Loma꞉ 9:4 - Panake Pi La: Ula: Buka pita: Kine Pieke Buka

⁴ Ikita꞉ Koda꞉ma꞉ talopu mea haena꞉ la꞉la꞉ wanda꞉halie. Ipikana꞉ma꞉ ikita꞉ ipika꞉ wekiwandiki haena꞉ laata꞉ iki pa꞉ta꞉ ipika꞉ pa̱a̱ pa꞉la꞉eki waleekeme. Ipikana꞉ma꞉ iki pa꞉ta꞉ mandane pimanu la꞉ wia꞉tiki pea hande Lo Pimanu la kia꞉tiki pea ipiki pa꞉ta꞉ panda꞉puniao ota꞉ yeni pea꞉pekeeki walaata꞉ iki pa꞉ta꞉ kulu pieke ekimanu la꞉ wia꞉tiki piekeme.

Loma꞉ 9:4 Mawu Ofanana

Kini Pieke 15:18

Kutupa koto pate koneta꞉ Tekehalima꞉ Eipola꞉ma꞉ yaapo pi la꞉ witolo alota꞉ I̱ma꞉ do yata꞉polo kenke paeyaota꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ halueke laa pi la꞉ witolome. Oni Idiepi yu tombona꞉ kini pea pua mo Yupoteitisi ikali puata꞉

Kini Pieke 17:10

Nakana꞉ma꞉ make naka꞉ monduma꞉ monduma꞉ pilipi wekiwandikina꞉ wekiwandikima꞉ make ika꞉ hali weki paeyaota꞉ sekemesaisi hau ota꞉ pulumeke laa lapa꞉peke.

Kini Pieke 17:2

I̱ma꞉ta꞉ neke yaapo yaka pi la꞉ wiaata꞉ naka꞉ monduma꞉ monduma꞉ pilipi wekiwandikina꞉ wekiwandikita꞉ wopu kulueke leekeme.

Kini Pieke 17:7

I̱ma꞉ta꞉ neke pa꞉ta꞉ make naka꞉ monduma꞉ monduma꞉ pilipi wekiwandikina꞉ wekiwandikina꞉ tapake pa꞉ta꞉ maketa꞉ do la꞉ witolo pita꞉ ota꞉ na paeke pa u halo pa꞉la꞉ pi la꞉ witolome. I̱ta꞉ naka꞉ Koda꞉ make naka꞉ monduma꞉ monduma꞉ pilipi wekiwandikina꞉ wekiwandikina꞉ Koda꞉ make halueke.

Kini Pieke 32:28

Kota꞉ mo halima꞉ alota꞉ Ameta꞉ naka꞉ bikita꞉ Dieikope dia꞉ya꞉lieke. Pa ekipeke nakana꞉ma꞉ta꞉ Koda꞉ yaapo make hali yaapo make tonka꞉neli pea bepolae ekina꞉ naka꞉ bikita꞉ Isulaie leekeme.

Ma꞉tiu 21:33

Yesuma꞉ alota꞉ Onkoluma꞉ pi ma꞉nda꞉ doma꞉ ikana꞉ma꞉ opua꞉pe. Hali homeke ma꞉nda꞉ ipika꞉ kenke tieke wiekeme. Koto kenke pa꞉ta꞉ta꞉ waini pu e pokeekeme. Kutaata꞉ mo eta꞉ pape piekeme. Kutupa mo waini kiliki yombu tombua bepi pia꞉peke naku awaata꞉ mo ena꞉ pake nala꞉ hali handeteke pitepeke da hokulupeke a꞉eliayekeme. Kutaata꞉ mo hande eta꞉ mandane haliwekima꞉ handeteke haena꞉ yenki tieketa꞉ ika꞉ minolo hata꞉ hosikima꞉ta꞉ ipiki pa꞉ta꞉ hala꞉tiki pina꞉yeke iki pa꞉ta꞉ halaa ipikita꞉ papate peekeme.

Dioni 1:17

Koda꞉ma꞉ta꞉ mo hande Lo Pimanu niki pa꞉ta꞉ la kina꞉yeke Mosesi pa꞉ta꞉ la haleekeme. Kutu piekepate pa a꞉ta꞉ma꞉ homa꞉la꞉eki make ota꞉ hau pita꞉la꞉eki make Yesu Ketisoma꞉ mea a꞉paeyekeme.

Dioni 1:47

Nada꞉niele Yesu pa꞉ta꞉ ipulu haena꞉ kone Yesuma꞉ handa Nada꞉nielena꞉ pita꞉la꞉ ekita꞉ dupae laa ma꞉nda꞉ pa꞉ta꞉ la halolo alota꞉ Do halita꞉ ota꞉ Isulai halie laa ipiki pa꞉ta꞉ yayapiki hau ma꞉nda꞉ na ula꞉me leekeme.

Aposolo 2:39

Pa ekipeke mo hande Koda꞉ma꞉ pi la꞉ wieke ekita꞉ iki pa꞉ta꞉ make ika꞉ weki wandiki pa꞉ta꞉ make mo papate haleme wanda꞉hali pa꞉ta꞉ make pa mo Tekehalima꞉ ipiki pa꞉ta꞉ kone epena꞉ wi ala꞉ wanda꞉hali paeyao pa꞉ta꞉ta꞉ make ipikana꞉ma꞉ pi la꞉ wiekeme laa leekeme.

Loma꞉ 3:2

A꞉pa꞉e. Iki pa꞉ta꞉ epekeeki wotu ula꞉me. Titina꞉ dupa Koda꞉ma꞉ta꞉ mo Diu wanda꞉halima꞉ ipika꞉ pimanu miniki hata꞉ handeteke haena꞉yeke iki pa꞉ta꞉ haleekeme.

