Loma꞉ 8:16 - Panake Pi La: Ula: Buka pita: Kine Pieke Buka

¹⁶ Koda꞉ ipika꞉ Sipitidima꞉ nika꞉ temoko yaapo ta꞉ma꞉ni pea hata꞉ nikita꞉ Koda꞉ ipika꞉ wekiwandiki haloma꞉eki peneme yao waluekema꞉ pa꞉la꞉me.

Loma꞉ 8:16 Mawu Ofanana

Ma꞉tiu 5:9

A꞉nda꞉ ape kakeneli homao hala꞉ wanda꞉halima꞉ta꞉ ta꞉na꞉ma꞉ homo halememe. Koto wanda꞉halita꞉ Koda꞉ma꞉ Ya wekiwandikie lelieke.

Luku 20:36

Ikita꞉ enisoloma꞉ handaa paa na homeke hao halimikie. Ikita꞉ Koda꞉na꞉ wekiwandiki halimikie. Pa ekipeke ikita꞉ homa paa tialememe.

Dioni 1:12

Kutu pimikipate mandane wanda꞉halima꞉ta꞉ ipiki handa꞉ meata꞉ ipiki pa꞉ta꞉ hone tulao hatiki pimikime. Kutu pimiki handaata꞉ koto wanda꞉halita꞉ Koda꞉na꞉ weki wandiki haena꞉ leekeme.

Aposolo 5:32

Nikana꞉ma꞉ do hande piteleme haumanu handaata꞉ la haloloma꞉ haliweki haloma꞉me. Nikana꞉ma꞉ homeke dia꞉me. Holi Sipitidima꞉ make nikana꞉ma꞉ make la haloloma꞉me. Koda꞉ma꞉ ipika꞉ pi opu hala꞉ wanda꞉hali pa꞉ta꞉ Holi Sipitidi halo hala꞉me.

Loma꞉ 8:14

Koda꞉na꞉ Sipitidima꞉ hatuku pula꞉ wanda꞉halita꞉ Koda꞉na꞉ weki wandiki halememe.

Loma꞉ 8:19

Koda꞉ma꞉ wepia wina꞉ la꞉la꞉ alemanu paeyaoma꞉ta꞉ Koda꞉ma꞉ ipika꞉ eiyeketiti halemeeki peneme yao walena꞉yeke ta꞉na꞉ma꞉ homa hata꞉ leke wia handeteke hao halememe.

Loma꞉ 8:23

Koto wa꞉pa꞉la꞉eki manuma꞉ homeke na alemepate niki make hande Koda꞉ma꞉ titina꞉ amba꞉la ka꞉la꞉ Sipitidi mea hata꞉ta꞉ nikana꞉ma꞉ make niki tukiki pa꞉ta꞉ keme lo haloma꞉me. Koda꞉ma꞉ niki ipika꞉ wekitonu hamono laata꞉ nika꞉ loke tieke paeyao ka꞉la꞉pa꞉ tapaowaena꞉yeke handeteke hao hata꞉ lo haloma꞉me.

Loma꞉ 8:26

Koto tupa꞉ kone nikita꞉ damakopiki wanda꞉hali haloma꞉ ekina꞉ mo hande Sipitidima꞉ niki tamba꞉ mulu ipu hala꞉me. Nikana꞉ma꞉ta꞉ yeni pea꞉peke ekimanu na handoloma꞉ ekina꞉ mo hande Sipitidima꞉ta꞉ peneme yao pi lapeke na yalo hata꞉ kemema꞉ kemema꞉ pitolo kone Koda꞉ pa꞉ta꞉ nika꞉ yeni peao hala꞉me.

Loma꞉ 9:26

Kutupa make Koda꞉ma꞉ Ikita꞉ yaka wanda꞉hali na halememe laa leeke alena꞉ koto alena꞉ kone Ikita꞉ hande da꞉ta hala꞉ Koda꞉na꞉ weki titi halememe laa lelieke leekeme.

