Luku 12:17 - Panake Pi La: Ula: Buka pita: Kine Pieke Buka

¹⁷ Kutupa mo halima꞉ ipika꞉ honema꞉ kone alota꞉ Mo hande ne napekemanu poka꞉ mepi pea wia꞉peke alena꞉ ana꞉ na pa꞉la꞉ma꞉ eki puluepe laa hone wiekeme.

Luku 12:17 Mawu Ofanana

Ma꞉tiu 16:7

Koto leekeeki opuolo hata꞉ ika꞉ ika꞉ kone hone wia pi pi lemeke ekita꞉ dupa. Nikita꞉ palaowa na mea epoma꞉ ekina꞉ ala꞉me lemekeme.

Ma꞉tiu 5:42

Ma꞉nda꞉ma꞉ neke pa꞉ta꞉ ala꞉ta꞉ ma꞉nda꞉ honke lea꞉ka꞉na꞉ta꞉ hala꞉peke. Kutupa make naka꞉ ala꞉ta꞉ ma꞉nda꞉ ta꞉ka꞉li kie lea꞉ka꞉na꞉ta꞉ kota꞉ pa ta꞉ka꞉li hala꞉peke.

Luku 10:25

Mo Lo Pi walo hayeke hali homekema꞉ Yesu tamuluekema꞉ la handolo alota꞉ Disao. Deto hala꞉eki muluekema꞉ eki pionope laa lota꞉ piekeme.

Luku 11:41

Koto ekina꞉ ika꞉ kapo make kawasomanu pa꞉ta꞉ ula꞉ ale manuta꞉ mo nate hali wanda꞉hali pa꞉ta꞉ pa hala꞉pa꞉peke. Kutu piki hau a꞉nda꞉ pimika꞉na꞉ta꞉ kota꞉ ika꞉eki paeyao ota꞉ hake wotu pilieke leekeme.

Luku 12:16

Koto laa Yesuma꞉ iki pa꞉ta꞉ onkoluma꞉ pi dupa leekeme. Amba꞉ a꞉nda꞉ta꞉ mo hamoko hali ma꞉nda꞉na꞉ e pa꞉ta꞉ ne napekemanu wotu wiekeme.

Luku 12:18

Kutupa ipika꞉ honema꞉ kone alota꞉ Dupulueke. Yaka ne napekemanu u hala꞉ damanu londa꞉la kutupa da tieke tiekemanu a꞉eyaata꞉ mo ne napekemanu make yaka mandane alemanu paeyao make koto da pa꞉ta꞉manu mu ulueke laata꞉

Luku 12:22

Koto hoki naneta꞉ Yesuma꞉ ipika꞉ disaipolo haliweki pa꞉ta꞉ alota꞉ I̱ma꞉ do alo ekita꞉ ikana꞉ma꞉ iki pa hapeke ekina꞉ nemanu make lokena꞉ yama꞉peke alemanu koto alemanu pa꞉ta꞉ta꞉ ka꞉nda꞉ma꞉ na homo hapa꞉peke.

Luku 12:29

Kutu piliekema꞉ ikana꞉ma꞉ta꞉ Ya nolo polo ne ikali hanema꞉ epea꞉ka꞉na꞉ mulua꞉pe laa ka꞉nda꞉ma꞉ na homo hapa꞉peke.

Luku 12:33

Ika꞉ ala꞉ta꞉ ala꞉ta꞉ta꞉ tapao mani meaata꞉ mo natehali wanda꞉hali pa꞉ta꞉ hala꞉pa꞉peke. Kutupa na kukutu pulu pa꞉la꞉ mani pausa meaata꞉ ika꞉ hamoko ale manuta꞉ oli ya nane na paeya꞉niake pa wia halo pelemeeki homeke amu pu hapa꞉peke. Ekipeke koto naneta꞉ mo pake no haleme haliwekima꞉ make bisapu inkikima꞉ make na hoeyaalimikie.

Luku 16:3

Koto leeke ekina꞉ mo halima꞉ hone witolota꞉ Yaka tiekema꞉ta꞉ I̱ta꞉ do paeyaaluekema꞉ pita꞉la꞉ma꞉ I̱ta꞉ eki pulua꞉pe laata꞉ I̱ta꞉ mo hombomanu awapeke make honkopu na halome. Kutupa make honke lapeketa꞉ yaala꞉ pa꞉la꞉me.

