Luku 18:39 - Panake Pi La: Ula: Buka pita: Kine Pieke Buka

³⁹ Mo titina꞉ yapemeke wanda꞉halima꞉ta꞉ Pi na lapema laa sa꞉sa꞉ pimikipate mo halima꞉ ota꞉ wi aneke hapu paa alo alota꞉ Deipidina꞉ Eiyekeo. I̱ pa꞉ta꞉ a꞉ta꞉ma꞉ homa꞉e leekeme.

Luku 18:39 Mawu Ofanana

Ma꞉tiu 7:7

Honke leka꞉na꞉ta꞉ kilieke. Weika꞉na꞉ta꞉ handa꞉ wilipikie. Kilikili laeka꞉na꞉ta꞉ mo neke pa꞉ta꞉ lombawalieke.

Ma꞉tiu 8:26

Yesuma꞉ hombo peaaso alota꞉ Ekipeke handa paala꞉ tiekema꞉ homelemepe. Ikita꞉ hone wotu na tulake some hombo ya꞉ka꞉ta꞉me laata꞉ Ipikana꞉ma꞉ tia liao hata꞉ mo hande po tilipu pita꞉ ikali ho yaapo tunkulina꞉ pi leekeme. Koto leeketa꞉ mo hande po ikali yaapo tunkula la꞉ma꞉ na piki e pondo na leke wiekeme.

Ma꞉tiu 9:27

Yesuma꞉ koto pa꞉ta꞉ mina꞉pa꞉lao pulu haena꞉ leke holu piki hali yaapoma꞉ ipika꞉ hoki nane wi tieke la꞉ paleke teli mea pulu alota꞉ Deipidina꞉ eiyekeo. Diki pa꞉ta꞉ a꞉ta꞉ma꞉ homa꞉peke la꞉tia pepekeme.

Luku 11:52

Mo Lo Pi walo haleme haliweki ika꞉ hoke yenki tiekena꞉ I̱ paala꞉e. Ikana꞉ma꞉ta꞉ mo hande hone wotu mia꞉peke da pota꞉na꞉ kita꞉ ika꞉ wia halemepate koneta꞉ ika꞉ kone na honda꞉ pambeketa꞉ mo honda꞉ pambuluekema꞉ taapeleme wanda꞉halita꞉ sa꞉sa꞉ pu halememe leekeme.

Luku 18:1

Kutupa Yesuma꞉ta꞉ ipika꞉ disaipolo haliwekima꞉ kima꞉ na homeke hoto paeyao yeni pea꞉tiki pina꞉yeke onkoluma꞉ laa dupa leekeme.

Luku 18:15

Mandane wanda꞉halima꞉ ika꞉ hosiki wekiwandiki sunu Yesuna꞉ kikima꞉ wataena꞉ yeke hatuku epemekeme. Kutu pimikieki handolo hata꞉ ipika꞉ disaipolo haliwekima꞉ mo wanda꞉hali hando lemekeme.

Luku 18:38

Koto lemeke mo halima꞉ anekema꞉ e̱ wi alo hata꞉ alota꞉ Yesuo. Deipidina꞉ Eiyekeo. I̱ pa꞉ta꞉ a꞉ta꞉ma꞉ homa꞉e leekeme.

Luku 18:40

Koto leeke Yesuma꞉ pua yola꞉ mea hata꞉ mo hali ipiki teke pa꞉ta꞉ hatuku mea ipupee leekeme. Mo hande hali teke pa꞉ta꞉ epeeke handa Yesuma꞉ lota꞉ pitolo alota꞉

Luku 19:39

Koto lemeke handaa koto wanda꞉hali anka꞉lopuna꞉ haemeke Pa꞉tisi haliwekima꞉ Yesu pa꞉ta꞉ alota꞉ Disao. Naka꞉ disaipolo haliweki pa꞉ta꞉ Kutupiki pi na lapepe laa lae lemekeme.

Luku 8:49

Yesuma꞉ do pi alo haena꞉ta꞉ hali ma꞉nda꞉ma꞉ mo you halina꞉ da nane hao a꞉pa Diaitusi pa꞉ta꞉ alota꞉ Naka꞉ wandikita꞉ ota꞉ homea꞉me. Mo Disa pa꞉ta꞉ pina꞉ pa paena꞉ lae leekeme.

2 Kotindi 12:8

Doeki mea bae laa lota꞉ pitolo hata꞉ I̱ma꞉ta꞉ hoto tepona꞉ Tekehali pa꞉ta꞉ yeni pua꞉pate