Loma꞉ 9:8

Koto leeke ekima꞉ta꞉ doeki wala꞉la꞉me. Pa Eipoloha꞉ma꞉ma꞉ monduma꞉ monduma꞉ pieke wanda꞉hali paeyaota꞉ Koda꞉na꞉ wekiwandikimanu paeyao na haemekeme. Dia꞉me. Koda꞉ma꞉ la꞉ wieke ekina꞉ monduma꞉ monduma꞉ pieke wanda꞉halita꞉ ota꞉ Koda꞉na꞉ wanda꞉hali haemekeme.

2 Kotindi 1:12

Nika꞉ honema꞉ ota꞉ hau pelememe laa peneme yaasekena꞉ ta꞉na꞉ma꞉ homoloma꞉ ekita꞉ dupae. Nika꞉ pitoloma꞉ hau paeyao pa꞉ta꞉ta꞉ Koda꞉ma꞉ kita꞉la꞉ yakopiki hau make tikitiki piki hau make pitoloma꞉me. Dupiki hau manuta꞉ do kenkena꞉ hone u lenkena꞉ peaasa꞉eki pa꞉ta꞉ na a꞉pa꞉la꞉me. Pate mo Koda꞉na꞉ a꞉ta꞉ma꞉ homa tamba꞉ mina꞉la꞉ ekima꞉ homeke puma꞉me Dupiki haumanu puma꞉ ekita꞉ mo wanda꞉hali paeyao pa꞉ta꞉ puma꞉pate pa iki pa꞉ta꞉ homeke hone wopu witolo hata꞉ puma꞉me.

2 Kotindi 1:22

Koda꞉ma꞉ kone niki ma̱leke lila꞉me. Ipikana꞉ma꞉ ombu nikita꞉ ipika꞉ ekie laata꞉ ipika꞉ tombo niki pa꞉ta꞉ ula꞉me. Koda꞉ma꞉ mo niki pa꞉ta꞉ ka꞉la꞉ Holi Sipitidita꞉ ipika꞉ wetepena꞉ kulu pa꞉la꞉ ale paeyaona꞉ titina꞉ tombo ka꞉la꞉mee.

2 Kotindi 5:5

Dupiki topo pulu pa꞉la꞉ ekina꞉ta꞉ Koda꞉ma꞉ niki tikitiki yaasa꞉me. Kutupa ipika꞉ Sipitidita꞉ mo wetepena꞉ niki kulu pa꞉la꞉ alena꞉ peneme yaasa꞉ tombo ula꞉eki ka꞉la꞉me.

2 Kotindi 6:18

I̱ta꞉ ika꞉ Apa꞉ halueke. Kutupa ikita꞉ yaka wekiwandiki halimikie. Dota꞉ Aneke Tekehalima꞉ alome la꞉la꞉me.

Ka꞉leisia 3:26

Iki paeyaota꞉ hone tulaasa꞉eki pa꞉ta꞉ yama꞉ Yesu Ketiso ame̱le̱ apa꞉tao Koda꞉na꞉ wekiwandiki halememe.

Ka꞉leisia 4:6

Ikita꞉ Koda꞉na꞉ wekiwandiki haleme ekina꞉ta꞉ Koda꞉ma꞉ ipika꞉ wekina꞉ Sipitidita꞉ nika꞉ puki pa꞉ta꞉ pitina꞉ tapaeya꞉me. Mo Apa꞉o. Ya Apa꞉o lo hala꞉ Sipitidita꞉ niki pa꞉ta꞉ tapaeya꞉me.

Epesese 1:13

Koto ekita꞉ iki pa꞉ta꞉ make pa꞉la꞉me. Ikana꞉ma꞉ta꞉ hande iki mea da꞉taalo pieke Pi Seliapo opuata꞉ Ketiso pa꞉ta꞉ hone tulaememe. Kutu pimiki handata꞉ Koda꞉ma꞉ ipika꞉ la꞉ wieke Holi Sipitidi iki kitolo hata꞉ta꞉ ikita꞉ ipika꞉ekie laa ti wia꞉me.

