Luku 14:26 - Panake Pi La: Ula: Buka pita: Kine Pieke Buka

²⁶ I̱ telia꞉ mea ipuluekema꞉ ipilimi wanda꞉hali ma꞉nda꞉ hondoma꞉ I̱ ame̱le̱ pominolota꞉ ana꞉ na pa꞉la꞉me. Pate ipikana꞉ma꞉ I̱ pa꞉ta꞉ puki kuluekema꞉ta꞉ ipika꞉ apa꞉ ama꞉ make ipika꞉ wanda꞉ make wekiwandiki make ipika꞉ kame ana꞉ tonu make ipiki tonka꞉na꞉ kiaota꞉ I̱ pa꞉ta꞉ puki tiekema꞉ homea꞉ka꞉na꞉ta꞉ kota꞉ kutu pilia꞉ someta꞉ ana꞉ pa꞉la꞉me leekeme.

Luku 14:26 Mawu Ofanana

Ma꞉tiu 10:37

Ma꞉nda꞉ hali epima꞉ I̱ pa꞉ta꞉ puki wilia꞉pate pa ipika꞉ pukima꞉ homa꞉la꞉ ekita꞉ ipika꞉ apa꞉ ama꞉ pa꞉ta꞉ titina꞉ amba꞉la wia꞉ka꞉na꞉ta꞉ kota꞉ koto someta꞉ ya disaipolo hali haena꞉ lapeketa꞉ ana꞉ na pa꞉la꞉me. Hali epima꞉ I̱ pa꞉ta꞉ puki wilia꞉pate kone pa ipika꞉ pukima꞉ homa꞉la꞉ ekita꞉ titina꞉ amba꞉la ipika꞉ wekiwandiki pa꞉ta꞉ u haya꞉ka꞉na꞉ta꞉ kota꞉ koto someta꞉ ya disaipolo hali haena꞉ lapeketa꞉ ana꞉ na pa꞉la꞉me.

Luku 14:20

Kutupa hali ma꞉nda꞉ma꞉ make alota꞉ I̱ta꞉ ame do siki wanda꞉ panake molo ekima꞉ a꞉pa꞉peke na ya꞉la꞉me laa lawaapeke leekeme.

Luku 14:25

Nate ma꞉nda꞉na꞉ wanda꞉hali wopuma꞉ Yesu ame̱le̱ pulu haena꞉ Yesuma꞉ la꞉ka꞉la꞉ moneaso hata꞉ iki pa꞉ta꞉ dupa leekeme.

Dioni 12:25

Hali epima꞉ ipika꞉ da꞉ta꞉la꞉eki kone hone wotu wia꞉ka꞉na꞉ta꞉ ipika꞉ da꞉ta꞉la꞉ ekita꞉ alupilieke. Hali epima꞉ do kenkena꞉ hata꞉ ipika꞉ da꞉ta꞉la꞉eki kone hone wopu na wia꞉ka꞉na꞉ta꞉ ipika꞉ da꞉ta꞉la꞉eki mea miniki hata꞉ da꞉ta hao halo pa꞉la꞉eki kone yelieke.

Aposolo 20:24

Kutu pa꞉la꞉pate ya lokena꞉ hau hone na witolome laa tombona꞉ opolo puaata꞉ ya Tekehali Yesuma꞉ walea꞉ hau amba꞉la paeyaalueke lea꞉me. Hande Koda꞉na꞉ pa hameke a꞉ta꞉ma꞉ homo hala꞉ Pi Seliapo la kitoloeki loa꞉me lea꞉me.

Loma꞉ 9:13

Mo hande Baibolo bukana꞉ wape pa꞉la꞉ tupa꞉ I̱ma꞉ta꞉ Dieikope pa꞉ta꞉ pukina꞉ homoa꞉pate pa Iso pa꞉ta꞉ta꞉ leke tankema꞉ handoa꞉me la꞉la꞉me.

Pilipai 3:8

Koto alemanu homeke dia꞉ya꞉la꞉pate pa ya pu haowa꞉ hau paeyao tapaota꞉ ota꞉ pa alee hone witolome. Pa ekipeke. Mo ota꞉ titina꞉ hauta꞉ ya Tekehali Yesu Ketiso handuluekema꞉ yeke alome. I̱ta꞉ ipika꞉ e pokaasa꞉ hali homeke haluekema꞉ yeke ya pu haowa꞉ hau paeyao kiao baowa꞉me. Ketiso ya Tekehali haena꞉ ta꞉ma꞉ni pea haluekema꞉ yeke mo hande hau paeyaota꞉ pa mo pa tana baasa꞉ punku piki alemanue hone witolome.

Peneme Yaeyekeeki 12:11

Ipikita꞉ nika꞉ kame tonuma꞉ mo Sipisipi Ma꞉na꞉ Ikikina꞉ wema꞉ make mo ota꞉ ekie laa waleme ekima꞉ make bepolaya꞉me. Kutupa make ikana꞉ma꞉ ika꞉ da꞉ta꞉la꞉ ekita꞉ pina꞉ pa hoeyao homa꞉la꞉ ekita꞉ pa pulumeke laa lememe.