Luku 10:33 - Panake Pi La: Ula: Buka pita: Kine Pieke Buka

³³ Pate Sametia hali ma꞉nda꞉ koto pota꞉na꞉ a꞉paata꞉ mo hali hando haota꞉ ipika꞉ pukima꞉ a꞉ta꞉ma꞉ homeekeme.

Luku 10:33 Mawu Ofanana

Ma꞉tiu 10:5

Koto 12 haliweki tapaaluekema꞉ hata꞉ta꞉ Yesuma꞉ iki pa꞉ta꞉ dupiki pi leekeme. Mo Diendaili tapakena꞉ da yu pa꞉ta꞉manu o Sametia tapakena꞉ da teke pa꞉ta꞉manu make na pua꞉pa꞉peke leekeme.

Ma꞉tiu 18:33

Kota꞉ I̱ma꞉ neke pa꞉ta꞉ pa a꞉ta꞉ma꞉ homoa꞉ tupa꞉ nakana꞉ma꞉ naka꞉ e mandake pokaepe some pa꞉ta꞉ make koto tupa꞉ kone a꞉ta꞉ma꞉ homa꞉peke alee laata꞉

Luku 10:32

Koto hoki naneta꞉ Lipae tapake hali ma꞉nda꞉ make koto tupa꞉ peekepate mo hande yombua bao wina꞉ lemeke hali pua handa kone pao paka꞉lao pota꞉ tea꞉na꞉ peekeme.

Luku 10:34

Kutupa mo hali wieke alena꞉ puaata꞉ mo limiki ale nina꞉ ipikana꞉ma꞉ honku make waini ikali make holaota꞉ banisima꞉ tonkawayekeme. Kutupa mo halima꞉ hande someta꞉ ipika꞉ donki ma꞉na꞉na꞉ hoki manda mea wiaata꞉ hatuku pua hande kimisu haliwekima꞉ hamba polu haemeke da ma꞉nda꞉ pa꞉ta꞉ opolo puaata꞉ koto da pa꞉ta꞉ mo hali handeteke hayekeme.

Luku 7:13

Tekehalima꞉ mo hande kineke wanda꞉ handaata꞉ ipika꞉ pukima꞉ a꞉ta꞉ tiekema꞉ homolo hata꞉ ipikana꞉ma꞉ mo wanda꞉ pa꞉ta꞉ alota꞉ E na lapee leekeme.

Dioni 4:9

Mo Sametia wanda꞉ma꞉ Yesuna꞉ pi hombo peaaso alota꞉ I̱ta꞉ Sametia wanda꞉ halopate neketa꞉ Diu hali hata꞉ kone ekipeke I̱ pa꞉ta꞉ Ikali ma꞉nda꞉ nono kie laa honke alepe leekeme. Koto Sametia wanda꞉halima꞉ ika꞉ ne ikali no haemeke kawaso manuta꞉ mo Diu wanda꞉halima꞉ yola꞉ alu pea napeke na yeeke handa loa꞉me.

Dioni 8:48

Mo Diu haliwekima꞉ Yesuna꞉ pi hombo peaaso alota꞉ Nikana꞉ma꞉ neketa꞉ Sametia hali neke pa꞉ta꞉ hoke temoko pita꞉ pa꞉la꞉me loma꞉ ekita꞉ paeki loma꞉ekea.