Loma꞉ 5:6 - Panake Pi La: Ula: Buka pita: Kine Pieke Buka

⁶ Nikita꞉ honkopu na hake hamono Koda꞉ma꞉ la꞉ wieke natena꞉ kone niki hoke hau pu haloma꞉ wanda꞉hali nika꞉eki peaaso hata꞉ Ketiso ipiki homeekeme.

Loma꞉ 5:6 Mawu Ofanana

Loma꞉ 11:26

Kutupa Koda꞉ma꞉ Isulai wanda꞉hali paeyao koto tupa꞉ da꞉taalieke. Hande Baibolo bukana꞉ wape pa꞉la꞉ ekita꞉ dupa Hande Da꞉taala꞉ Halita꞉ Saioni nane hao a꞉pa mo Dieikope tapake wanda꞉halina꞉ hoke hau pimiki ekimanu yoka꞉ milieke.

Loma꞉ 4:25

Nika꞉ hoke hauna꞉ Koda꞉ma꞉ Yesu homolo epena꞉ tapaeyekeme. Kutupa nikita꞉ ipiki yaapo tikitiki yao hamonoyeke Yesu paa mea da꞉taeyekeme.

Loma꞉ 4:5

Koto pa꞉la꞉pate hali homeke a꞉nda꞉ma꞉ ipika꞉ pieke ekimanu hone na wiki pa Koda꞉ pa꞉ta꞉ hone tulao haya꞉ka꞉na꞉ta꞉ kota꞉ Koda꞉ma꞉ koto halima꞉ ipiki pa꞉ta꞉ hone tulaala꞉eki handaata꞉ pa hoke hau pa꞉la꞉ hali kone ameta꞉ eki a꞉nda꞉ na piki hali hala꞉me laa lelieke. Kutu pita꞉la꞉ ekima꞉ Koda꞉ma꞉ koto halita꞉ I̱ pa꞉ta꞉ tikitiki yao haena꞉ lolueke la꞉la꞉me.

Loma꞉ 5:10

Amba꞉ nikita꞉ Koda꞉ ipika꞉ a꞉nda꞉ tunkuliki wanda꞉hali haoma꞉pate ipika꞉ Eiyekena꞉ homeeke ekima꞉ nikita꞉ ipika꞉ yankekesunu hamono la꞉la꞉me. Ame nikita꞉ Koda꞉ ipika꞉ yankekesunu haloma꞉ ekina꞉ Ketiso ipika꞉ da꞉ta hala꞉ ekima꞉ Koda꞉ma꞉ niki wotu tamba꞉ milieke.

Loma꞉ 5:7

Hali ma꞉nda꞉ma꞉ mo tikitiki hau piki halina꞉eki peaaso hata꞉ homa꞉peke ya꞉la꞉ ekita꞉ ka꞉nda꞉ pilieke. Pate hali ma꞉nda꞉ma꞉ mo epeke hau piki halina꞉eki peaaso hata꞉ homa꞉peke ya꞉lia꞉pe mata꞉la꞉me.

Loma꞉ 5:8

Kutu pulu pa꞉la꞉pate Koda꞉ma꞉ niki pa꞉ta꞉ ipika꞉ pukima꞉ wopu homa꞉la꞉ ekita꞉ peneme yao yaala꞉ ekita꞉ dupa. Nikita꞉ hoke hau pu haloma꞉ wanda꞉hali hamono kone Ketisota꞉ nika꞉eki peaaso hata꞉ homeekeme.

Loma꞉ 8:32

Koda꞉ma꞉ ota꞉ ipika꞉ Eiyeke sa꞉sa꞉ na piki kone niki paeyaona꞉eki peaaso homena꞉ kiekeme. Ipika꞉ Eiyeke niki ka꞉la꞉ ekina꞉ koto tupa꞉ ala꞉ta꞉ ala꞉ta꞉ paeyao make ipikana꞉ma꞉ kiki tindipao na kiliepe. Dia꞉me. Ota꞉ kilieke.

