Luku 1:78 - Panake Pi La: Ula: Buka pita: Kine Pieke Buka

⁷⁸ Pa ekipeke. Nika꞉ Koda꞉ta꞉ yopu hao hata꞉ niki pa꞉ta꞉ a꞉ta꞉ma꞉ homo hala꞉me. Da panake ka꞉la꞉polo hata꞉ pa̱a̱ peaasa꞉ tupa꞉ta꞉ Koda꞉ma꞉ niki pa꞉ta꞉ da꞉ta꞉la꞉eki kilieke.

Luku 1:78 Mawu Ofanana

Dioni 3:16

Do ekina꞉yeke loa꞉me. Koda꞉ma꞉ kenke wanda꞉hali pa꞉ta꞉ pukima꞉ wotu homolo hata꞉ ipika꞉ Weki homeke kone kiekeme. Kutupa hali epima꞉ ipika꞉ Weki pa꞉ta꞉ hone tulao haya꞉ka꞉na꞉ta꞉ kota꞉ koto hali na homeke deto hala꞉eki mina꞉yeke kiekeme.

Epesese 5:14

Kutupa mo hande pa̱a̱ pita꞉la꞉ ekima꞉ peneme yaasa꞉eki manuta꞉ pa̱a̱ pita꞉la꞉eki kone yelieke. Koto ekina꞉ wape dupa pa꞉la꞉me. U peile halio. A̱i̱ tiae. Homa꞉la꞉eki mina꞉pa꞉lao tiaeka꞉na꞉ta꞉ Ketisoma꞉ neke pa̱a̱ pealieke wape pa꞉la꞉me.

Pilipai 1:8

Yesuma꞉ wanda꞉hali pa꞉ta꞉ pukima꞉ homa꞉la꞉ tupa꞉ kone iki pa꞉ta꞉ I̱ma꞉ make mandake tupa꞉ pukima꞉ homolo hata꞉ iki ame̱le̱ a꞉pa haowee hone u halome. I̱ma꞉ do alo pita꞉ ota꞉ pi aloeki Koda꞉ma꞉ handa꞉la꞉me.

Pilipai 2:1

Ika꞉ Ketiso pa꞉ta꞉ haleme ekita꞉ iki honkopu hamena꞉ la꞉la꞉pe o ipika꞉ pukima꞉ homa꞉la꞉ ekima꞉ta꞉ ika꞉ hone bamena꞉ la꞉la꞉pe o ikana꞉ma꞉ mo Holi Sipitidi ame̱le̱ ta꞉ma꞉ni pea halemepe o ika꞉ kone pukima꞉ homolo epeke hau pu alualu pelemepe.

Kolosi 3:12

Ikita꞉ Koda꞉na꞉ wanda꞉halie. Iki pa꞉ta꞉ pukima꞉ homolo hata꞉ ipika꞉eki hamina꞉ ma̱leke lila꞉me. Koto ekina꞉ta꞉ ikana꞉ma꞉ta꞉ dupiki hau manuta꞉ dau leke yama꞉pa꞉peke. Pukima꞉ a꞉ta꞉ma꞉ homa꞉la꞉eki make yankeke pa꞉ta꞉ a꞉ta꞉ma꞉ homolo tamba꞉ mina꞉la꞉eki make kimelema꞉ homa꞉la꞉eki make homu pea hala꞉eki make homu pea yu wia hala꞉eki paeyaoma꞉ loa꞉me.

2 Pida 1:19

Koto ekina꞉ nikita꞉ mo hande potopede haliwekima꞉ walo haemeke pina꞉ hone wopu tulaloma꞉me. Ikana꞉ma꞉ make koto pi wopu opimika꞉na꞉ta꞉ ota꞉ epeke tupa꞉ pilimikie. Pa ekipeke koto pita꞉ hande lamepama꞉ timba꞉ leke ale pa꞉ta꞉ pa̱a̱ peatia pua mo da ka꞉la꞉polo hata꞉ da ka꞉la꞉paaso hombulanka꞉ma꞉ ika꞉ puki pa꞉ta꞉ pa̱a̱ peaasa꞉ nate opolo haena꞉ mina꞉pa꞉laasa꞉ tupa꞉e.

1 Dioni 3:17

Mo hamoko halima꞉ ipika꞉ hameke ala꞉ta꞉ ma꞉nda꞉ dia꞉ ya꞉la꞉eki handolo hata꞉ kone hameke pa꞉ta꞉ ipika꞉ puki na halea꞉ka꞉na꞉ta꞉ pa ekieki pea ipikana꞉ma꞉ Koda꞉ pa꞉ta꞉ pukima꞉ homolome laa leliepe.

Peneme Yaeyekeeki 22:16

I̱ta꞉ Yesuma꞉ do hau manuta꞉ iki siosimanu haleme wanda꞉hali pa꞉ta꞉ lawaena꞉ yaka enisolo tapaalome. Deipidita꞉ yaka apa꞉mei halie. I̱ta꞉ mo hande da ka꞉la꞉paaso opa꞉la꞉ pa̱a̱ tieke piki hombulanka꞉e laa lea꞉me.