Luku 12:45 - Panake Pi La: Ula: Buka pita: Kine Pieke Buka

⁴⁵ Kutu pulu pa꞉la꞉pate mo e pokaasa꞉ halima꞉ta꞉ ipika꞉ kone alota꞉ Yaka you someta꞉ di hokulu hokulu pitolo hata꞉ a̱i̱ na ipula꞉me laa mo mandane e pokaasa꞉ wanda꞉ pita꞉ hali yaapo kini pea hali lu yombitolo hata꞉ ikali ne nalo keaaso hata꞉

Luku 12:45 Mawu Ofanana

Ma꞉tiu 22:6

Kutaa make mandane haliwekima꞉ta꞉ mo hande tapaeyeke haliweki da꞉ka꞉pa꞉ minaata꞉ luma꞉ luma꞉ pimikime.

Luku 12:44

Ota꞉ alome. Mo you halima꞉ta꞉ koto someta꞉ ipika꞉ ala꞉ta꞉ ala꞉ta꞉ paeyao handeteke haena꞉ la꞉lieke.

Luku 12:46

ipika꞉ you halita꞉ Do natena꞉ ipilieke hone na witolo halia꞉ natena꞉ta꞉ koto kone opolo ipilieke. A꞉paata꞉ mo e pokaasa꞉ halita꞉ homena꞉ liaata꞉ pa pi na opiki wanda꞉hali ame̱le̱ haena꞉ la꞉lieke leekeme.

Luku 21:34

Ika꞉ kone wopu handeteke hapa꞉peke. Ne tieke pamba make honkopu hake hoke ikali wopu na make do kenkena꞉ hone pa꞉la꞉ ekina꞉ we pamba꞉la꞉ ekima꞉ iki ota꞉ na tumbaena꞉ lapa꞉peke. Pa ekipeke mo Tekehalina꞉ Natema꞉ ikita꞉ wisakema꞉ pita꞉la꞉ tupa꞉ koto kone

Dioni 2:10

ipiki pa꞉ta꞉ alota꞉ Haliweki paeyaoma꞉ waini ikali ota꞉ epekeeki amba꞉la hale hale pea kutupa mo ne nolo epo laa epemeke wanda꞉halima꞉ waini ikali wopu nemeke hoki naneta꞉ mo hosiki metoko piki waini ikali hale hale pilieke. Pate nakana꞉ma꞉ mo ota꞉ epeke waini ikalita꞉ hosiki sa꞉sa꞉ pea wia hao ame kone hale hale pina꞉ aleme leekeme.

Aposolo 2:18

Aowe. Koto nate manuna꞉ I̱ma꞉ yaka Holi Sipitidi hale hale pua꞉ka꞉na꞉ta꞉ yaka e pokao haleme wanda꞉halima꞉ kone yaka pi la꞉ mea hala꞉tiki pilimikie.

Loma꞉ 16:18

Kutupiki haumanu pu haleme wanda꞉halima꞉ta꞉ Tekehali Yesu Ketisona꞉ e na pokaake ika꞉ loke manuna꞉ na꞉na꞉ pa꞉la꞉ ekimanu homeke hone u halememe. Ikana꞉ma꞉ mo tendepiki nonopiki pa imeke piki pimanu aleme ekima꞉ mo hokeeki wopu na handeleme wanda꞉hali makeao halememe.

2 Kotindi 11:20

Ikana꞉ma꞉ta꞉ mo iki dupi dupi lo haleme haliweki make o iki teke puleke lao haleme haliweki make o iki hona꞉ma̱o̱ haleme o iki handa꞉niao haleme o iki kadapo ku haleme haliweki paeyao pa꞉ta꞉ ta꞉na꞉ma꞉ homolo hata꞉ ika꞉ pi opu halememe.

1 Desalonaika 5:7

Timbata꞉ wanda꞉halina꞉ u̱ pelieleme die. Kutupa timba kone wanda꞉halima꞉ hoke ikali naa keaaseme die.

2 Pida 2:13

Kutupa ikana꞉ma꞉ ma꞉nda꞉ pa꞉ta꞉ tanda piki haumanu peleme ekina꞉ iki make koto tupa꞉ kone tanda piki yenki kilieke. Ika꞉ ta꞉na꞉ma꞉ homa꞉la꞉ ekita꞉ ika꞉ lokena꞉ na꞉na꞉ pa꞉la꞉eki tumbaaluekema꞉ mo pa̱a̱na꞉ hata꞉ yaala꞉ma꞉ na homeke anemone hau pu halememe. Ika꞉ yayapiki pota꞉ manuna꞉ ta꞉na꞉ma꞉ homo hata꞉ iki ame̱le̱ ne mandakena꞉ apa꞉tao nalemeketa꞉ iki tukiki pa꞉ta꞉ ha̱i̱ peao hondo pilake nono pelememe.

2 Pida 2:19

Ikita꞉ ika꞉ lu wiala꞉ hoke hoeyaasa꞉ hauna꞉ pa hameke e pokaasa꞉ haliweki hata꞉ kone mo wanda꞉hali pa꞉ta꞉ta꞉ iki ka꞉la꞉paalumeke laa pi la꞉ u halememe. Ma꞉nda꞉ epi a꞉nda꞉ ipika꞉ pu hala꞉ hauma꞉ da panda꞉ mina꞉ lea꞉ka꞉na꞉ta꞉ kota꞉ koto someta꞉ pa hameke e pokaasa꞉ hali hala꞉me.

Peneme Yaeyekeeki 16:6

Pa ekipeke ikana꞉ma꞉ta꞉ mo Koda꞉na꞉ wanda꞉halina꞉ we make mo potopede haliwekina꞉ we make holememe. Koto ekina꞉ ame nakana꞉ma꞉ta꞉ iki make we ikali nena꞉ haleleme. Ikana꞉ma꞉ta꞉ ika꞉ ekina꞉ yenki kone mina꞉lememe laa lea꞉me.

Peneme Yaeyekeeki 18:24

Ba꞉biloni panisi peake hauta꞉ mo potopede haliweki make Koda꞉na꞉ wanda꞉halina꞉ weta꞉ mo daoni pa꞉ta꞉ wieke pia꞉me. Ota꞉e. Mo kenkena꞉ lia꞉ wanda꞉hali paeyaona꞉ we paeyao wia꞉me.