Luku 11:34 - Panake Pi La: Ula: Buka pita: Kine Pieke Buka

³⁴ Naka꞉ leketa꞉ naka꞉ lokena꞉ ola꞉pakee. Naka꞉ leke a꞉nda꞉ ota꞉ epea꞉ka꞉na꞉ta꞉ kota꞉ naka꞉ loke paeyaota꞉ pa̱a̱ma꞉ tumbilieke. Koto pa꞉la꞉pate naka꞉ leke a꞉nda꞉ hoeya꞉ka꞉na꞉ta꞉ naka꞉ loke paeyaota꞉ timba꞉la꞉ pambilieke.

Luku 11:34 Mawu Ofanana

Kini Pieke 19:11

Kutupa mo hama꞉ nane haemeke haliwekima꞉ pota꞉ na lombolo pimiki tupa꞉ ipilikana꞉ma꞉ta꞉ ika꞉ leke holu peaepekeme.

Maka 4:12

Handena꞉yeke onkoluma꞉manu la꞉la꞉pate handa꞉ wina꞉yeke na la꞉la꞉me. Opina꞉yeke onkoluma꞉ pimanu la꞉la꞉pate ota꞉ hone wina꞉yeke na la꞉la꞉me. Opimika꞉na꞉ yoluta꞉ hone ma꞉nda꞉ la꞉ka꞉la꞉ mina wimika꞉na꞉ta꞉ ika꞉ hoke hau paeyaalo pia꞉me leekeme.

Maka 7:22

tooli ka꞉taasa꞉ hau make we pamba꞉la꞉ hau make hoke hoke hau make yayapiki hau make pamba꞉ na piki hau make ne tunkula꞉la꞉ hau make pi lala pu handaena꞉ hau make hone na wiki hau make

Maka 8:18

Ika꞉ leke hala꞉pate na hando halemepe. Ika꞉ katake hala꞉pate na opu halemepe. Na niminaasemepe.

Luku 11:35

Koto ekina꞉ta꞉ mo naka꞉ lokena꞉ pa̱a̱ pa꞉la꞉ ekita꞉ timba꞉ na la꞉na꞉ leketa꞉ ota꞉ wopu handeteke hapeke

Aposolo 13:11

Koto ekina꞉ ameta꞉ Tekehalima꞉ neke liekee. Kutupa neketa꞉ leke holupiki hali hao hata꞉ta꞉ nate pa̱a̱ a̱i̱ na handilipikie laa leekeme. Poloma꞉ koto alo haena꞉ kone timba꞉la꞉ pambeke koama꞉ handeke alema꞉ Elimasina꞉ leke telipina꞉ holu peaeyekeme. Ma꞉nda꞉ma꞉ ipika꞉ kiki yola꞉ mea mina pena꞉yeke kikima꞉ hali weiya꞉tiki pomiekeme.

Aposolo 2:46

Nate paeyao mo tembolo da tukiki pa꞉ta꞉ homeke alena꞉ momba꞉la꞉tiki peaata꞉ ika꞉ da pa꞉ta꞉manu make mandake pa꞉ta꞉ pita꞉ ne na꞉tiki pimikime. Homu pea hata꞉

Aposolo 26:18

Ika꞉ leke kilaowalena꞉ yeke neke tapaasome lea꞉me. Ikana꞉ma꞉ timba꞉ lo pamba꞉la꞉eki la꞉ka꞉la mina꞉pa꞉lao pa̱a̱na꞉ epoemena꞉yeke pua꞉me. Hande Sadanina꞉ wele pa꞉la꞉eki la꞉ka꞉la mina꞉pa꞉lao Koda꞉na꞉eki hamina꞉yeke pua꞉me. Koto ekina꞉ ika꞉ hoke hau pita꞉la꞉ ekimanu Koda꞉ma꞉ pa tombuao hala꞉eki muemena꞉yeke pua꞉me. Kutupa ikana꞉ma꞉ yaka pi mina꞉leke handa talopu mea haena꞉ lolo wanda꞉hali ame̱le̱ tukiki pa꞉ta꞉ a꞉pa hamina꞉yeke pua꞉me lea꞉me.

