Luku 12:37 - Panake Pi La: Ula: Buka pita: Kine Pieke Buka

³⁷ Kutupa mo you hali paa la꞉ka꞉la a꞉pa mo ipika꞉ e pokaaseme hali wekita꞉ u̱ na polu pitiki a꞉nda꞉ pa ipiki yu wia pilimieki a꞉pa handea꞉ka꞉na꞉ta꞉ kota꞉ ikita꞉ ta꞉na꞉ma꞉ homo halimikie. I̱ma꞉ iki pa꞉ta꞉ ota꞉ pi aloma꞉ Mo haliwekima꞉ koto hau pimiki yeke handaa ika꞉ you halima꞉ta꞉ ipika꞉ manda aka꞉ hola wiaata꞉ iki pa꞉ta꞉ Ne no hala꞉ alena꞉ a꞉pa pita꞉pe laa ne pana꞉ pu kilieke.

Luku 12:37 Mawu Ofanana

Ma꞉tiu 24:42

Koto ekina꞉ta꞉ ikana꞉ma꞉ta꞉ u na polu pitiki yu wia hapa꞉peke. Pa ekipeke mo ika꞉ Tekehalina꞉ epolo pa꞉la꞉ dita꞉ iki matelememe.

Luku 12:43

Ipika꞉ you hali paa la꞉ka꞉la a꞉pa ipika꞉ e pokao hala꞉ halima꞉ mo hande emanu ota꞉ epeke tupa꞉ pitolo pitilia꞉eki a꞉pa handa꞉ ya꞉ka꞉na꞉ta꞉ kota꞉ koto e pokao hala꞉ halita꞉ ta꞉na꞉ma꞉ homo halieke.

Luku 17:8

Dia꞉me. Kotoeki na leketa꞉ nakana꞉ma꞉ta꞉ dupa lo haleme. Yaka ne ambi wamo peaota꞉ ne pana꞉ puluekema꞉ yamo hala꞉ aka꞉ mea pambaota꞉ yaka ne ikali nono yu wia pitaata꞉ wetepena꞉ta꞉ naka꞉ ne nelipikie lo haleme leekeme.

Luku 21:36

Koto ekina꞉ leke leke lo hata꞉ hoto paeyao yeni pu hapa꞉peke. Pa ekipeke ikana꞉ma꞉ dupiki haumanu tukiki pa꞉ta꞉ kone honkopu hau epeke tupa꞉ opolo pua mo Wanda꞉halina꞉ Eiyekena꞉ leke popelekena꞉ hamena꞉yeke loa꞉me leekeme.

Luku 22:27

Epita꞉ tiekepe. Mo ne noluekema꞉ a꞉pa pila꞉ halipe o mo ne pana꞉ peaasa꞉ halipe. Ota꞉ mo pila꞉ hali lataa. Koto pa꞉la꞉pate I̱ta꞉ iki ame̱le̱ta꞉ ne pana꞉ peaaso somema꞉ handolome.

Dioni 12:26

Hali epima꞉ yaka e pokaaluekema꞉ hone pia꞉ka꞉na꞉ta꞉ ipikana꞉ma꞉ ya hoki nane telia꞉ mea epena꞉e. Yaka e pokaasa꞉ halita꞉ I̱ halo alena꞉ kone diki mandakena꞉ halupekema꞉ loa꞉me. Yaka e pokaasa꞉ halita꞉ yaka Apa꞉ma꞉ koto halina꞉ biki tieke wina꞉ lelieke leekeme.

1 Kotindi 2:9

Koto pa꞉la꞉pate hande Baibolo bukana꞉ wape pa꞉la꞉ tupa꞉ta꞉ Wanda꞉hali homeke a꞉nda꞉ma꞉ na handeekeeki make na opiekeeki make honema꞉ na niminaeyekeeki make kotoeki kone Koda꞉ma꞉ mo ipiki pa꞉ta꞉ pukima꞉ homa꞉la꞉ wanda꞉hali pa꞉ta꞉ peaeyekeme laa wape pa꞉la꞉me.

