Loma꞉ 9:1 - Panake Pi La: Ula: Buka pita: Kine Pieke Buka

¹ I̱ma꞉ alo ekita꞉ ota꞉ pi alome. I̱ta꞉ Ketisona꞉eki ota꞉ hata꞉ yayapiki pi na alome. Holi Sipitidima꞉ yaka hone pa꞉ta꞉ handeteke haena꞉ I̱ma꞉ta꞉ yayapiki pi aleme laa ya hone pa꞉ta꞉ kone na ala꞉me.

Loma꞉ 9:1 Mawu Ofanana

Loma꞉ 1:9

Do alo ekita꞉ ota꞉ pi aloeki Koda꞉ma꞉ handa꞉la꞉me. Do Koda꞉ta꞉ ipika꞉ Eiyekena꞉ Pi Seliapo walolo hata꞉ yaka tieke pukima꞉ ipika꞉ e pokao halome. Hoto paeyao iki pa꞉ta꞉ hone witolo hata꞉

Loma꞉ 2:15

Mo hande Lo Pimanu ika꞉ puki pa꞉ta꞉ mendieleme ekita꞉ ika꞉ pu haleme ekima꞉ peneme yaasa꞉me. Kutupa make mo hande Lo Pimanu ota꞉ekie laa ika꞉ hone pa꞉ta꞉ kone leekeme. Hoto ma꞉nda꞉ma꞉ta꞉ ika꞉ honema꞉ alota꞉ Hokeeki pimime alemepate hoto ma꞉nda꞉ma꞉ta꞉ ika꞉ honema꞉ alota꞉ Epekeeki pimime la alememe.

Loma꞉ 8:16

Koda꞉ ipika꞉ Sipitidima꞉ nika꞉ temoko yaapo ta꞉ma꞉ni pea hata꞉ nikita꞉ Koda꞉ ipika꞉ wekiwandiki haloma꞉eki peneme yao waluekema꞉ pa꞉la꞉me.

Loma꞉ 9:2

I̱ma꞉ta꞉ yaka wanda꞉hali ota꞉ yaka Diu tapake wanda꞉hali pa꞉ta꞉ hone witolo hata꞉ a꞉ta꞉ tieke pu hala꞉ ekima꞉ ya puki pa꞉ta꞉ tanda pia꞉tiki pu hala꞉me.

2 Kotindi 1:12

Nika꞉ honema꞉ ota꞉ hau pelememe laa peneme yaasekena꞉ ta꞉na꞉ma꞉ homoloma꞉ ekita꞉ dupae. Nika꞉ pitoloma꞉ hau paeyao pa꞉ta꞉ta꞉ Koda꞉ma꞉ kita꞉la꞉ yakopiki hau make tikitiki piki hau make pitoloma꞉me. Dupiki hau manuta꞉ do kenkena꞉ hone u lenkena꞉ peaasa꞉eki pa꞉ta꞉ na a꞉pa꞉la꞉me. Pate mo Koda꞉na꞉ a꞉ta꞉ma꞉ homa tamba꞉ mina꞉la꞉ ekima꞉ homeke puma꞉me Dupiki haumanu puma꞉ ekita꞉ mo wanda꞉hali paeyao pa꞉ta꞉ puma꞉pate pa iki pa꞉ta꞉ homeke hone wopu witolo hata꞉ puma꞉me.

2 Kotindi 1:23

Koda꞉ta꞉ yaka wekitisi hali lonoe. Ipikana꞉ma꞉ta꞉ yaka honeta꞉ hone ula꞉me. I̱ma꞉ta꞉ iki ka꞉nda꞉ kia꞉peke yeketa꞉ Kotindi nane pao na poa꞉me.

2 Kotindi 11:10

Ketisona꞉ ota꞉ pi I̱ pa꞉ta꞉ pila꞉eki yalota꞉ I̱ma꞉ do yaka hakoko litolo pita꞉ ota꞉ koto Akaya kenke paeyao pa꞉ta꞉ta꞉ na palueke laa pi la꞉ witolome.

