Luku 14:21 - Panake Pi La: Ula: Buka pita: Kine Pieke Buka

²¹ Koto ekina꞉ mo hande e pokaeyeke halima꞉ paa la꞉ka꞉la pua hande haliwekima꞉ lemeke pi paeyao ipika꞉ teke hali pa꞉ta꞉ la haleekeme. Koto leeke opuaata꞉ mo teke halima꞉ mineke tieke pankolo hata꞉ ipika꞉ e pokaeyeke hali pa꞉ta꞉ alota꞉ A̱i̱ya puaata꞉ mo daonina꞉ pota꞉ tieke pa꞉ta꞉manu make hosiki pota꞉ pa꞉ta꞉manu make mo natehali wanda꞉hali make kiki anke hoeke dola꞉pake wanda꞉hali make leke holu piki wanda꞉hali make ankema꞉ pomua꞉peke na yeke wanda꞉hali make koto wanda꞉hali paeyaosiki hatuku mea a꞉pa꞉peke leekeme.

Luku 14:21 Mawu Ofanana

Ma꞉tiu 11:28

Mo ka꞉nda꞉piki alemanu tia pominolo hata꞉ soka꞉la꞉ma꞉ homa haleme wanda꞉hali paeyao iki pa꞉ta꞉ ya kulu polo hoto pita꞉la꞉ pa꞉ta꞉ ula꞉ma꞉ muemena꞉ I̱ pa꞉ta꞉ a꞉pa꞉peke.

Ma꞉tiu 11:5

Hande leke holu piki wanda꞉hali ameta꞉ ki lelememe. Dola꞉pake wanda꞉hali make tiao pominelememe. Kindi yeni haeme wanda꞉hali make ameta꞉ epea halememe. Katake pokeme wanda꞉halina꞉ katake make lumbula꞉me. Homea꞉ wanda꞉hali make paa da꞉taa tiao haena꞉ la꞉la꞉me. Kutupa mo Pi Seliapota꞉ natehali wanda꞉hali pa꞉ta꞉ wala꞉la꞉me.

Ma꞉tiu 15:12

Koto leeke hoki naneta꞉ ipika꞉ hoki nane telimiki haliwekima꞉ ipiki pa꞉ta꞉ a꞉pa alota꞉ Mo hande Pa꞉tisi haliwekima꞉ pimi ekita꞉ neke na handepe. Nakana꞉ma꞉ le pi manuma꞉ ika꞉ puki tandama꞉ homaya꞉me lemekeme.

Ma꞉tiu 18:31

Kutu pieke hauta꞉ mo hande Kini halina꞉ e pokaemeke mandane haliwekima꞉ handaata꞉ ikana꞉ma꞉ ka꞉nda꞉ma꞉ homolo hata꞉ ika꞉ Kini hali pa꞉ta꞉ mo hau paeyao pua la haleekeme.

Ma꞉tiu 20:7

Ikana꞉ma꞉ hombo peaaso alota꞉ Yenki e pokomono ma꞉nda꞉ma꞉ niki na mia꞉me. Koto lemeke ipikana꞉ma꞉ alota꞉ Kota꞉ a꞉pa꞉la꞉me mo ya waini pu e pua pokaape leekeme.

Luku 14:13

Kutu pulu pelepate nakana꞉ma꞉ ne ma꞉nda꞉ pambeka꞉na꞉ta꞉ natehali wanda꞉hali sunu pa꞉ta꞉ make dola꞉pake piki kiki anke hoela꞉ wanda꞉hali make leke holu piki wanda꞉hali sunu paeyao pa꞉ta꞉ ipupe lapeke.

Luku 14:20

Kutupa hali ma꞉nda꞉ma꞉ make alota꞉ I̱ta꞉ ame do siki wanda꞉ panake molo ekima꞉ a꞉pa꞉peke na ya꞉la꞉me laa lawaapeke leekeme.

Luku 14:22

Kutupa mo e pokao hayeke halima꞉ kotoeki pea a꞉pa alota꞉ Tekehalio. Naka꞉ hande le ekita꞉ pua꞉pate naka꞉ da tukiki pa꞉ta꞉ta꞉ waleke pa ula꞉me leekeme.

Luku 14:24

Pa ekipeke. Amba꞉ hande titina꞉ wi loa꞉ haliweki homeke a꞉nda꞉ma꞉ yaka ne a꞉pa napena꞉ yeke handa loa꞉me leekeme laa leekeme.

Luku 24:47

ipika꞉ bikina꞉ mo hoke hauna꞉ hone la꞉ka꞉la꞉la꞉eki make pa paeyaasa꞉eki make mo Diutuseleme da pa꞉ta꞉ kini pea pua mo kenke honiki paeyao pa꞉ta꞉ haleme wanda꞉hali pa꞉ta꞉ ota꞉ walotia pua꞉pa꞉peke ya꞉la꞉me.