Epesese 4:30

Koda꞉ ipika꞉ Holi Sipitidi make ka꞉nda꞉ma꞉ na homaapa꞉peke. Do ekina꞉yeke loa꞉me. Koda꞉ma꞉ iki ota꞉ ka꞉la꞉pa꞉ tapaaluekema꞉ ipikana꞉ma꞉ mo Holi Sipitidi pitaala꞉ ekima꞉ tombo amba꞉ wiaala꞉me.

1 Dioni 3:1

Mo Apa꞉ma꞉ niki pa꞉ta꞉ pukima꞉ homa꞉la꞉eki tieke handa꞉pe. Ipika꞉ pukima꞉ homa꞉la꞉ ekita꞉ ota꞉ tieke aneke yalo hata꞉ta꞉ nikita꞉ Koda꞉na꞉ wekiwandiki lelememe. Kota꞉ koto ekina꞉ nikita꞉ ota꞉ ipika꞉ wekiwandikie. Doeki tekena꞉ta꞉ do kenke wanda꞉halima꞉ta꞉ Koda꞉ na handelemeeki yalo niki make na handelememe.

1 Dioni 3:10

Mo Koda꞉na꞉ wekiwandiki pita꞉ mo Hoke Temokona꞉ wekiwandiki yaapo ata꞉ka꞉ tieke pa꞉la꞉ ekita꞉ dupae. Ma꞉nda꞉ epima꞉ mo ota꞉ hau na pu o ipika꞉ yankeke pukima꞉ na homo pia꞉ka꞉na꞉ta꞉ ipikita꞉ Koda꞉na꞉ weki na hala꞉me.

1 Dioni 3:2

Ota꞉ yaka ta꞉ma꞉ni sunuo. Nikita꞉ ameta꞉ Koda꞉na꞉ wekiwandiki ya꞉la꞉pate pa mo wetepena꞉ halo polome ekita꞉ a̱i̱ na peneme yaala꞉me. Koto pa꞉la꞉pate mo Ketiso opolo ipilia꞉ dina꞉ta꞉ nikita꞉ ipikima꞉ kone handulumeke. Pa ekipeke ipikita꞉ ota꞉ ipika꞉ hala꞉eki nika꞉ lekema꞉ handolo polome ekina꞉ loa꞉me.

1 Dioni 4:13

Nikita꞉ Koda꞉ ame̱le̱ ta꞉ma꞉ni pea haloma꞉ make ipikita꞉ niki ame̱le̱ ta꞉ma꞉ni pea hala꞉ ekita꞉ nikana꞉ma꞉ hone uluma꞉me. Pa ekipeke ipikana꞉ma꞉ta꞉ niki pa꞉ta꞉ ipika꞉ Sipitidi ka꞉la꞉mee.

1 Dioni 5:10

Koto ekina꞉ ma꞉nda꞉ epima꞉ mo Koda꞉na꞉ Eiyeke pa꞉ta꞉ hone tulaeya꞉ka꞉na꞉ta꞉ kota꞉ koto mo Eiyekena꞉ alo hata꞉ peneme yaasa꞉ pita꞉ ipika꞉ puki pa꞉ta꞉ ula꞉me. Pate ma꞉nda꞉ epima꞉ a꞉nda꞉ Koda꞉ma꞉ leeke ekimanu pa꞉ta꞉ hone na tulaeya꞉ka꞉na꞉ta꞉ kota꞉ ipikana꞉ma꞉ Koda꞉ta꞉ yayapiki pi ala꞉ somee ala꞉me. Pa ekipeke koto somema꞉ta꞉ mo Koda꞉ma꞉ ipika꞉ Eiyekena꞉ alo hata꞉ la꞉la꞉eki hone na tulaala꞉me loa꞉me.

Peneme Yaeyekeeki 21:7

Ma꞉nda꞉ epima꞉ a꞉nda꞉ peaa bepolaasa꞉ hali haya꞉ka꞉na꞉ta꞉ I̱ pa꞉ta꞉ doeki mina꞉e. I̱ta꞉ ipika꞉ Koda꞉ halueke. Kutupa ipikita꞉ yaka weki au lalueke.