2 Kotindi 1:12

Nika꞉ honema꞉ ota꞉ hau pelememe laa peneme yaasekena꞉ ta꞉na꞉ma꞉ homoloma꞉ ekita꞉ dupae. Nika꞉ pitoloma꞉ hau paeyao pa꞉ta꞉ta꞉ Koda꞉ma꞉ kita꞉la꞉ yakopiki hau make tikitiki piki hau make pitoloma꞉me. Dupiki hau manuta꞉ do kenkena꞉ hone u lenkena꞉ peaasa꞉eki pa꞉ta꞉ na a꞉pa꞉la꞉me. Pate mo Koda꞉na꞉ a꞉ta꞉ma꞉ homa tamba꞉ mina꞉la꞉ ekima꞉ homeke puma꞉me Dupiki haumanu puma꞉ ekita꞉ mo wanda꞉hali paeyao pa꞉ta꞉ puma꞉pate pa iki pa꞉ta꞉ homeke hone wopu witolo hata꞉ puma꞉me.

2 Kotindi 11:3

Ika꞉ hone manuta꞉ hoeyaasa꞉eki manuma꞉ mea bepolao ika꞉ ota꞉ Ketiso pa꞉ta꞉ homeke ala꞉ta꞉ ma꞉nda꞉ na ta̱leke pukima꞉ homelemeeki hoki walimikie laata꞉ I̱ta꞉ paala꞉ pa꞉la꞉me. Mo hande ketona꞉ hone wopu lenkene piki yayapiki pima꞉ hande Ipa꞉ makeaeyeke tupa꞉ kone pilieke laa loa꞉me.

2 Kotindi 4:4

Ikana꞉ma꞉ hone na tulaasememe. Pa ekipeke do kenkena꞉ hoke koda꞉ma꞉ta꞉ ika꞉ hone manuta꞉ timba꞉ la꞉ pambaena꞉ hala꞉me. Ipikana꞉ma꞉ta꞉ mo ikina꞉ pa̱a̱ peaapeke pa̱a̱ta꞉ handaama꞉na꞉ yeke sa꞉sa꞉ pita꞉la꞉me. Mo Ketiso ota꞉ Koda꞉ma꞉ handeke halina꞉ pa̱a̱na꞉ mo Pi Seliapo pa꞉ta꞉ yama꞉ ipula꞉eki handaama꞉na꞉ yeke pita꞉la꞉me.

Epesese 1:17

Hande nika꞉ Tekehali Yesu Ketiso ipika꞉ Koda꞉ta꞉ hande pa̱a̱ pa꞉la꞉ Atekema꞉ Sipitidi iki kina꞉yeke pu halome. Kutupa koto Sipitidima꞉ epeke hone wita꞉la꞉eki iki kiaata꞉ Koda꞉ hala꞉eki wopu handoemena꞉yeke Sipitidima꞉ la kina꞉yeke yeni pu halome.

Epesese 6:5

E pa hameke pokaaseme haliwekio ika꞉ handeteke haleme haliwekina꞉ pi paala꞉ma꞉ homolo hata꞉ opua꞉pa꞉peke. Makeaasa꞉ hau na piki Ketisona꞉ e pokaaseme tupa꞉ opua pea꞉pa꞉peke.

Kolosi 3:22

Pa hameke e pokaaseme haliwekio. Ika꞉ piteleme hau paeyao pa꞉ta꞉ta꞉ ika꞉ do kenkena꞉ handeteke haleme haliwekina꞉ pi opua pia꞉pa꞉peke. Mo haliwekina꞉ leke popelekena꞉ hata꞉ iki ta꞉na꞉ma꞉ homaaluekema꞉ homeke na pikita꞉ ota꞉ hau pitolo hata꞉ pia꞉pa꞉peke. Pa ekipeke mo ika꞉ Tekehali pa꞉ta꞉ paala꞉ma꞉ homeleme ekina꞉ loa꞉me.