Luku 9:10

Mo aposolo haliwekima꞉ paa a꞉pa ika꞉ pimiki ekimanu paeyaosiki Yesu pa꞉ta꞉ la halemekeme. Koto ekina꞉ta꞉ Yesuma꞉ mo haliweki ame̱le̱ ika꞉ siki mo Betesaida teke da pa꞉ta꞉ pemekeme.

Dioni 9:39

Kutupa Yesuma꞉ alota꞉ Do kenkena꞉ wanda꞉halina꞉ pi yokaalu puluekema꞉ epoa꞉me la leke holupiki wanda꞉halima꞉ handena꞉ make handeleme wanda꞉hali make leke holu pea haena꞉yeke epoa꞉me la leekeme.

Hibulu 13:17

Mo ika꞉ siosi you haliweki pa꞉ta꞉ homu pea hata꞉ ika꞉ kakena꞉ homo hapa꞉peke. Ikana꞉ma꞉ ika꞉ siosi wanda꞉hali tukiki pa꞉ta꞉ e poka꞉la꞉eki paeyao Koda꞉ma꞉ handena꞉ ipiki pa꞉ta꞉ peneme yao waluekema꞉ta꞉ timba꞉ nate yaapona꞉ u na peliki hata꞉ mo siosi wanda꞉hali ika꞉ temokomanu wopu handeteke hao halememe. Ika꞉ kakena꞉ homa telia pu haemeka꞉na꞉ta꞉ kota꞉ ta꞉na꞉ lulu hata꞉ ika꞉ e epeke tupa꞉ pokolo pelemepate pa ikana꞉ma꞉ ika꞉ kakena꞉ na homemeka꞉na꞉ta꞉ kota꞉ ika꞉ e poka꞉la꞉eki ka꞉nda꞉ pealieke. Ikana꞉ma꞉ ka꞉nda꞉ma꞉ homemeka꞉na꞉ta꞉ kota꞉ koto ka꞉nda꞉ peaasa꞉ ekima꞉ mo siosi wanda꞉hali iki na tamba꞉ milieke.

Hibulu 2:3

Kutu pimiki ekina꞉ta꞉ pa niki make mo Koda꞉ma꞉ niki pa꞉ta꞉ lolo ka꞉la꞉ da꞉ta꞉la꞉eki tiekena꞉ hone wopu na uma꞉ka꞉na꞉ta꞉ kota꞉ ekipa mo niki pa꞉ta꞉ kulu pa꞉la꞉ hoke yenki wenduluma꞉pe. Tekehalima꞉ kone do ka꞉la꞉ da꞉ta꞉la꞉eki peneme yaeyekeme. Koto ekita꞉ mo amba꞉ ipikana꞉ma꞉ leeke pi opimiki wanda꞉halima꞉ do pita꞉ ota꞉ la꞉la꞉ pie laa niki pa꞉ta꞉ wopu la kimime.

Dia꞉mesi 2:5

Ya kametitio. Opua꞉pe. Kenke wanda꞉halima꞉ta꞉ aleta꞉ ma꞉nda꞉ na wiki natehali wanda꞉halio laa alemepateta꞉ Koda꞉ma꞉ koto wanda꞉hali talopu meata꞉ ika꞉ hone tulaaleme ekina꞉ta꞉ iki hamoko mea yaasa꞉me. Kutupa make ipiki pa꞉ta꞉ pukima꞉ homeleme wanda꞉hali pa꞉ta꞉ pi la꞉ wieke tupa꞉ koto wanda꞉hali ipika꞉ Kilu Tombuao Hala꞉ ekina꞉ mea haena꞉ lelieke.

Peneme Yaeyekeeki 19:15

Ipika꞉ kake pa꞉ta꞉ta꞉ do kenkena꞉ kapomani paeyaoma꞉ handeteke hala꞉ tapake lu bepolaena꞉ ne wopu hake bainasi opolu baeya꞉me. Ipikana꞉ma꞉ta꞉ mo ayeni dopitama꞉ iki handeteke hata꞉ mo Aneke Koda꞉ paala꞉ piki mineke panka꞉la꞉ waini dekepo hala꞉ pa꞉ta꞉ pa ula꞉ waini da꞉ka꞉pa꞉ tumba bepilieke.

Peneme Yaeyekeeki 22:17

Mo Sipitidi pita꞉ mo hali panake pula꞉ wanda꞉ yaapoma꞉ alota꞉ Epoe ala꞉me. Do pi opilimi tapake paeyaoma꞉ make Epoe lapa꞉peke ya꞉lieke. Ikali na꞉na꞉ma꞉ homele some epita꞉ do da꞉taapeke ya꞉la꞉ ikalita꞉ pa hameke kita꞉la꞉ekie laa mea꞉peke ya꞉la꞉me. Dota꞉ ma꞉nda꞉ epi hone pa꞉la꞉ somena꞉ loa꞉me lea꞉me.