Luku 11:18 - Panake Pi La: Ula: Buka pita: Kine Pieke Buka

¹⁸ Koto ekina꞉ta꞉ Sadanina꞉ kilu tombuao hala꞉eki pa꞉ta꞉ haleme tapakema꞉ ta꞉ta꞉ ta꞉ta꞉ lo tekilipa꞉ alu alu pea ika꞉ ika꞉ kone a꞉nda꞉ pimika꞉na꞉ta꞉ ekipa hao pelia꞉tiki pu halimikipe. Ikana꞉ma꞉ I̱ pa꞉ta꞉ta꞉ Bielisibuluma꞉ I̱ honkopu kita꞉leke handa hoke temokomanu tolu lita꞉la꞉me laa alemeeki

Luku 11:18 Mawu Ofanana

Ma꞉tiu 10:25

Koto ekina꞉ta꞉ mo sukulu pita꞉la꞉ wekima꞉ta꞉ ipika꞉ hone pa꞉ta꞉ta꞉ Yaka disa some tupa꞉ halueke laa hone pia꞉ka꞉na꞉ta꞉ kota꞉ ana꞉ pilieke. Koto tupa꞉ kone mo e pokaasa꞉ somema꞉ make Ya e teke hali tupa꞉ kone halueke laa hone pia꞉ka꞉na꞉ta꞉ kota꞉ koto make ana꞉ pilieke. Wanda꞉halima꞉ mo da homeke pa꞉ta꞉ pambo haleme tapakena꞉ Ateke pa꞉ta꞉ mo hande hoke biki Bielisibulu la꞉ wiaemeka꞉na꞉ta꞉ kota꞉ ipika꞉ wekiwandiki pa꞉ta꞉ make koto biki ota꞉ lombei piki ota꞉ hoke bikimanu kone la꞉tiki pilimikie.

Ma꞉tiu 12:26

Koto tupa꞉ kone mo Sadanina꞉ kilu tombuao hala꞉eki pa꞉ta꞉ta꞉ kalale ya alu pea a꞉nda꞉ pu alu pipika꞉na꞉ta꞉ kota꞉ ipika꞉ kilu tombuao hala꞉ ekita꞉ amba꞉ tekilipa꞉ alu pea a̱i̱ paelieke.

Ma꞉tiu 4:10

Koto leeke Yesuma꞉ hombo peaaso alota꞉ Sadani neke puma. Mo Baiboloma꞉ alota꞉ Koda꞉ pa꞉ta꞉ homeke panda꞉puniao yeiya꞉ laaso hata꞉ ipika꞉ kakena꞉ homeke homo hapa꞉peke la꞉la꞉me leekeme.

Ma꞉tiu 4:24

Koto ipika꞉ pieke hau manuna꞉ta꞉ Sitia kenke paeyao pa꞉ta꞉ kende tupa꞉ wiekeme. Koto pi opuaata꞉ wanda꞉halima꞉ yeni ta꞉ta꞉ ta꞉ta꞉ hake tanda mu haemeke wanda꞉hali make hoke temokomanu pitu make lu keaaso hata꞉ lopo haemeke wanda꞉hali make kiki anke lupa wiki wanda꞉hali make ota꞉ paeyao ipiki pa꞉ta꞉ mea epemekeme.

Luku 11:15

mandane wanda꞉halima꞉ alota꞉ Ipikana꞉ma꞉ mo hande hoke temoko manuna꞉ you hali Bielisibuluna꞉ wele pita꞉la꞉eki mea hoke temokomanu tolu lita꞉la꞉me lemekeme.