Loma꞉ 8:5 - Panake Pi La: Ula: Buka pita: Kine Pieke Buka

⁵ Wanda꞉hali epi amedama꞉ ika꞉ lokena꞉ hone pa꞉la꞉ ekimanu pea꞉tiki pimika꞉na꞉ta꞉ kota꞉ ika꞉ hone witeleme ekita꞉ mo ekima꞉ kone handeteke hatiki pilieke. Wanda꞉hali epi amedama꞉ hande Sipitidima꞉ walo hala꞉eki pea꞉tiki pimika꞉na꞉ta꞉ kota꞉ ika꞉ hone witeleme ekita꞉ ipikana꞉ma꞉ handeteke hatiki pilieke.

Loma꞉ 8:5 Mawu Ofanana

Maka 8:33

Yesuma꞉ la꞉ka꞉la ipika꞉ disaipolo haliweki handaata꞉ Pida hando alo hata꞉ alota꞉ Sadani neke pue. I̱ teke pa꞉ta꞉ na hapeke leekeme. Neketa꞉ Koda꞉ma꞉ ula꞉ hone tupa꞉ na wiki pa wanda꞉halima꞉ witeleme hone leke wilimee leekeme.

Dioni 3:6

weki mondu hala꞉ ale manuma꞉ta꞉ ipika꞉ loke hala꞉eki kone mondu hala꞉pate mo Sipitidima꞉ta꞉ ipikima꞉ handekeeki kone pitaalieke laa leekeme.

Loma꞉ 8:9

Kutupu halemepate ika꞉ lokena꞉ hone pa꞉la꞉eki manuma꞉ iki na handeteke hatiki pita꞉la꞉pateta꞉ Koda꞉ ipika꞉ Sipitidita꞉ iki tukiki pa꞉ta꞉ ota꞉ pitia꞉ka꞉na꞉ta꞉ kota꞉ hande Sipitidima꞉ walo hala꞉eki pea꞉tiki pu halememe. Hali ma꞉nda꞉ pa꞉ta꞉ Ketiso ipika꞉ Sipitidi na pitia꞉ka꞉na꞉ta꞉ kota꞉ ipikita꞉ Ketisona꞉eki dia꞉me.

1 Kotindi 15:48

Do kenkena꞉ wanda꞉halita꞉ hande kenkena꞉ wepia haena꞉ leeke halima꞉ handelememe. Kutupa mo hepeni nane halo peleme wanda꞉halita꞉ hande hepeni nane hao epeeke halima꞉ handoloma꞉me.

1 Kotindi 2:14

Koto poloma꞉pate hande Sipitidi na ma꞉la꞉ some epita꞉ mo hande Koda꞉na꞉ Sipitidima꞉ pa kita꞉la꞉ alemanu na mia꞉peke ya꞉la꞉me. Kutupiki someta꞉ hande Koda꞉na꞉ Sipitidima꞉ pa kita꞉la꞉ alemanu na minolo hata꞉ yalo Pa ekie laa hone na u hala꞉me.

2 Kotindi 10:3

Nikita꞉ do kenkena꞉ ota꞉ haloma꞉pate nikita꞉ kenkena꞉ hone pa꞉la꞉ hau pa꞉ta꞉ yama꞉ a꞉nda꞉ na pitoloma꞉me.

Ka꞉leisia 5:17

Pa ekipeke alo mo lokena꞉ hauma꞉ta꞉ mo Holi Sipitidi bepolaluekema꞉ taapo hala꞉me. Kutupa make mo Holi Sipitidima꞉ta꞉ mo lokena꞉ haumanu bepolaluekema꞉ taapo pu hala꞉me. Koto hau yaapoma꞉ta꞉ a꞉nda꞉ lu alu pu halepeme. Koto pitepe ekima꞉ta꞉ ikana꞉ma꞉ mo puluekema꞉ hone pa꞉la꞉ hau pia꞉peke ekita꞉ ota꞉ pea꞉peke na ya꞉la꞉me.

Epesese 5:9

Mo hande pa̱a̱ pita꞉la꞉ ekima꞉ peaasa꞉ hau manuta꞉ dupae. Epeke hau pita꞉la꞉ ekimanu make tikitiki hau pita꞉la꞉ ekimanu make ota꞉ hau pita꞉la꞉ ekimanu make peaasa꞉me.

2 Pida 2:10

Ota꞉ mo ika꞉ ha̱i̱ piki lokena꞉ na꞉na꞉ma꞉ homa꞉la꞉eki pita꞉ Koda꞉na꞉ handeteke hala꞉ ekita꞉ pa pina꞉ma꞉ hone u haleme wanda꞉hali pa꞉ta꞉ loa꞉me. Do yayapikieki wala꞉la꞉ haliwekima꞉ta꞉ ma꞉nda꞉ pa꞉ta꞉ homu na piki ika꞉ homeke hone u hata꞉ oli manda hala꞉ seliapo piki enisolo titita꞉ na handomo tiao halememe. Kotoeki na pikita꞉ pa iki kitao halememe.