Loma꞉ 7:15 - Panake Pi La: Ula: Buka pita: Kine Pieke Buka

¹⁵ I̱ma꞉ta꞉ ya pu haloeki hone wopu na ulume. Hone pa꞉la꞉eki na pu halopateta꞉ hone na pa꞉la꞉ ekimanu kone pu halome.

Loma꞉ 7:15 Mawu Ofanana

Luku 11:48

Ikana꞉ma꞉ ika꞉ apa꞉meima꞉ pimiki ekina꞉ ta꞉na꞉ma꞉ homo haloma꞉me alememe. Pa ekipeke ika꞉ apa꞉meima꞉ta꞉ mo potopede haliweki pa lu pitaemeke handa ikana꞉ma꞉ta꞉ ika꞉ apa꞉nda꞉ manuta꞉ wamo peao halememe.

Dioni 15:15

Pa e pokaasa꞉ halima꞉ta꞉ ipika꞉ teke halima꞉ hone wita꞉la꞉ ekita꞉ handa꞉peke na ya꞉la꞉ ekina꞉ ameta꞉ iki pa꞉ta꞉ pa e pokaaseme haliwekio pi na lolueke. Pa ekipeke yaka Apa꞉ma꞉ I̱ pa꞉ta꞉ la kita꞉la꞉ pi paeyao iki pa꞉ta꞉ la kitolo ekina꞉ iki pa꞉ta꞉ yaka yankeke titio alome laa leekeme.

Loma꞉ 12:9

Wanda꞉hali pa꞉ta꞉ pukima꞉ homemeka꞉na꞉ta꞉ kota꞉ ota꞉ pukima꞉ homa꞉pa꞉peke. Ikana꞉ma꞉ hokeeki handaata꞉ linka꞉ la꞉pa lopa hapa꞉peke. Epeke ekita꞉ mea mina hapa꞉peke.

Loma꞉ 14:22

Kutupiki haumanu pita꞉la꞉ ekina꞉ nakana꞉ma꞉ hone witele ekita꞉ Koda꞉ yaapo ipilika꞉ homeke wia꞉pa꞉peke. Hali ma꞉nda꞉ma꞉ Do hauta꞉ epekeeki laa pitolo hata꞉ kone pu hoeyaasome pi na lea꞉ka꞉na꞉ta꞉ kota꞉ koto hali ipikita꞉ ota꞉ ta꞉na꞉ma꞉ homa halieke.

Loma꞉ 7:16

Yaka hone na pa꞉la꞉ ekimanu pu halo ekima꞉ta꞉ hande Lo Pimanu epekeekie hone witolo ekita꞉ peneme yao wala꞉la꞉me.

Ka꞉leisia 5:17

Pa ekipeke alo mo lokena꞉ hauma꞉ta꞉ mo Holi Sipitidi bepolaluekema꞉ taapo hala꞉me. Kutupa make mo Holi Sipitidima꞉ta꞉ mo lokena꞉ haumanu bepolaluekema꞉ taapo pu hala꞉me. Koto hau yaapoma꞉ta꞉ a꞉nda꞉ lu alu pu halepeme. Koto pitepe ekima꞉ta꞉ ikana꞉ma꞉ mo puluekema꞉ hone pa꞉la꞉ hau pia꞉peke ekita꞉ ota꞉ pea꞉peke na ya꞉la꞉me.

2 Timodi 2:19

Koda꞉ma꞉ nokopeeke taka꞉lake pinkita꞉ da̱o̱la꞉pa pa꞉la꞉me. Koto pinkina꞉ pi yaapo wape pea ula꞉ ekita꞉ dupa. Tekehalima꞉ ipika꞉ wanda꞉halita꞉ ipika꞉ amba꞉ hando ulume laa wape pea ula꞉me. Kutupa pi ma꞉nda꞉ make dupa. Ma꞉nda꞉ hali epima꞉ I̱ta꞉ mo Tekehalina꞉eki halome lea꞉ka꞉na꞉ta꞉ kota꞉ mo hokeeki paeyao ota꞉ mina꞉pa꞉lao hoki walaa pua꞉peke ya꞉la꞉me pi yaapo wape pa꞉la꞉me.

Hibulu 1:9

Nakana꞉ma꞉ta꞉ epeke hau pa꞉ta꞉ta꞉ puki wopu pelepate hoke hau pa꞉ta꞉ta꞉ honditi wopu peleme. Koto ekima꞉ta꞉ Koda꞉ naka꞉ Koda꞉ hata꞉ neke mea mo naka꞉ yankeke tonu lombei piki some halena꞉ tombo kitolo hata꞉ ta꞉na꞉ peaasa꞉ honku naka꞉ kitawaya꞉me leekeme.

Dia꞉mesi 3:2

Niki paeyaoma꞉ hoto elekeeleke hao hoeya꞉tiki pitoloma꞉pate hali homeke a꞉nda꞉ma꞉ pi alo hata꞉ hokeeki ma꞉nda꞉ na lea꞉ka꞉na꞉ta꞉ koto halima꞉ta꞉ ipiki pa꞉ta꞉ ala꞉ta꞉ ma꞉nda꞉ na wiki hali hata꞉ ipika꞉ hone puki pa꞉ta꞉ make ipika꞉ loke make ana꞉na꞉ handeteke hatiki pilieke.

Diudi 1:23

Mandane wanda꞉halita꞉ oni ti uleke pa꞉ta꞉ homaama꞉na꞉ pa꞉ta꞉la꞉ mea꞉pa꞉peke. Kutupa mo mandane wanda꞉halina꞉ peleme hoke hauma꞉ta꞉ ika꞉ dau manuna꞉ wema꞉ handeke ale taleke nono pa꞉la꞉ ekita꞉ honditi pitolo kone paala꞉ piki hata꞉ a꞉ta꞉ma꞉ homa꞉la꞉eki wala꞉pa꞉peke.