Loma꞉ 8:34

Hali epima꞉ iki pa꞉ta꞉ alota꞉ Hoke yenki milimikie laa lapeke ya꞉la꞉pe. Dia꞉me. Ma꞉nda꞉ma꞉ koto pi lapeke na ya꞉la꞉me. Yesu Ketisota꞉ homeekepate Koda꞉ma꞉ ipiki paa mea tiao ipika꞉ popeke kikina꞉ pitina꞉ leekeme. Yesu Ketisoma꞉ta꞉ Koda꞉ pa꞉ta꞉ nika꞉ pi la꞉ mea halao hala꞉me.

Ka꞉leisia 2:20

Koto pa꞉la꞉ ekina꞉ta꞉ ame do ya da꞉ta halo ekita꞉ ya kone na da꞉ta halopate Ketiso I̱ tukiki pa꞉ta꞉ da꞉ta hala꞉me. I̱ma꞉ do koto da꞉ta halo ekita꞉ Koda꞉na꞉ Eiyeke pa꞉ta꞉ hone tulaalo ekima꞉ halome. Ipikana꞉ma꞉ I̱ pa꞉ta꞉ pukima꞉ homolo hata꞉ I̱ da꞉ta hanoyeke ipika꞉ da꞉ta꞉la꞉ ekita꞉ pa haleekeme.

Ka꞉leisia 4:4

pa mo hande Koda꞉na꞉ la꞉ wieke nate ota꞉ opolo epeeke pita꞉ma꞉ta꞉ Koda꞉ma꞉ ipika꞉ weki kone tapaeyekeme. Koto wekita꞉ mo do kenke wanda꞉na꞉ weki tupa꞉ a꞉paata꞉

Epesese 5:2

Hande Ketisoma꞉ niki pa꞉ta꞉ pukima꞉ homa꞉la꞉ tupa꞉ ikana꞉ma꞉ make pukima꞉ homa hapa꞉peke. Ipikana꞉ma꞉ Koda꞉ ta꞉na꞉ma꞉ homaaso hata꞉ ma꞉na꞉ lia halo haemeke tupa꞉ totopo piki ale leke ipika꞉ da꞉ta꞉la꞉eki kone nika꞉eki halawaeyekeme.

Kolosi 2:13

Ikita꞉ amba꞉ a꞉nda꞉ta꞉ mo Lo pi dia꞉ya꞉la꞉ Diendaili wanda꞉hali hata꞉ ika꞉ pimi hoke hauma꞉ ika꞉ temokota꞉ homeeke wanda꞉hali haememe. Pate ameta꞉ Koda꞉ma꞉ ikita꞉ Ketiso yaapo paa mea da꞉taala꞉me. Koda꞉ma꞉ta꞉ nika꞉ hokeeki paeyao paeyawala꞉me.

1 Desalonaika 5:9

Koda꞉ma꞉ ipika꞉ mineke panka꞉la꞉eki niki pa꞉ta꞉ epena꞉yeke niki na talopu mea hamono lea꞉pate pa Tekehali Yesuma꞉ niki mea da꞉taowaena꞉ leekeme.

1 Timodi 1:9

pa dupiki hone make witoloma꞉me. Mo lo pi manuta꞉ mo epeke wanda꞉hali tikitiki yaaluekema꞉ na ula꞉pate pa mo ika꞉ you hali pa꞉ta꞉ homu na piki pa pi yambolo haleme wanda꞉hali pa꞉ta꞉ ula꞉me. Dupae. Koda꞉ hoki walaa hoke hau pu haleme wanda꞉hali pa꞉ta꞉ make Koda꞉ hone ma꞉nda꞉ na wiki kenke alemanu pa꞉ta꞉ homeke hone u haleme wanda꞉hali pa꞉ta꞉ make inkiki ateke kone lu make mandane wanda꞉hali lu homao haleme wanda꞉hali pa꞉ta꞉ make kutupa mo

Taitasi 2:12

Koto a꞉ta꞉ma꞉ homo tamba꞉ mina꞉la꞉ ekima꞉ walota꞉ pa nikana꞉ma꞉ Koda꞉ hoki nane yao nika꞉ hoke hone pa꞉la꞉ haumanu pitoloma꞉eki make do kenkena꞉ hoke hone pa꞉la꞉ haumanu pitoloma꞉eki make kiaamono pa꞉la꞉me. Koto pa꞉la꞉ ekina꞉ta꞉ ame do kenkena꞉ hata꞉ta꞉ nika꞉ hone handeteke hata꞉ make tondepe pea hata꞉ make Koda꞉na꞉ hau hone witolo hata꞉ make kutu pitolo hata꞉

