Luku 15:15 - Panake Pi La: Ula: Buka pita: Kine Pieke Buka

¹⁵ Koto ekina꞉ mo da nane hayeke hamoko hali ma꞉nda꞉ pa꞉ta꞉ ti lao haluekema꞉ peekepate mo hali tiekema꞉ ipika꞉ e poko hayeke yu nane ipika꞉ ma꞉na꞉manu handeteke halo pena꞉ tapaeyekeme.

Luku 15:15 Mawu Ofanana

Ma꞉tiu 7:6

Ika꞉ Koda꞉ pa꞉ta꞉ haluekema꞉ wia꞉ haleme alemanu kika pa꞉ta꞉ na hala꞉pa꞉peke. Pa ekipeke ikana꞉ma꞉ paa la꞉ka꞉la iki lu naama꞉na꞉ loa꞉me. Kutupa ika꞉ yenki tiekema꞉ hambeeke munduku teke manuta꞉ mo ma꞉na꞉na꞉ leke pa꞉ta꞉ na lopa moneaapa꞉peke. Kutu pimika꞉na꞉ta꞉ kota꞉ koto munduku manuta꞉ mo ma꞉na꞉manu ika꞉ ankema꞉ pa tombua tombua piliekee.

Luku 15:13

Kutupa mo wetepe wekima꞉ta꞉ nate tepomanu haota꞉ ipika꞉ mieke ekita꞉ ma꞉nda꞉ma꞉ hambena꞉ laata꞉ koto mani mea da mina꞉pa꞉lao da yu ma꞉nda꞉ papate hayeke da nane peekeme. Koto nane puata꞉ na tiaake haumanu pitolo hata꞉

Luku 15:14

ipika꞉ mani paeyao batiki pu hayekeme. Kotoeki pu paeyao haena꞉ta꞉ koto kenke pa꞉ta꞉ tea꞉ ki tieke epeeketa꞉ mo wekita꞉ ala꞉ta꞉ ma꞉nda꞉ na miniki pa hayekeme.

Luku 15:16

Kutupa mo wekita꞉ mo ma꞉na꞉ manuma꞉ nemeke pato ambuku manuta꞉ ipika꞉ weleke haena꞉yeke noluekema꞉ taapeekepate hali ma꞉nda꞉ma꞉ ipiki pa꞉ta꞉ ne ma꞉nda꞉ a꞉nda꞉ na haleekeme.

Loma꞉ 6:22

Kutupa halemepate hoke hauna꞉ wele pita꞉la꞉ ekima꞉ iki mea tonkao wieke ekita꞉ Koda꞉ma꞉ iki ka꞉la꞉pa꞉ tapaowala꞉me. Kutupa ikita꞉ ipika꞉ pa hameke e pokaaseme wanda꞉hali leke halememe. Koto peleme ekina꞉ ikana꞉ma꞉ ika꞉ loke tieke paeyao ipiki pa꞉ta꞉ halaata꞉ deto hala꞉eki make milimikie.

Taitasi 3:3

Amba꞉ niki make hone wopu na wiki pi tunkulu make pu ata꞉ka꞉ peaoma꞉me. Nika꞉ lokena꞉ hone pa꞉la꞉ hau manuma꞉ make nika꞉ lokena꞉ ta꞉na꞉ma꞉ homaasa꞉ haumanu make koto hau paeyaoma꞉ nika꞉ hone handeteke haena꞉ loma꞉me. Kutupa nate paeyao mineke panka꞉ tiake pimanu lo make ma꞉nda꞉ma꞉ epeke ale pa꞉ta꞉ make leke polopao haoma꞉me. Mandane wanda꞉halima꞉ niki honditi pimikita꞉ iki make honditi pu haoma꞉me.