Luku 1:20 - Panake Pi La: Ula: Buka pita: Kine Pieke Buka

²⁰ Do I̱ma꞉ mea epolo pita꞉ ipika꞉ nate epea꞉ka꞉na꞉ ota꞉ yaalo pa꞉la꞉pate nakana꞉ma꞉ na opueleme laata꞉ Kota꞉ do alo pi na opiki handaa neketa꞉ pi na leke kake a꞉mba halipikie. Kutupa I̱ma꞉ neke pa꞉ta꞉ do la꞉ witolo pi ota꞉ yaeya꞉ka꞉na꞉ta꞉ naka꞉ kake paa lombaa pi lelipikie leekeme.

Luku 1:20 Mawu Ofanana

Maka 16:14

Kutupa wetepena꞉ mo hande kiki yaapona꞉ ankena꞉ homeke pu haliweki kone ne nalo pitina꞉ iki pa꞉ta꞉ ipika꞉ kone waleekeme. Yesuma꞉ mo haliwekima꞉ ipika꞉ tiao hayekeeki handemeke wanda꞉halina꞉ pi na opimiki handaata꞉ Yesuma꞉ mo haliwekina꞉ pi na opimiki ekina꞉ make ika꞉ puki taka꞉laeyeke ekina꞉ make pi leekeme.

Maka 9:19

Yesuma꞉ iki pa꞉ta꞉ alota꞉ Ikita꞉ hone na tulaaseme wanda꞉halie. Nate ekipuna꞉ iki ame̱le̱ ombu hao hanope. Nate ekipuna꞉ ika꞉ ka꞉nda꞉ kiteleme ekimanu meonope laata꞉ I̱ pa꞉ta꞉ hatuku ipupe leekeme.

Luku 1:19

Mo hande enisoloma꞉ ipika꞉ pi hombo peaaso alota꞉ I̱ta꞉ Keipitelee laata꞉ Koda꞉na꞉ leke popelekena꞉ hao halome. Kutupa Koda꞉ma꞉ta꞉ do pi seliapo neke pa꞉ta꞉ lonoyeke I̱ tapaeya꞉me.

Luku 1:21

Koto pi alo haepekepate mo wanda꞉halima꞉ hama꞉ nane hata꞉ Sekataiya epena꞉ handeteke haemekepate a̱i̱ na epeeke handaata꞉ ikana꞉ma꞉ hone ta꞉ta꞉ ta꞉ta꞉ wimikime.

Luku 1:22

Kutupa Sekataiya opolu bao hama꞉ nane epeekepate mo wanda꞉hali pa꞉ta꞉ pi ma꞉nda꞉ lapeke na yeekeme. Koto ekina꞉ wanda꞉halima꞉ hone witolota꞉ ipikana꞉ma꞉ mo tembolo da tukiki pa꞉ta꞉ hata꞉ aleta꞉ ma꞉nda꞉ handolo pia꞉me la hone wimikime. Kutupa Sekataiyama꞉ pi lapeke na yaalo hata꞉ wanda꞉hali pa꞉ta꞉ ipika꞉ kiki homeke wankeaaso hata꞉ kikima꞉ kone waleekeme.

Luku 1:45

Nakana꞉ma꞉ta꞉ mo hande Tekehalima꞉ neke pa꞉ta꞉ pi la꞉ ula꞉ ekita꞉ opua ota꞉ pilieke hone tula ale ekima꞉ta꞉ ta꞉na꞉ma꞉ homilipikie leekeme.

Luku 1:64

Kutu pieketa꞉ kutaa kone Sekataiyana꞉ kake lumbieketa꞉ pi lapeke yalo hata꞉ ipikana꞉ma꞉ Koda꞉na꞉ pi laeyekeme.

Loma꞉ 3:3

Koto hau pina꞉ kone mandane wanda꞉halima꞉ pi na opiki kiao haemekepate mo wanda꞉halima꞉ pimiki ekina꞉ ika꞉ honema꞉ta꞉ Koda꞉ma꞉ make ipika꞉ pi tunkula halieke hone witelemepe.

2 Timodi 2:13

Nikana꞉ma꞉ nika꞉ hone ti lao halumeke laa kone pa hone na ti lao haoma꞉ka꞉na꞉ kone kota꞉ kutu pumonopate pa ipikana꞉ma꞉ ipika꞉ pulueke laa la꞉ ula꞉ pita꞉ ota꞉ na tunkulieke. Pa ekipeke ipikana꞉ma꞉ ipika꞉ titina꞉ la꞉ ula꞉ pi kialuekema꞉ wetepe topo piki pi ma꞉nda꞉ lapeke na ya꞉la꞉me.

Taitasi 1:2

Ika꞉ mo koto hone tulalemeeki make mo ota꞉ pi miniki halemeeki make do hau yaapota꞉ mo deto hala꞉ hauna꞉ ti laasa꞉eki pa꞉ta꞉ ti lalememe. Mo yayapiki pi na lo hala꞉ Koda꞉ma꞉ amba꞉ mo ala꞉ta꞉ ala꞉ta꞉ paeyao na wepia wina꞉ leke do deto hala꞉ ekita꞉ niki pa꞉ta꞉ hone witolo hata꞉ pi la꞉ wiekeme.

Hibulu 6:18

Koda꞉ma꞉ koto topo pea꞉peke na yo yayapiki pi na lo pea꞉peke yekeeki yaapo wina꞉ leekeme. Ipika꞉ oto nane tinki pa haloma꞉ wanda꞉hali nikita꞉ nika꞉ hone ti laloma꞉eki ota꞉ miniki hamono yeke do koto pi yaapoma꞉ta꞉ nika꞉ puki tieke wopu mea tiala꞉me.

Peneme Yaeyekeeki 3:19

I̱ma꞉ta꞉ yaka pukima꞉ homolo wanda꞉hali paeyaota꞉ pima꞉ hando laa panisi peao halome. Koto ekina꞉ ika꞉ hoke hau manuta꞉ ota꞉ hone witolo hata꞉ hoki wala꞉pe.