Luku 12:48 - Panake Pi La: Ula: Buka pita: Kine Pieke Buka

⁴⁸ Pate e pokaasa꞉ hali ma꞉nda꞉ma꞉ta꞉ ipika꞉ you halima꞉ hone pa꞉la꞉eki hone na witolo kone tanda napekeeki pia꞉ka꞉na꞉ta꞉ kota꞉ ipikita꞉ ae̱ya̱piki dopitama꞉ hosiki podela꞉ milieke. Hali ma꞉nda꞉ta꞉ mandane alemanu handeteke haena꞉ yeke anekema꞉ halea꞉ka꞉na꞉ta꞉ kota꞉ mo hali pa꞉ta꞉ yama꞉ta꞉ anekema꞉ muluekema꞉ hone wilieke. Koto tupa꞉ kone hali ma꞉nda꞉ pa꞉ta꞉ ala꞉ta꞉ ma꞉nda꞉ wopu handeteke haena꞉ yeke halea꞉ka꞉na꞉ta꞉ kota꞉ mo hali pa꞉ta꞉ yama꞉ta꞉ ota꞉ ankulao anekema꞉ muluekema꞉ hone wilieke leekeme.

Luku 12:48 Mawu Ofanana

Ma꞉tiu 13:12

Pa ekipeke. Ala꞉ta꞉manu amba꞉ wia hala꞉ somema꞉ta꞉ ipika꞉eki lombei pina꞉ loluekema꞉ haka꞉ta꞉ pao halia꞉ka꞉na꞉ milieke. Pate ala꞉ta꞉manu wopu na wiki natehali someta꞉ ipika꞉ wia hala꞉ alesiki kone ma꞉nda꞉ma꞉ yoka꞉ mea pelieke.

Luku 12:41

Pidama꞉ alota꞉ Tekehalio. Nakana꞉ma꞉ do ale onkoluma꞉ pita꞉ niki pa꞉ta꞉ homeke alepe o mo wanda꞉hali paeyao pa꞉ta꞉ alepe laa lota꞉ piekeme.

Luku 12:49

Yesuma꞉ alota꞉ I̱ epolo ekita꞉ ti ulekema꞉ do kenkena꞉ mo yaaluekema꞉ epoa꞉pate ya honema꞉ta꞉ amba꞉ kone talo hapeke alee.

Luku 16:2

Koto leeke mo teke halima꞉ mo ipika꞉ e pokao hayeke hali wi la꞉mea alota꞉ Do nakana꞉ma꞉ pitelema꞉ aleme ekita꞉ ota꞉ alemepe laata꞉ Nakana꞉ma꞉ naka꞉ handeteke hawale alemanu paeyao sikita꞉ wapena꞉ mu wia yaka kikina꞉ u neae. Pa ekipeke. Ameta꞉ nakana꞉ma꞉ yaka ala꞉ta꞉ ala꞉ta꞉ handeteke hawapeke na ya꞉leke loa꞉me leekeme.

Dioni 15:22

I̱ma꞉ mo wanda꞉hali pa꞉ta꞉ na a꞉pa loa꞉ka꞉na꞉ yoluta꞉ ika꞉ hoke hau peneme na yaalo pimime. Kutu pulu pia꞉pateta꞉ ameta꞉ ika꞉ hoke hau peleme ekina꞉ hombo pealuekema꞉ pi ma꞉nda꞉ lapeke na ya꞉la꞉me.

Aposolo 17:30

Hone wopu na wimiki pita꞉ta꞉ Koda꞉ma꞉ pa pina꞉ leekepate ameta꞉ kenke wanda꞉hali paeyao pa꞉ta꞉ta꞉ Ika꞉ hoke hau mina꞉pa꞉lao hone ma꞉nda꞉ la꞉ka꞉la wina꞉ lapa꞉peke ala꞉me.

1 Timodi 1:11

Koto wala꞉peke mana꞉ pi epeketa꞉ mo pa̱a̱ pita꞉la꞉ ta꞉na꞉ piki Koda꞉ma꞉ I̱ma꞉ la halonoyeke ka꞉la꞉ Pi Seliapo pa꞉ta꞉ ula꞉me.

1 Timodi 1:13

Amba꞉ta꞉ I̱ma꞉ ota꞉ Ketisona꞉ biki hoke pi pi alo hata꞉ make ipika꞉ wanda꞉hali ka꞉nda꞉ma꞉ homa꞉ tiao make iki tekipuleke laasa꞉ hali haowa꞉me. Kutu pua꞉ ekita꞉ I̱ma꞉ Ketiso pa꞉ta꞉ hone na tulao make mo pua꞉ ekina꞉ teketa꞉ hone wopu na wiki hata꞉ pueke handaa Koda꞉ma꞉ I̱ pa꞉ta꞉ a꞉ta꞉ma꞉ homeekeme.

1 Timodi 6:20

Timodio. Do Koda꞉ma꞉ neke pa꞉ta꞉ ka꞉la꞉ eta꞉ ota꞉ wopu handeteke hapeke. Mo epe na piki Koda꞉ mataake pimanu la kiteme pi manuta꞉ kiaapeke. Mandane wanda꞉halima꞉ makeaaso hata꞉ Do aloma꞉ pi manuta꞉ ota꞉ tumiki pie lo halememe.

Taitasi 1:3

Koto hoki naneta꞉ mo yapekeyeke nate opolo epeke pita꞉ma꞉ta꞉ mo koto deto hala꞉ ekita꞉ ipika꞉ pi walaasa꞉ haliwekima꞉ walemeke pima꞉ peneme yaeyekeme. Koto ka꞉la꞉ pita꞉ I̱ma꞉ walawano mo nika꞉ da꞉taasa꞉ Koda꞉ma꞉ peae la꞉leke walaasome.

Dia꞉mesi 3:1

Ya kametitio. Iki pa꞉ta꞉ haliweki wopu wala꞉la꞉ hali haluekema꞉ hone na wia꞉pa꞉peke. Do ekina꞉yeke loa꞉me. Koda꞉ma꞉ta꞉ mo pa wanda꞉halina꞉eki pilie tupa꞉ na piki pa mo disa haliweki nikina꞉ hau wotu handilieke.