Loma꞉ 5:16 - Panake Pi La: Ula: Buka pita: Kine Pieke Buka

¹⁶ Kutupa make Koda꞉ma꞉ wanda꞉hali pa꞉ta꞉ ku hala꞉eki pita꞉ mo hande hali homekema꞉ hoke hau piekeeki yaapota꞉ ota꞉ ta꞉ta꞉ pu alu pelepeme. A꞉da꞉ma꞉ma꞉ hoke hau pieke handaata꞉ Koda꞉ma꞉ ipiki pa꞉ta꞉ alota꞉ Neketa꞉ ketete peleme la leekeme. Koto leekepate wanda꞉hali paeyaoma꞉ hoke hau pelemepate Koda꞉ma꞉ niki pa꞉ta꞉ pa hameke a꞉ta꞉ma꞉ homolo hata꞉ Ikita꞉ ketete na peleme wanda꞉hali halememe la ala꞉me.

Loma꞉ 5:16 Mawu Ofanana

Ma꞉tiu 6:14

Kutupa ikana꞉ma꞉ mo iki pa꞉ta꞉ hoke hau pimiki wanda꞉hali ika꞉ hoke haumanu pa paeyaemeka꞉na꞉ta꞉ kota꞉ ika꞉ hepeni hala꞉ Apa꞉ma꞉ ika꞉ pimi hoke haumanu make pa paeyawalieke.

Loma꞉ 8:1

Koto ekina꞉ Yesu Ketiso ame̱le̱ ta꞉ma꞉ni pea haloma꞉ wanda꞉hali pa꞉ta꞉ta꞉ ma꞉nda꞉ma꞉ hoke yenki kia꞉peke na ya꞉la꞉me.

1 Kotindi 11:32

Koto pa꞉la꞉pate Koda꞉ma꞉ nika꞉ hao hoeyaasoma꞉eki handaata꞉ ka꞉nda꞉ miomono lea꞉ka꞉na꞉ta꞉ kota꞉ mo kenke wanda꞉hali ame̱le̱ apa꞉tao hoke yenki meaama꞉na꞉yeke pita꞉la꞉me.

Ka꞉leisia 3:10

Epi amedama꞉ mo Lo Pi ula꞉eki pitolo ekima꞉ta꞉ I̱ ana꞉na꞉ epeaalieke laa hone ti laeya꞉ka꞉na꞉ta꞉ kota꞉ ipikita꞉ mo Koda꞉na꞉ esihou pi oto pa꞉ta꞉ hala꞉me. Kota꞉ mo Baiboloma꞉ alota꞉ Epima꞉ mo wape pea ula꞉ pi ula꞉eki paeyao ota꞉ tana꞉ paeyaona꞉ opua na pu haya꞉ka꞉na꞉ta꞉ kota꞉ koto some epita꞉ Koda꞉ ipika꞉ esihou pi yu wia hala꞉eki oto pa꞉ta꞉ hala꞉me ala꞉me.

Dia꞉mesi 2:10

Hali ma꞉nda꞉ma꞉ hande Lo Pi manuna꞉ homeke kone yambelea꞉ka꞉na꞉ta꞉ kotota꞉ mo hande Lo Pimanu paeyaona꞉ ka꞉ta꞉ta꞉ pilieke.