Luku 16:9

Kutupa Yesuma꞉ la꞉tia pulu hata꞉ alota꞉ I̱ma꞉ iki pa꞉ta꞉ alome. Do kenkena꞉ hamoko ale manuma꞉ta꞉ mandane wanda꞉hali naka꞉ yankeke halena꞉ lena꞉ lapeke. Kutu pika꞉na꞉ta꞉ mo hande hamoko alemanu paelia꞉ dina꞉ta꞉ neketa꞉ pa hao hala꞉ da nane handa꞉ milieke.

Luku 18:22

Yesuma꞉ do pi opuaata꞉ mo hali pa꞉ta꞉ alota꞉ Nakana꞉ma꞉ pulu pele hau ma꞉nda꞉ pa ula꞉me. Naka꞉ wia hale ala꞉ta꞉ ala꞉ta꞉ paeyao mandane wanda꞉halima꞉ hambena꞉ laa mo milipi manita꞉ mandane natehali wanda꞉hali pa꞉ta꞉ hale hale pea꞉peke. Kutu pikina꞉ta꞉ nakana꞉ma꞉ oli hepeni da tukiki pa꞉ta꞉ta꞉ mo epeke epeke ale wopu mu halipikie. Koto ekina꞉ta꞉ yaka hoki nane telia꞉peke leekeme.

Luku 19:17

Hande kinima꞉ alota꞉ Epeke tupa꞉ peleme. Neketa꞉ e epeke tupa꞉ pokale halie. Nakana꞉ma꞉ hosiki e kone epeke tupa꞉ handeteke haeke handa loa꞉ma꞉ ameta꞉ teke damanu kiki yaapo handeteke halena꞉yeke kitolome leekeme.

Luku 3:11

Dionima꞉ ika꞉ pi hombo peaaso hata꞉ alota꞉ Hali ma꞉nda꞉ma꞉ ipika꞉ dau yaapo wia꞉ka꞉na꞉ta꞉ kota꞉ ma꞉nda꞉ta꞉ mo dau dia꞉ya꞉la꞉ natehali ma꞉nda꞉ pa꞉ta꞉ hala꞉peke. Kutupa make ne napekeeki wia꞉ka꞉na꞉ta꞉ kota꞉ ne dia꞉ya꞉la꞉ wanda꞉halimanu pa꞉ta꞉ telipea hala꞉pa꞉pekee leekeme.

Aposolo 16:30

Hali yaapoo. Deto hala꞉eki muluekema꞉ta꞉ eki peonope leekeme.

Aposolo 2:37

Mo wanda꞉halima꞉ koto pi opuaata꞉ ika꞉ puki pa꞉ta꞉ aweeke handaa Pida pa꞉ta꞉ make mandane aposolo haliweki pa꞉ta꞉ make alota꞉ Kametitio. Nikana꞉ma꞉ eki peomonope laa lemekeme.

Loma꞉ 12:13

Mandane Ketiso yankeke manuma꞉ ota꞉ mea꞉peke yelia꞉ alemanu mea꞉peke na ya꞉ka꞉na꞉ta꞉ kota꞉ ikana꞉ma꞉ ika꞉ wia haleme ekimanu kone telipa ma꞉nda꞉ hala꞉pa꞉peke. Da ma꞉nda꞉ nane haleme Ketiso wanda꞉hali kimisu a꞉pa pitimika꞉na꞉ta꞉ kota꞉ ika꞉ da pa꞉ta꞉ handa꞉ mea peliaapa꞉peke.

1 Timodi 6:17

Mo kenke ala꞉ta꞉ ala꞉ta꞉na꞉ hamoko haseme wanda꞉hali pa꞉ta꞉ta꞉ dupiki pi la wia꞉peke. Ika꞉ hakoko na lu make mo a̱i̱ paelo pa꞉la꞉ kenke ale manuna꞉ hone na ti lao hao hapa꞉peke. Kotoeki na pikita꞉ niki ta꞉na꞉ma꞉ homomono epeke alemanu ku hala꞉ Koda꞉ pa꞉ta꞉ hone ti lao hapa꞉peke lapeke.

1 Dioni 3:16

Nikana꞉ma꞉ mo pukima꞉ homa꞉la꞉ ekita꞉ dupa ya꞉ka꞉ta꞉me laa hone witoloma꞉ ekina꞉ teketa꞉ Ketisoma꞉ta꞉ nika꞉ anketeke mea ipika꞉ da꞉ta꞉la꞉ ekita꞉ halea꞉me. Koto ekina꞉ta꞉ nikana꞉ma꞉ make nika꞉ da꞉ta꞉la꞉ ekima꞉ta꞉ nika꞉ kametonu tamba꞉ muluekema꞉ pa hala꞉peke ya꞉la꞉me.