞉ ekipupe laa handuluekema꞉ piekeme.

Luku 19:15 Mawu Ofanana

Ma꞉tiu 25:19

Bapi mandaneeki hao hoki naneta꞉ mo e pokaemeke haliweki ika꞉ you halima꞉ ika꞉ pokaemeke emanu handoma꞉ tialuekema꞉ paa epeekeme.

Luku 12:48

Pate e pokaasa꞉ hali ma꞉nda꞉ma꞉ta꞉ ipika꞉ you halima꞉ hone pa꞉la꞉eki hone na witolo kone tanda napekeeki pia꞉ka꞉na꞉ta꞉ kota꞉ ipikita꞉ ae̱ya̱piki dopitama꞉ hosiki podela꞉ milieke. Hali ma꞉nda꞉ta꞉ mandane alemanu handeteke haena꞉ yeke anekema꞉ halea꞉ka꞉na꞉ta꞉ kota꞉ mo hali pa꞉ta꞉ yama꞉ta꞉ anekema꞉ muluekema꞉ hone wilieke. Koto tupa꞉ kone hali ma꞉nda꞉ pa꞉ta꞉ ala꞉ta꞉ ma꞉nda꞉ wopu handeteke haena꞉ yeke halea꞉ka꞉na꞉ta꞉ kota꞉ mo hali pa꞉ta꞉ yama꞉ta꞉ ota꞉ ankulao anekema꞉ muluekema꞉ hone wilieke leekeme.

Luku 19:14

Koto laa peekepate mo hande halina꞉ da haliwekima꞉ ipiki honditi pitolo hata꞉ ipika꞉ peeke hoki nane mandane haliwekima꞉ pua lena꞉ tapaaso alota꞉ Do halita꞉ nika꞉ kini hali pitaapeketa꞉ nikita꞉ ki pa꞉la꞉me laa lolo pena꞉ tapaemekeme.

Luku 19:16

Titina꞉ halima꞉ a꞉pa alota꞉ Tekehalio. Hande 20 kina ki manima꞉ta꞉ pa mandane 200 kinamanu make haka꞉ta꞉pao mealome laa leekeme.