Luku 16:8 - Panake Pi La: Ula: Buka pita: Kine Pieke Buka

⁸ Kutu pieke handa wetepena꞉ mo hande you hali tiekema꞉ mo hande e handeteke hayeke halima꞉ta꞉ hone wotu wiki halina꞉ hau tupa꞉ pieke ekina꞉ta꞉ ipika꞉ biki anekema꞉ mina꞉liaeyekeme. Pa ekipeke. Do kenkena꞉ hau pu haleme wanda꞉halita꞉ ika꞉ e pokuluekema꞉ta꞉ hone wotu wia pokolo hata꞉ta꞉ mo pa̱a̱ piki hau pu haleme wanda꞉halita꞉ lu ankulao halememe leekeme.

Luku 16:8 Mawu Ofanana

Kini Pieke 3:1

Mo Koda꞉ma꞉ wepieke hotekemanu paeyao tukiki pa꞉ta꞉ keto homeketa꞉ ota꞉ hone wopu u lenkene piki hoteke wepiekeme. Koto ketoma꞉ mo wanda꞉ lota꞉ pitolo alota꞉ Koda꞉ma꞉ ipiliki pa꞉ta꞉ta꞉ do e pa꞉ta꞉ hala꞉ ti ma꞉nda꞉na꞉ poteke na napa꞉peke laa ota꞉ lea꞉pe laa leekeme.

Ma꞉tiu 12:32

Mandali epita꞉ mo Wanda꞉halina꞉ Eiyekena꞉ biki pa꞉ta꞉ pi lea꞉ka꞉na꞉ta꞉ kota꞉ koto hoke pi aleme ekita꞉ Koda꞉ma꞉ ana꞉na꞉ paeyaapeke ya꞉la꞉pate pa mo Holi Sipitidi hoeyaaluekema꞉ pi ma꞉nda꞉ lea꞉ka꞉na꞉ta꞉ kota꞉ ipika꞉ ekita꞉ Koda꞉ma꞉ ame do make wetepe make ota꞉ na paeyawalieke.

Ma꞉tiu 17:26

Pidama꞉ hombo peaaso alota꞉ Mo tapake ma꞉nda꞉ pa꞉ta꞉ homeke mea꞉tiki pilimikie leekeme. Koto leeke Yesuma꞉ alota꞉ Kota꞉ koto ekina꞉ta꞉ mo Kini halina꞉ tapake wanda꞉halima꞉ta꞉ dakisi na wilimikie.

Luku 16:10

Kutupa hali epima꞉ hosiki e sunu epeke tupa꞉ tikitikina꞉ handeteke haya꞉ka꞉na꞉ta꞉ kota꞉ aneke emanu make epeke tupa꞉ tikitikina꞉ handeteke halieke. Kutupa make hali epima꞉ hosiki e sunu a꞉mba a꞉mba pea poko pu hoeyaeya꞉ka꞉na꞉ta꞉ kota꞉ aneke e make a꞉mba a꞉mba pea poko pu hoeyaalieke.

Luku 16:4

Koto ekina꞉ta꞉ ameta꞉ I̱ma꞉ pulu polo ekita꞉ hone witolome. Kutu pulu pua꞉ka꞉na꞉ta꞉ kota꞉ yaka e paelia꞉ dina꞉ta꞉ ika꞉ da pa꞉ta꞉manu ipupe lena꞉yeke yaka yankeke tonu halueke leekeme.

Luku 16:7

Kutupa hali ma꞉nda꞉ pa꞉ta꞉ alota꞉ Naka꞉ tondikita꞉ ekipu melepe leeke handa mo halima꞉ alota꞉ Palaowa nu 100 molome laa leekeme. Koto leeke handa mo hande e handeteke hayeke halima꞉ alota꞉ Naka꞉ tondiki meleke wape pea ula꞉ tameiya꞉ta꞉ doma꞉ pao honia pa 80 homeke wape lao wie leekeme.

Luku 18:6

Kutupa Tekehalima꞉ paa pi alo alota꞉ Hande hoke pi yokaalu peayeke halima꞉ leeke ekita꞉ hone wia꞉pa꞉peke.