Hibulu 8:3

Yeni Peao Hala꞉ You Haliweki paeyaota꞉ pa hala꞉la꞉ alemanu make lia hala꞉la꞉ ekimanu make Koda꞉ pa꞉ta꞉ halaena꞉ mea haena꞉ lo hala꞉me. Koto tupa꞉ kone nika꞉ Yeni Peao Hala꞉ You Hali make Koda꞉ pa꞉ta꞉ pa hala꞉la꞉ ale ma꞉nda꞉ haluekema꞉ miniki hapeke ya꞉la꞉me.

Hibulu 9:26

Kota꞉ a꞉nda꞉ tana꞉ eleke eleke pua꞉tiki pia꞉ka꞉na꞉ yoluta꞉ kota꞉ Koda꞉ma꞉ mo kenke kini pea wepia꞉ dina꞉ kone kini pea pua ame do make Ketisoma꞉ tanda tieke wopu mia꞉tiki mia꞉tiki pu halo pia꞉me. Kutu na pikita꞉ ame do paetolo naneta꞉ Ketisoma꞉ ipika꞉ homeeke ekima꞉ kone mo hoke hau yokawaluekema꞉ tana꞉ homeke homeke opolo epeekeme.

1 Pida 1:20

Koda꞉ma꞉ do kenke a̱i̱ na wepieke pita꞉ma꞉ kone Yesu amba꞉ mea hayekeme kutupa do wetepe naneta꞉ iki tamba꞉ muluekema꞉ ipiki peneme yaeyekeme.

2 Pida 3:7

Koto tupa꞉ Koda꞉ma꞉ mo hande la꞉ wieke homeke pima꞉ kone ame do ula꞉ kenke ya yaapota꞉ ti ulekema꞉ hoeyaena꞉yeke amu pea ula꞉me. Koda꞉ matao haleme wanda꞉hali pi yokaalu pea hoeyaalo pa꞉la꞉ nate yu wia haena꞉ la꞉la꞉me.

Diudi 1:15

wanda꞉hali paeyao pa꞉ta꞉ pi yokaalu pita꞉la꞉eki mea ipilieke. Koto natena꞉ta꞉ mo hande Koda꞉ hoki walo haleme wanda꞉halina꞉ Koda꞉ kiake haumanu pu haleme ekina꞉ ipikana꞉ma꞉ yenki haluekema꞉ ma̱leke lilieke. Koto tupa꞉ kone mo Koda꞉ hoki wala hoke hau pu haleme wanda꞉halima꞉ ipiki pa꞉ta꞉ keke pimanu lo haleme ekina꞉ homeke hau kone pilieke laa leekeme.

Diudi 1:18

Ikana꞉ma꞉ iki pa꞉ta꞉ alota꞉ Hande paetolo natemanu epea꞉ka꞉na꞉ta꞉ iki ki taataa pea ika꞉ Koda꞉ kiaaseme hone pa꞉la꞉ haumanu tolu haleme wanda꞉hali opolo ipilimikie laa lemekeme.

Diudi 1:4

Pa ekipeke mo mandane Koda꞉ hoki waleleme wanda꞉halita꞉ niki honditi pea niki tukiki pa꞉ta꞉ a꞉mbao honda꞉ pambelememe. Ika꞉ hoke haumanu piteleme pota꞉ manuna꞉ waleke wiaaso mo nika꞉ Koda꞉na꞉ a꞉ta꞉ma꞉ homolo tamba꞉ mina꞉la꞉ pi ale hoeyaaluekema꞉ make Tekehali Yesu Ketiso nika꞉ you hali homeke kiaaseme wanda꞉halie. Ikita꞉ hoke hau pelememe laa ma̱leke lia wieke ekita꞉ mo Baibolo pi manuma꞉ amba꞉ kiake la꞉ wiekeme.