Loma꞉ 5:5 - Panake Pi La: Ula: Buka pita: Kine Pieke Buka

⁵ Nikana꞉ma꞉ koto tupa꞉ hone ti lao haoma꞉ka꞉na꞉ta꞉ nikita꞉ hoto ma꞉nda꞉ a꞉nda꞉ olopuniao na halumeke. Koda꞉ma꞉ niki pa꞉ta꞉ pukima꞉ wotu homa꞉leke handa loa꞉me. Ipikana꞉ma꞉ kita꞉la꞉ Holi Sipitidima꞉ kone nika꞉ puki pa꞉ta꞉ pita꞉ peaasa꞉me.

Loma꞉ 5:5 Mawu Ofanana

Aposolo 10:45

Hande Pida ame̱le̱ a꞉pa haemeke Ketiso haliwekima꞉ Diu haliweki kone leke opa wotu handaake wimikime. Koda꞉ma꞉ mo Diendaili wanda꞉hali pa꞉ta꞉ kone mo Holi Sipitidi haleeke handa pimikime.

Aposolo 2:17

Koda꞉ma꞉ alota꞉ Natemanu paeluekema꞉ haena꞉ta꞉ dupulueke laa Wanda꞉hali paeyao pa꞉ta꞉ yaka Holi Sipitidi hale hale pulueke. Kutupa ika꞉ weki manuma꞉ make wandiki manuma꞉ make yaka pi la꞉ mea hala꞉tiki pilimikie. Ika꞉ weki haliwekima꞉ mandane hau pita꞉la꞉ ekimanu handena꞉ lolueke. Kutupa ika꞉ koke haliwekima꞉ make upamanu pilimikie.

Aposolo 2:33

Ipika꞉ Apa꞉ Koda꞉ma꞉ la꞉ wieke tupa꞉ Yesuta꞉ mea tiao ipika꞉ popeke kiki nane mea pitaota꞉ ipiki pa꞉ta꞉ Holi Sipitidi haleekeme. Kutupa nikana꞉ma꞉ ame do handoloma꞉ ekimanu make do opitoloma꞉ ekimanu tonka꞉na꞉ ipiki pa꞉ta꞉ ipula꞉me.

Loma꞉ 1:7

Koto pa꞉la꞉ ekina꞉ Koda꞉ma꞉ pukima꞉ homaata꞉ ota꞉ ipika꞉ wanda꞉hali hamina꞉ wi la꞉la꞉ Loma꞉ wanda꞉halio. Iki paeyao pa꞉ta꞉ wape do pitolome. Nika꞉ Apa꞉ Koda꞉ma꞉ make pa Tekehali Yesu Ketisoma꞉ make iki pa꞉ta꞉ a꞉ta꞉ma꞉ homolo hata꞉ ika꞉ puki lopao hamina꞉ lepeka꞉na꞉ta꞉ epelieke.

Loma꞉ 8:28

Koda꞉ma꞉ta꞉ ipiki pa꞉ta꞉ pukima꞉ homoloma꞉ wanda꞉hali niki ame̱le̱ hata꞉ wetepe pulu pa꞉la꞉ ekimanu epekeeki wina꞉yeke pu hala꞉me. Koto wanda꞉hali nikita꞉ Koda꞉ma꞉ ipika꞉ hone wita꞉la꞉eki peaaluekema꞉ niki wi la꞉la꞉me. Koto pa꞉la꞉ ekita꞉ nikana꞉ma꞉ handoloma꞉me.

Loma꞉ 9:33

Kota꞉ mo Baibolo bukana꞉ wape pa꞉la꞉eki ma꞉nda꞉ dupa Opua꞉pe I̱ma꞉ta꞉ Saioni pa꞉ta꞉ wanda꞉hali hala꞉mba꞉liao lopaalo pa꞉la꞉ toopi mea witolo ekita꞉ wanda꞉hali mea lopaalo pa꞉la꞉ hana꞉ mea witolome. I̱ma꞉ mea ulu polopate hali epima꞉ ipiki pa꞉ta꞉ hone tulaeya꞉ka꞉na꞉ta꞉ hone ka꞉nda꞉ma꞉ homa na halieke laa wape pa꞉la꞉me.

1 Kotindi 8:3

Koto pa꞉la꞉pate hali epima꞉ Koda꞉ pa꞉ta꞉ pukima꞉ homea꞉ka꞉na꞉ta꞉ kota꞉ Koda꞉ma꞉ koto hali ota꞉ handa꞉la꞉me.

2 Kotindi 1:22

Koda꞉ma꞉ kone niki ma̱leke lila꞉me. Ipikana꞉ma꞉ ombu nikita꞉ ipika꞉ ekie laata꞉ ipika꞉ tombo niki pa꞉ta꞉ ula꞉me. Koda꞉ma꞉ mo niki pa꞉ta꞉ ka꞉la꞉ Holi Sipitidita꞉ ipika꞉ wetepena꞉ kulu pa꞉la꞉ ale paeyaona꞉ titina꞉ tombo ka꞉la꞉mee.

2 Kotindi 3:18

Kota꞉ niki paeyaota꞉ mo Tekehalina꞉ pa̱a̱ta꞉ na a꞉mbake nika꞉ leke popelekema꞉ta꞉ ipika꞉ pa̱a̱na꞉ su̱a̱ su̱a̱ waloma꞉me. Kutupa koto homeke pa̱a̱ma꞉ kone Tekehali hande Sipitidi pa꞉ta꞉ yama꞉ ipula꞉ ekima꞉ta꞉ nikita꞉ mo hoto paeyao pa daeya꞉tiki pu hala꞉ pa̱a̱ tieke pa꞉ta꞉ ipikima꞉ handomono topo peao hala꞉me.