Pilipai 1:21

Pa hao haoa꞉ka꞉na꞉ta꞉ Ketisona꞉ e pokaapeke ekina꞉ waleke wiliepate homono lemeka꞉na꞉ta꞉ pa mo haka꞉ta꞉pao wiala꞉eki mulueke.

Pilipai 1:23

Ale yaapoma꞉ yola꞉ alu pita꞉la꞉me. Do kenkena꞉ haloeki mina꞉pa꞉lao Ketiso yaapo pua hapeketa꞉ hone wotu pa꞉la꞉me. Kutupa make do polueke alo ekita꞉ I̱ pa꞉ta꞉ta꞉ ota꞉ epekeeki ya꞉la꞉pate

2 Pida 1:11

Dupimika꞉na꞉ta꞉ ikita꞉ mo nika꞉ Pa꞉ta꞉la꞉la꞉ Tekehali Yesu Ketisona꞉ na paelo pa꞉la꞉ Kilu Tombuao hala꞉eki pa꞉ta꞉ honda꞉ pamboemena꞉ waleke tieke kilieke.

2 Pida 3:14

Koto ekina꞉ yaka yankeke tonuo. Koto nate yu wia hata꞉ta꞉ Koda꞉na꞉ leke popelekena꞉ hake pea eki a꞉nda꞉ na piki wanda꞉halima꞉ handaa Koda꞉ yaapo puki lopa꞉niao haluekema꞉ taapo hapa꞉peke.

Peneme Yaeyekeeki 14:13

Kutupa oli hepeni nanema꞉ pi ho̱la̱꞉makema꞉ alota꞉ Doeki laaniae. Ame do kini pea mo Tekehalina꞉ e pokolo hata꞉ homeleme wanda꞉halita꞉ ta꞉na꞉ma꞉ homa꞉pa꞉peke ya꞉la꞉me lea꞉me. Koto leeke mo Sipitidima꞉ hombo peaaso hata꞉ alota꞉ Ota꞉e. Ikita꞉ ika꞉ ki hone na wiki honkopu hao pokelemeeki paeyaemeke handaa ta꞉na꞉ma꞉ homilimikie. Pa ekipeke ika꞉ e pokeleme ekina꞉ yenkita꞉ iki ame̱le̱ pa hala꞉me lea꞉me.

Peneme Yaeyekeeki 16:15

Opie. I̱ta꞉ pake nala꞉ hali leke ipulueke. U̱ na peliki hata꞉ ipika꞉ aka꞉manu wopu handeteke hao hale someta꞉ ta꞉na꞉ma꞉ homilieke. Ipikita꞉ paa tia pominolo hata꞉ wanda꞉hali leke popelekena꞉ yaala꞉ meaapa꞉na꞉yeke pita꞉la꞉me.

Peneme Yaeyekeeki 3:21

Ma꞉nda꞉ epima꞉ a꞉nda꞉ pea bepolaeya꞉ka꞉na꞉ta꞉ I̱ ame̱le̱ mo yaka kini seana꞉ lopulao pitulupeke. I̱ma꞉ta꞉ bepolaota꞉ ameta꞉ yaka Apa꞉na꞉ kini seana꞉ lopulao pilupa꞉ tupa꞉ loa꞉me lea꞉me.

Peneme Yaeyekeeki 7:17

Pa ekipeke mo kini sea tukikina꞉ hala꞉ Sipisipi Ma꞉na꞉ Ikikita꞉ ika꞉ handeteke hala꞉ hali halieke. Kutupa ikita꞉ mo da꞉ta꞉la꞉eki kita꞉la꞉ tunkulu pa pitumu pitumu pa꞉la꞉ ikalimanu pa꞉ta꞉ hatuku pelieke. Kutupa Koda꞉ma꞉ ika꞉ leke pa꞉ta꞉ e̱ pankekemanu paeyao honu baalieke.