Loma꞉ 8:15

Koda꞉ma꞉ iki ka꞉la꞉ Sipitidima꞉ta꞉ iki paala꞉ tiao pa hameke e pokaasa꞉ hali leke na hamina꞉ la꞉la꞉me. Dia꞉me. Koto hau na pita꞉la꞉me. Hande Sipitidima꞉ ikita꞉ Koda꞉ ipika꞉ wekiwandiki hamina꞉ la꞉la꞉me. Koto pa꞉la꞉ ekina꞉ Sipitidi ipika꞉ wele pita꞉la꞉ ekina꞉ nikana꞉ma꞉ Koda꞉ pa꞉ta꞉ wi alo alota꞉ Apa꞉o. Yaka Apa꞉o lo haloma꞉me.

Loma꞉ 9:6

I̱ma꞉ta꞉ Koda꞉ma꞉ la꞉ wieke pita꞉ na yaala꞉me laa pi na alome. Koda꞉ma꞉ ipika꞉ la꞉ wieke pita꞉ ota꞉ yaala꞉me. Do ekina꞉ yeke loa꞉me. Ipikana꞉ma꞉ talopu mea haena꞉ la꞉la꞉ wanda꞉halita꞉ Isulai tapake wanda꞉hali homeke na mea haena꞉ leeke mo mandane wanda꞉hali make mea apa꞉tao haena꞉ la꞉la꞉ ekina꞉ loa꞉me.

2 Kotindi 11:22

Ikita꞉ Hibulu ya꞉ka꞉ta꞉pe kota꞉ I̱ make lataa. Ikita꞉ Isulai ya꞉ka꞉ta꞉pe kota꞉ I̱ make lataa. Ikita꞉ Eipoloha꞉ma꞉na꞉ tapake ya꞉ka꞉ta꞉pe kota꞉ I̱ make lataa.

Ka꞉leisia 3:16

Koda꞉ma꞉ make koto tupa꞉ kone Eipoloha꞉ma꞉ pa꞉ta꞉ make ipika꞉ hoki nane epolo pieke hali pa꞉ta꞉ make ipika꞉ pi la꞉ wita꞉la꞉eki manuma꞉ la꞉ wiekeme. Baiboloma꞉ hoki nane epolo pieke haliweki ala꞉ pina꞉ teketa꞉ haliweki eleke eleke laa na ala꞉pate pa hoki nane epolo pieke hali ala꞉ pina꞉ teketa꞉ hali homeke homeke la ala꞉me. Mo koto hali bikita꞉ Ketisoe.

Epesese 2:12

Koto pita꞉ta꞉ ikita꞉ Ketiso teke pa꞉ta꞉ na hake ika꞉ ta꞉ta꞉ papate haemekeme. Ikita꞉ Koda꞉ma꞉ talopu mea haena꞉ la꞉la꞉ wanda꞉hali apa꞉tao na hake tapake ta꞉ta꞉ wanda꞉hali haemekeme. Koda꞉ma꞉ ipika꞉ wanda꞉hali pa꞉ta꞉ pimanu la꞉ wiekeeki manuta꞉ iki pa꞉ta꞉ na leekeme. Ikita꞉ amba꞉ do kenkena꞉ haemeke dina꞉ta꞉ Koda꞉ ame̱le̱ na hake ipiki pa꞉ta꞉ epekeeki muluekema꞉ hone na wiki pa hao haemekeme.

Hibulu 9:1

Mo titina꞉ pi la꞉ wita꞉la꞉eki wieke pita꞉ma꞉ta꞉ Koda꞉ma꞉ ipika꞉ wanda꞉halina꞉ yeni pitolo pea꞉peke hau paeyaona꞉ mana꞉ pimanu make la haleekeme. Kutupa do kenkena꞉ mo wanda꞉halima꞉ta꞉ ika꞉ yako piki yeni da make haena꞉ a꞉eyo haemekeme.

Hibulu 9:10

Koto ale manuta꞉ pa ne ikali napeke ale o manda loke homeke tanda꞉pa꞉peke alemanue. Dota꞉ pa manda lokena꞉ mana꞉ pimanue. Hau paeyaota꞉ wetepe tikitiki yaaluekema꞉ yeke Koda꞉ma꞉ do mana꞉ pi pa ta꞉ka꞉li la꞉ wiekeme.

Hibulu 9:3

Da panda꞉ ma꞉nda꞉ta꞉ aka꞉ tiekema꞉ tupele hao pambeekeme. Koto da panda꞉na꞉ bikita꞉ Ota꞉ Yako Piki Da Panda꞉e.

Hibulu 9:5

Koto bokosi manda naneta꞉ Koda꞉ma꞉ niki ame̱le̱ hala꞉meeki walolo enisolo leke wepieke ale yaapota꞉ wepia handa꞉ alu pea haena꞉ lemekeme. Ipilika꞉ popakema꞉ta꞉ mo hoke hau a꞉mbaluekema꞉ we holo hayeke ale tikitiki peolaniao wipikime. Pa ameta꞉ do hau paeyaona꞉ tekemanu wopu wala꞉peke na ya꞉la꞉me.

Hibulu 9:6

Mo ale paeyaota꞉ koto tupa꞉ tikitiki yao wimiki alena꞉ mo yeni peao hala꞉ haliwekima꞉ mo hande mineke da panda꞉ pa꞉ta꞉ ika꞉ e pokuluekema꞉ hoto paeyao pua꞉tiki a꞉pa꞉tiki pu haemekeme.