Luku 20:34

Yesuma꞉ ika꞉ pi hombo peaaso alota꞉ Ame do kenkena꞉ hatia ipula꞉ wanda꞉halita꞉ mu alualu pea tooli hao halemepate

Luku 20:35

pa mo homa paa tiao mo wetepe nane ipilia꞉ natena꞉ta꞉ paa hao haena꞉ ana꞉pa꞉la꞉ wanda꞉hali ikita꞉ tooli au na lelimikie.

Dioni 12:36

Kutu pa꞉la꞉ ekina꞉ ikita꞉ pa̱a̱ pa꞉la꞉ dina꞉ hata꞉ pa̱a̱ pa꞉la꞉ ekina꞉ wekiwandiki leke hamina꞉yeke pa̱a̱ pa꞉la꞉eki pa꞉ta꞉ kone hone tulaapa꞉peke leekeme. Yesuma꞉ koto pi laata꞉ mo wanda꞉hali mina꞉pa꞉lao puata꞉ panka halo peekeme.

1 Kotindi 3:18

Ikana꞉ma꞉ iki kone na makeaapa꞉peke. Iki ame̱le̱ hali homeke a꞉nda꞉ma꞉ tiaota꞉ kenke haliwekima꞉ hone witeleme tupa꞉ alota꞉ I̱ta꞉ hone wotu ulu hali halome laa lea꞉ka꞉na꞉ta꞉ kota꞉ koto halima꞉ta꞉ mo ota꞉ hone wotu wita꞉la꞉eki handa꞉ uluekema꞉ I̱ta꞉ hone na wiki hali halome laa amba꞉la lapeke aleo.

Epesese 5:8

Amba꞉ titina꞉ ikita꞉ timba꞉ la꞉pa peeke pa꞉ta꞉ haemepate ameta꞉ Tekehalina꞉ wanda꞉hali haleme ekina꞉ pa̱a̱ pita꞉la꞉eki tukiki pa꞉ta꞉ haleme wanda꞉hali ana꞉na꞉ hapa꞉peke.

Pilipai 3:19

Koto wanda꞉halima꞉ta꞉ ika꞉ lokena꞉ hone pa꞉la꞉ ekimanu teliolo hata꞉ panda꞉ puniao haleme ekina꞉ ikita꞉ ti to hala꞉ pa꞉ta꞉ pua hao halimikie. Mo ika꞉ yaaloma꞉ homa꞉pa꞉peke ya꞉la꞉ hau pu halemeeki pa꞉ta꞉ hakoko lu halememe. Kutupa ikana꞉ma꞉ pa do kenkena꞉ hau pu haleme wanda꞉halina꞉ hau leke pu halememe.

1 Desalonaika 5:5

Iki paeyaota꞉ nate pa̱a̱ pa꞉la꞉ ekina꞉ wanda꞉hali halememe. Nikita꞉ timba꞉ pa꞉ta꞉ na haloma꞉me.

1 Pida 2:9

Koto pa꞉la꞉pate ikita꞉ Koda꞉na꞉ ma̱leke lila꞉ tapake halememe. Ikita꞉ mo Kini halina꞉ yeni peao haleme wanda꞉halie. Ikita꞉ mo yakopiki tapakee. Koda꞉na꞉ wanda꞉hali homeke halememe. Ikita꞉ mo timba꞉la꞉ pambeke pa꞉ta꞉ haapa꞉na꞉ ipika꞉ pa̱a̱ pita꞉la꞉eki ota꞉ seliapo pa꞉ta꞉ epoemena꞉ wi lea꞉ Koda꞉ma꞉ ipika꞉ ota꞉ epeke pita꞉la꞉ ekimanu la halamena꞉ iki ma̱leke lila꞉me.

1 Dioni 3:10

Mo Koda꞉na꞉ wekiwandiki pita꞉ mo Hoke Temokona꞉ wekiwandiki yaapo ata꞉ka꞉ tieke pa꞉la꞉ ekita꞉ dupae. Ma꞉nda꞉ epima꞉ mo ota꞉ hau na pu o ipika꞉ yankeke pukima꞉ na homo pia꞉ka꞉na꞉ta꞉ ipikita꞉ Koda꞉na꞉ weki na hala꞉me.