2 Kotindi 11:31

Koda꞉ mo Tekehali Yesu Ketisona꞉ Atekema꞉ta꞉ I̱ma꞉ta꞉ yayapiki pi na alome laa hone wita꞉la꞉me. Ipika꞉ bikita꞉ hoto paeyao mea a꞉meiyamana꞉e.

2 Kotindi 12:19

Mata꞉la꞉me. Hoto paeyaota꞉ ika꞉ leke popelekena꞉ nikana꞉ma꞉ nika꞉ kone tamba꞉ muluekema꞉ pitoloma꞉me hone witolo pitelememe. Dia꞉me. Nikana꞉ma꞉ta꞉ Koda꞉na꞉ leke popelekena꞉ hata꞉ Ketisoma꞉ niki pi lomono lolo pa꞉la꞉ tupa꞉ aloma꞉me. Kutupa nika꞉ puki piki yankeke tonuo nikana꞉ma꞉ pitoloma꞉ hau paeyaota꞉ iki tamba꞉ muluekema꞉ pitoloma꞉me.

Ka꞉leisia 1:20

Do wape pitolo pita꞉ ota꞉ pi alome. Ota꞉ diki honumakesiki I̱ma꞉ yapi alo na loa꞉me. Ota꞉ Koda꞉ma꞉ handa꞉la꞉me.

Pilipai 1:8

Yesuma꞉ wanda꞉hali pa꞉ta꞉ pukima꞉ homa꞉la꞉ tupa꞉ kone iki pa꞉ta꞉ I̱ma꞉ make mandake tupa꞉ pukima꞉ homolo hata꞉ iki ame̱le̱ a꞉pa haowee hone u halome. I̱ma꞉ do alo pita꞉ ota꞉ pi aloeki Koda꞉ma꞉ handa꞉la꞉me.

1 Desalonaika 2:5

Nikana꞉ma꞉ iki pa꞉ta꞉ imeke pulueke alo hata꞉ iki pa꞉ta꞉ imeke piki pi na leke kutupa make nikana꞉ma꞉ pasa꞉tei hau puluekema꞉ a꞉mba a꞉mba piki pi make na loma꞉me. Koda꞉ma꞉ make handolo haena꞉ ikana꞉ma꞉ make handememe.

1 Timodi 1:5

Mo iki pa꞉ta꞉ na lapepee lapeke alo ekina꞉ teketa꞉ kota꞉ mo wanda꞉hali ika꞉ hone teke yako pea make ika꞉ puki lopao make ika꞉ Yesu pa꞉ta꞉ ota꞉ hone tulao halimi ekima꞉ make koto haumanu pilimi ekima꞉ ika꞉ ika꞉ kone pukima꞉ homa꞉ alualu pea haena꞉yeke loa꞉me.

1 Timodi 2:7

Koto pi walono yeke Koda꞉ma꞉ I̱ aposolo hano la꞉la꞉me. I̱ma꞉ yaa pi na alome. Ota꞉ pi alo loa꞉me. Ipikana꞉ma꞉ I̱ta꞉ mo Diendaili wanda꞉halina꞉ moka꞉la꞉ tiaasa꞉ hali hata꞉ta꞉ ipika꞉ ota꞉ pi make mo hone tulaasa꞉eki make walaano yeke hano la꞉la꞉me.

1 Timodi 5:21

Mo Koda꞉ make Ketiso Yesu make mo ma̱leke lila꞉ enisolomanu make iki paeyaona꞉ leke potopoto hata꞉ I̱ma꞉ neke pa꞉ta꞉ la꞉ witolo pita꞉ dupa alome. Nakana꞉ma꞉ homeke pa꞉ta꞉ homeke puki wita꞉la꞉ hau na pu make mandane tapake homeke na petolo pikita꞉ do ya pea꞉peke alo ekita꞉ ota꞉ paeyao pa꞉ta꞉ hone witolo hata꞉ pea꞉peke.