Luku 17:16 - Panake Pi La: Ula: Buka pita: Kine Pieke Buka

¹⁶ a꞉pa Yesuna꞉ leke popelekena꞉ puki yama peliolo hata꞉ ta꞉na꞉e pi leekeme. Kutu pieke halita꞉ Sametia hali yeekeme.

Luku 17:16 Mawu Ofanana

Kini Pieke 17:3

Koto leeke Eipola꞉ma꞉ta꞉ you panda꞉puniao ipika꞉ popeleketa꞉ oni yu wataeyeke handaa Koda꞉ma꞉ alota꞉

Ma꞉tiu 10:5

Koto 12 haliweki tapaaluekema꞉ hata꞉ta꞉ Yesuma꞉ iki pa꞉ta꞉ dupiki pi leekeme. Mo Diendaili tapakena꞉ da yu pa꞉ta꞉manu o Sametia tapakena꞉ da teke pa꞉ta꞉manu make na pua꞉pa꞉peke leekeme.

Ma꞉tiu 2:11

Kutu pieke handa ikana꞉ma꞉ mo da tukiki pa꞉ta꞉ honda꞉ pamba pua mo wekita꞉ ipika꞉ inkiki Metima꞉ wia pitiekeeki handaata꞉ ika꞉ tumiki yotuao panda꞉ puniao pita꞉ ipika꞉ biki yeiya꞉ laemekeme. Kutu polo hata꞉ta꞉ ika꞉ nu pa꞉ta꞉ mendimiki yenki tieke alemanu kolo make mo lanka꞉ yankea꞉ka꞉na꞉ totopopiki lumu opa꞉la꞉ lanka꞉ siki make mo totopo yolepiki ti pankeke ale make toku mea ipiki pa꞉ta꞉ halemekeme.

Maka 5:33

Mo wanda꞉ma꞉ ipiki epeaeyekeeki hone witolo hata꞉ paala꞉ma꞉ homolo hata꞉ putu putu lutiki a꞉pa Yesuna꞉ anke pa꞉ta꞉ panda꞉puniaeyekeme. Kutupa Yesu pa꞉ta꞉ ota꞉ ekimanu pi peneme yao laata꞉ hande alemanu la haleekeme.

Luku 17:17

Kotoeki handaata꞉ Yesuma꞉ dupa leekeme. I̱ma꞉ mea epeaowa꞉ haliwekita꞉ kiki yaapo mea epeaowa꞉me. Mo mandane kiki paeya mandane kikina꞉ tonkopu haliwekita꞉ ekipeke na la꞉ka꞉la a꞉pa pelemepe.

Luku 5:8

Kutu piekeeki handaata꞉ Saimono Pidama꞉ Yesu teke pa꞉ta꞉ tumiki yotuao alota꞉ Tekehalio. I̱ta꞉ hoke hau polo somema꞉ I̱ kiao pue leekeme.

Dioni 4:9

Mo Sametia wanda꞉ma꞉ Yesuna꞉ pi hombo peaaso alota꞉ I̱ta꞉ Sametia wanda꞉ halopate neketa꞉ Diu hali hata꞉ kone ekipeke I̱ pa꞉ta꞉ Ikali ma꞉nda꞉ nono kie laa honke alepe leekeme. Koto Sametia wanda꞉halima꞉ ika꞉ ne ikali no haemeke kawaso manuta꞉ mo Diu wanda꞉halima꞉ yola꞉ alu pea napeke na yeeke handa loa꞉me.

Dioni 5:23

Koto ekina꞉yeke wanda꞉hali paeyaoma꞉ Apa꞉na꞉ pi laaseme tupa꞉ Eiyekena꞉ pi make koto tupa꞉ kone laena꞉yeke la꞉la꞉me. Hali epima꞉ Eiyekena꞉ pi na laeya꞉ka꞉na꞉ta꞉ kota꞉ ipiki tapaala꞉ Apa꞉na꞉ pi kone na laasa꞉me leekeme.

Dioni 8:48

Mo Diu haliwekima꞉ Yesuna꞉ pi hombo peaaso alota꞉ Nikana꞉ma꞉ neketa꞉ Sametia hali neke pa꞉ta꞉ hoke temoko pita꞉ pa꞉la꞉me loma꞉ ekita꞉ paeki loma꞉ekea.

Aposolo 1:8

Koto pa꞉la꞉pate ikita꞉ wele pita꞉la꞉eki milimikie leekeme. Mo Holi Sipitidi epea꞉ka꞉na꞉ta꞉ ikita꞉ yaka wekitisi haliweki Diutuseleme pa꞉ta꞉ make Sametia pa꞉ta꞉ make Diudia paeyao pa꞉ta꞉ make hama hama pea kenke honiki honiki paeyao pa꞉ta꞉manu make la halimikie leekeme.

1 Kotindi 14:25

Koto ekina꞉ ipika꞉ a꞉mbao ula꞉ honemanu peneme yaeyeke handaata꞉ ipikana꞉ma꞉ panda꞉puniao Koda꞉ pa꞉ta꞉ yeni pitolo hata꞉ Ota꞉ alememe. Koda꞉ta꞉ iki ame̱le̱ do pa꞉ta꞉ hala꞉me laa lelieke.

Peneme Yaeyekeeki 19:10

I̱ta꞉ ipiki yeiya꞉ lao yeni puluku alo ipika꞉ anke teke pa꞉ta꞉ panda꞉puniao lopoa꞉ pa꞉ta꞉ ipikana꞉ma꞉ I̱ pa꞉ta꞉ alota꞉ Ei I̱ pa꞉ta꞉ kotoeki na pia꞉pema. I̱ta꞉ e pokaaso naka꞉ yankekee. Kutupa make naka꞉ kamemanu mo Yesuma꞉ peneme yaeya꞉ ota꞉ pimanu miniki haleme wanda꞉halina꞉ yankeke halome. Koda꞉ pa꞉ta꞉ homeke yeiya꞉ laaso hata꞉ yeni pu hapeke laa lea꞉me. Pa ekipeke mo Yesuma꞉ peneme yaeya꞉ ota꞉ ekita꞉ mo potopede haliwekima꞉ alemeeki hone u tiaasa꞉ekie.

Peneme Yaeyekeeki 4:10

mo hali tieke homekena꞉ tonkopu you haliwekita꞉ mo kini seana꞉ pila꞉ hoto paeyao pa hao halo pa꞉la꞉ hali pa꞉ta꞉ panda꞉puniao lopaata꞉ yeiya꞉ lo halememe. Ika꞉ you aka꞉manu mo kini seana꞉ puki tikitiki lopaaso dupa lo halememe.

Peneme Yaeyekeeki 5:14

Koto lemeke mo deto hala꞉ tonkopu ale manuma꞉ alota꞉ Kutu pina꞉e lemeke mo you haliwekita꞉ panda꞉puniao lopa ipiki pa꞉ta꞉ yeiya꞉ laaso yeni pimime.