Luku 11:51 - Panake Pi La: Ula: Buka pita: Kine Pieke Buka

⁵¹ Mo hande Eipolo limikieki kini pea a꞉pa mo hande oloda pita꞉ yako piki da yaapo tukiki pa꞉ta꞉ a꞉mbolo hata꞉ limiki hali Sekataiya alome. Aowe. I̱ma꞉ iki pa꞉ta꞉ ota꞉ loa꞉ma꞉ ame do wanda꞉halita꞉ koto limikieki paeyaona꞉ hoke yenki milimikie.

Luku 11:51 Mawu Ofanana

Kini Pieke 4:2

Pa hoki naneta꞉ weki ma꞉nda꞉ Eipolo mondu wiekeme. Eipolota꞉ sipisipi handeteke hayekepate Keinita꞉ e hali hayekeme.

Ma꞉tiu 23:35

Kutu pilimi ekina꞉ pulu pa꞉la꞉ ekita꞉ dupa alome. Mo hande hoke hau na pimiki epeke wanda꞉hali paeya tapao pa pahameke limiki ekina꞉ yenkita꞉ iki nane la꞉ mea lopaalieke. Koto alo ekita꞉ mo hande hoke hau na pieke Eipolo pa꞉ta꞉ kini pu mea lu tiki puaata꞉ mo hande ikana꞉ma꞉ tembolo da oloda yaapo tukiki pa꞉ta꞉ limiki Beta꞉kia꞉na꞉ eiyeke Sekataiya litolo lunaimeke ekina꞉ alome.

Hibulu 11:4

Mo hande Eipoloma꞉ Koda꞉ pa꞉ta꞉ hone tulaota꞉ ipiki pa꞉ta꞉ pa hala꞉la꞉ alemanu haleekeme. Koto hone tulaaso hata꞉ haleeke ekima꞉ta꞉ mo hande Keinina꞉ pa hala꞉la꞉ ale ota꞉ lombei peakeeki haleekeme. Eipoloma꞉ Koda꞉ pa꞉ta꞉ ipika꞉ hone tulaaso hata꞉ haleeke ale epeke tupa꞉ haleeke handaa Koda꞉ma꞉ ta꞉na꞉ma꞉ homolo hata꞉ Eipolota꞉ tikitiki piki halie leekeme. Eipolota꞉ amba꞉ kiaake homeeke yekepate ipika꞉ hone tulaeyeke ekima꞉ta꞉ wanda꞉halina꞉ hone pa mea u tiao hala꞉me.

Hibulu 12:24

Kutaa make ikita꞉ mo panake pi la꞉ ula꞉ ekina꞉ ka꞉pa hali Yesu pa꞉ta꞉ make ipika꞉ tunkula꞉ pa pa pu lopeeke wema꞉ta꞉ mo hande Eipolona꞉ we ota꞉ lombei piki la꞉ wita꞉la꞉ we pa꞉ta꞉ make opolo epelememe.

1 Dioni 3:12

Nikita꞉ mo hande Keinima꞉ na hando hapa꞉peke ya꞉la꞉me. Ipikita꞉ mo Hoke Temokona꞉eki hata꞉ ipika꞉ hameke Eipolo kone lu homaeyekeme. Pa ekipeke lu homaeyekepe. Do ekina꞉yeke loa꞉me. Mo ipika꞉ pieke hau manuta꞉ tikitiki na pitolo haena꞉ ipika꞉ hamekena꞉ hau manuta꞉ tikitiki pikieki yaalo piekeme.