Luku 18:12 - Panake Pi La: Ula: Buka pita: Kine Pieke Buka

¹² I̱ta꞉ pula homeke homeke tukiki pa꞉ta꞉ hoto yaapoma꞉ nee pi wiaata꞉ kutupa I̱ma꞉ yaka mu halo ala꞉ta꞉manu paeyao putupa kiki yaapona꞉ homeketa꞉ neke ku halome.

Luku 18:12 Mawu Ofanana

Ma꞉tiu 5:20

I̱ma꞉ iki pa꞉ta꞉ ota꞉ pi alome. Ika꞉ hauna꞉ tikitiki pa꞉la꞉ ekima꞉ta꞉ mo hande Pa꞉tisi haliwekina꞉ hau pita꞉ mo Lo Pi Ula꞉eki wala꞉la꞉ haliwekina꞉eki make ota꞉ lombei na pia꞉ka꞉na꞉ta꞉ kota꞉ ikita꞉ mo hepenina꞉ Kilu Tombuao Hala꞉eki pa꞉ta꞉ ota꞉ pua꞉peke na yelimikie.

Ma꞉tiu 6:1

Koda꞉na꞉ pi miniki haleme wanda꞉halima꞉ ika꞉ tamba꞉ mina꞉la꞉ haumanu pea꞉pekeeki wanda꞉halima꞉ handena꞉ handaena꞉ tupa꞉ puluekema꞉ hone ota꞉ na wiki yopu kone pea꞉pa꞉peke. Pa ekipeke. Wanda꞉halima꞉ handena꞉yeke handaena꞉ hau pimika꞉na꞉ta꞉ kota꞉ mo naka꞉ hepeni hala꞉ Apa꞉ma꞉ kia꞉ka꞉na꞉ mulu peleme epeke yenkita꞉ homeke siki a꞉nda꞉ make ota꞉ na milimikie.

Ma꞉tiu 6:16

Ikana꞉ma꞉ nee pi a꞉nda꞉ wimika꞉na꞉ta꞉ kota꞉ mo ika꞉ puki pa꞉ta꞉ ula꞉ haumanu a꞉mbaaso hata꞉ mo makeaaso hau piteme haliweki ika꞉ hoke wenoko haseme tupa꞉ na hapa꞉peke. Mo haliwekima꞉ta꞉ wanda꞉halima꞉ handolo hata꞉ ikita꞉ nee pi ula꞉ some ya꞉ka꞉ta꞉me hone wina꞉ ika꞉ loke handeteke hala꞉ hau mina꞉pa꞉latiki pu halememe. I̱ma꞉ iki pa꞉ta꞉ ota꞉ pi alome. Koto haliwekima꞉ ika꞉ mulumeke hone wilimi aleta꞉ ame do hata꞉ mu paeyaasememe.

Ma꞉tiu 6:5

Yeni pimika꞉na꞉ta꞉ mo hande yayapiki hau pu haleme haliwekina꞉ hau na honda꞉pa꞉peke. Wanda꞉halima꞉ iki handena꞉ hone hone witolo hata꞉ mandane pota꞉ hopiki nina꞉ make yeni da pa꞉ta꞉manu make tialiao hata꞉ Koda꞉ pa꞉ta꞉ yeni pu halememe. I̱ma꞉ iki pa꞉ta꞉ ota꞉ pi alome. Ikana꞉ma꞉ ika꞉ pimi hauna꞉ yenki manuta꞉ ame do hata꞉ mu paeyaasememe.

Ma꞉tiu 9:14

Kutupa nate ma꞉nda꞉na꞉ mo hande bapitaisi peao hayeke hali Dionina꞉ hoki nane telimiki haliweki ikana꞉ma꞉ Yesu pa꞉ta꞉ a꞉pa alota꞉ Pa ekipeke nikana꞉ma꞉ make mo Pa꞉tisi haliwekima꞉ make tana꞉ eleke elekena꞉ nee pi u moneao haloma꞉pate naka꞉ disaipolo haliwekima꞉ta꞉ nee pi ota꞉ na wilimime leekeme.