2 Kotindi 4:6

Mo amba꞉ hande Koda꞉ma꞉ alota꞉ Mo timba꞉ la꞉ pamba꞉la꞉ pa꞉ta꞉ta꞉ mo pa̱a̱ pa꞉la꞉ ekima꞉ pa̱a̱ pina꞉e leeke homeke Koda꞉ma꞉ kone mo pa̱a̱ta꞉ nika꞉ pukina꞉ pa̱a̱ peaya꞉me. Kota꞉ pa꞉la꞉ ekita꞉ Koda꞉ma꞉ ipika꞉ pa̱a̱ta꞉ Ketisona꞉ leke popelekena꞉ nikana꞉ma꞉ hone wiomonoyeke pa̱a̱ peaala꞉me.

Ka꞉leisia 4:6

Ikita꞉ Koda꞉na꞉ wekiwandiki haleme ekina꞉ta꞉ Koda꞉ma꞉ ipika꞉ wekina꞉ Sipitidita꞉ nika꞉ puki pa꞉ta꞉ pitina꞉ tapaeya꞉me. Mo Apa꞉o. Ya Apa꞉o lo hala꞉ Sipitidita꞉ niki pa꞉ta꞉ tapaeya꞉me.

Ka꞉leisia 5:22

Koto pa꞉la꞉pate mo Holi Sipitidima꞉ta꞉ epeke haumanu dupa peawaasa꞉me. Pukima꞉ homa꞉la꞉ hau make puki tukiki nane ota꞉ ta꞉na꞉ma꞉ homa꞉la꞉ hau make puki lopaasa꞉ hau make homu pea yu wia hala꞉ hau make a꞉ta꞉ma꞉ homolo epeke pita꞉la꞉ ekima꞉ ma꞉nda꞉ tamba꞉ mina꞉la꞉ hau make hone tulao hata꞉ e poka꞉la꞉ hau make

Epesese 1:13

Koto ekita꞉ iki pa꞉ta꞉ make pa꞉la꞉me. Ikana꞉ma꞉ta꞉ hande iki mea da꞉taalo pieke Pi Seliapo opuata꞉ Ketiso pa꞉ta꞉ hone tulaememe. Kutu pimiki handata꞉ Koda꞉ma꞉ ipika꞉ la꞉ wieke Holi Sipitidi iki kitolo hata꞉ta꞉ ikita꞉ ipika꞉ekie laa ti wia꞉me.

Epesese 4:30

Koda꞉ ipika꞉ Holi Sipitidi make ka꞉nda꞉ma꞉ na homaapa꞉peke. Do ekina꞉yeke loa꞉me. Koda꞉ma꞉ iki ota꞉ ka꞉la꞉pa꞉ tapaaluekema꞉ ipikana꞉ma꞉ mo Holi Sipitidi pitaala꞉ ekima꞉ tombo amba꞉ wiaala꞉me.

Pilipai 1:20

Ya peawee laa hone tieke pa꞉la꞉ ekita꞉ mo I̱ma꞉ pokono Koda꞉ma꞉ ka꞉la꞉ eta꞉ ota꞉ na mina꞉pa꞉laake nate paeyao make ota꞉ ame do dipula pilu pita꞉ make ota꞉ pipita꞉ pa pua hapeke yelieke la alome. Kutaata꞉ I̱ homoa꞉ka꞉na꞉ make o pa hao haoa꞉ka꞉na꞉ make ya halo hau paeyaoma꞉ mo Ketiso yeiya꞉ lao halueke.

1 Desalonaika 4:8

Koto ekina꞉ta꞉ hali epima꞉ do walolo pi kiaeya꞉ka꞉na꞉ta꞉ kota꞉ koto somema꞉ mo kenke hali na kiaasa꞉pate hande Holi Sipitidi ku hala꞉ Koda꞉ kone kiaaso pila꞉me.

2 Desalonaika 2:16

Koda꞉ nika꞉ Apa꞉ma꞉ niki pukima꞉ homolo hata꞉ ipika꞉ a꞉ta꞉ma꞉ homa tamba꞉ mina꞉la꞉ ekina꞉yeke mo na paelo pa꞉la꞉ aela꞉ baasa꞉ hau make epeke hone tulaasa꞉ hau make niki kia꞉me.

2 Timodi 1:12

Kota꞉ I̱ma꞉ koto haumanu pua꞉ ekina꞉ ame do ka꞉nda꞉manu minolopate pa I̱ma꞉ yaala꞉ma꞉ na homolome. Pa ekipeke. Mo I̱ma꞉ ya hone ti lalo halita꞉ ota꞉ hone ulume. Ya honema꞉ta꞉ mo ipikana꞉ma꞉ I̱ ka꞉la꞉ haumanu ipikana꞉ma꞉ mo hande ipika꞉ Nate tieke epena꞉yeke ana꞉na꞉ handeteke hao hapeke ya꞉la꞉me.

1 Dioni 4:19

Koda꞉ma꞉ta꞉ niki amba꞉la pukima꞉ homeeke handaa nikana꞉ma꞉ make pukima꞉ homo haloma꞉me.