Luku 11:42

Pa꞉tisi haliwekio. Ika꞉ hoke yenki tiekena꞉ I̱ paala꞉e. Ikana꞉ma꞉ta꞉ ika꞉ hande ena꞉ hala꞉ ale tekia꞉ o totopo piki tanima꞉ handeke ale sunuta꞉ kiki yaapo telipata꞉ putupa homeke sikita꞉ Koda꞉ pa꞉ta꞉ halo halemepate mo Koda꞉ teke pa꞉ta꞉ta꞉ puki hala꞉pekeeki make epeke tikitiki piki hau manuta꞉ hone yonka꞉lalememe. Dupiki hau manuta꞉ ota꞉ pea꞉tiki pitolo hata꞉ mo mandaneeki make na mina꞉pa꞉lapeke.

Luku 17:10

Koto ekina꞉ta꞉ iki make koto tupa꞉ konee. Iki pa꞉ta꞉ pea꞉pa꞉peke lelimi ekimanu a꞉nda꞉ pu paeyaemeka꞉na꞉ta꞉ kota꞉ ikana꞉ma꞉ do tupa꞉ lapa꞉peke. Nikita꞉ epeke e pokaasoma꞉ wanda꞉hali dia꞉me. Nikita꞉ nika꞉ pea꞉pa꞉peke la꞉la꞉ haumanu homeke pu paeyaaloma꞉me lapeke ya꞉la꞉me leekeme.

Loma꞉ 3:27

Koto hali ma꞉nda꞉ epima꞉ eki hau pita꞉la꞉ ekina꞉ ipika꞉ hakoko lia꞉peke ya꞉la꞉pe. Dia꞉me. Hakoko lia꞉peke na ya꞉la꞉me. Ekipekepe. Ipikana꞉ma꞉ mo hande Lo Pimanu opua pita꞉la꞉ ekina꞉ Koda꞉ma꞉ ipiki yaapo tikitiki yao na haena꞉ leliepe. Dia꞉me. Ota꞉ hakoko lia꞉peke na ya꞉la꞉me. Ipikana꞉ma꞉ hande Lo Pimanu opua pita꞉la꞉ ekina꞉ Koda꞉ma꞉ ipiki yaapo tikitiki yao na haena꞉ leliepate mo halima꞉ hone tulaasa꞉ ekina꞉ haena꞉ lelieke.

1 Kotindi 1:29

Koto mo hali homeke a꞉nda꞉ma꞉ Koda꞉na꞉ leke popelekena꞉ hata꞉ ipika꞉ hakoko na lina꞉yeke Koda꞉ma꞉ kutu piekeme.

Ka꞉leisia 1:14

I̱ma꞉ mo hande Diu wanda꞉halina꞉ haumanu muluekema꞉ta꞉ ya mandake daeyoma꞉ Diu wekitonu bepolao lombei pitolo hata꞉ nika꞉ atekena꞉ atekena꞉ mana꞉ pimanu hone ota꞉ wopu ua꞉me.

Epesese 2:9

Ikana꞉ma꞉ ika꞉ kone ika꞉ pi laapeke na ya꞉la꞉me. Ikana꞉ma꞉ mineleme ekita꞉ ika꞉ piteleme ekina꞉ na minelemeke handa loa꞉me.

1 Timodi 4:8

Lokena꞉ moka꞉la꞉ hande hande pita꞉la꞉eki manuma꞉ta꞉ niki pa hosikima꞉ epeaaliepate pa Koda꞉na꞉ hau puluekema꞉ moka꞉la꞉ hande hande pita꞉la꞉eki manuma꞉ta꞉ niki ota꞉ epeaalieke. Pa ekipeke. Koto hauma꞉ta꞉ ame do nika꞉ kenkena꞉ haloma꞉eki make wetepe da꞉taa halo poloma꞉eki make ana꞉lawalieke.