Loma꞉ 3:8 - Panake Pi La: Ula: Buka pita: Kine Pieke Buka

⁸ Koto ekina꞉ mandane wanda꞉halima꞉ alota꞉ Epekeeki epena꞉ma꞉ kota꞉ hokeeki pumana꞉e laa alememe. Mandane wanda꞉halima꞉ I̱ la la pitolo hata꞉ kone alota꞉ Poloma꞉ kutupiki pi ombu la꞉tiki pu hala꞉me laa lelememe. Koto pi leleme wanda꞉halita꞉ Koda꞉ma꞉ hoke yenki halea꞉ka꞉na꞉ta꞉ tikitiki hau pitolo hata꞉ kone pilieke.

Loma꞉ 3:8 Mawu Ofanana

Ma꞉tiu 5:11

Ikita꞉ ya hoki nane tolu haleme ekina꞉ mandane wanda꞉hali ika꞉ pima꞉ iki yaala꞉ma꞉ homao make iki pa꞉ta꞉ tanda ku make ika꞉ biki hoeyaaluekema꞉ hoke ba꞉sa꞉ pitolo yayapiki pimanu sa꞉mba꞉lao pitolo haena꞉ kone kota꞉

Loma꞉ 5:20

Hande Lo Pi manuta꞉ wanda꞉halima꞉ hao hoeyaaseme ekimanu daeyaena꞉yeke Koda꞉ma꞉ wetepena꞉ Mosesi pa꞉ta꞉ la haleekeme. Kutu piekepate hoke haumanu daeya꞉tia peekepate Koda꞉ma꞉ pa hameke a꞉ta꞉ma꞉ homa꞉la꞉eki tiekema꞉ daeya꞉tia pulu hata꞉ lu ankulala꞉me.

Loma꞉ 6:1

Koto poloma꞉ ekina꞉ nikana꞉ma꞉ eki pi loluma꞉pe. Koda꞉ma꞉ pa hameke a꞉ta꞉ma꞉ homa꞉la꞉eki daeya꞉tia pena꞉yeke nikana꞉ma꞉ hoke haumanu pa pu tia pomana꞉pe.

Loma꞉ 6:15

Koto ekina꞉ eki pumana꞉pe. Hande Lo Pi manuma꞉ dupa꞉pe laa wala꞉la꞉eki nika꞉ wenokona꞉ na wiki hande Koda꞉na꞉ pa a꞉ta꞉ma꞉ homa꞉la꞉eki homeke nika꞉ wenokona꞉ wina꞉ aloma꞉ ekina꞉ hoke hau pumana꞉pe. A꞉pa꞉e. Dia꞉me.

Loma꞉ 7:7

Koto pa꞉la꞉ ekina꞉ nikana꞉ma꞉ eki pi loluma꞉pe. Hande Lo Pi manuta꞉ hokeekie loluma꞉pe. A꞉pa꞉e. Dia꞉me. Koto pa꞉la꞉pate hande Lo Pi manuma꞉ta꞉ I̱ma꞉ hoke hau pitoloeki handonoyeke pa꞉la꞉me. Hande Lo Pi manuma꞉ alota꞉ Ta꞉ta꞉na꞉ ale muluekema꞉ we na pamba꞉peke la꞉la꞉pate pa kutupiki pi na lea꞉ka꞉na꞉ yoluta꞉ mo ta꞉ta꞉na꞉ ale muluekema꞉ we pamba꞉la꞉ ekita꞉ I̱ma꞉ hone wopu na ulu pua꞉me.

2 Kotindi 11:15

Koto ekina꞉ta꞉ ipika꞉ pa hameke e pokaasa꞉ haliwekima꞉ iki make ota꞉ tikitiki piki hauna꞉ e pokaasa꞉ haliweki hata꞉ au lemeka꞉na꞉ta꞉ kota꞉ kotoeki hau tieke dia꞉me. Paetolo nate nina꞉ta꞉ ika꞉ pimi hauma꞉ wala꞉la꞉ yenki kone milimikie.

2 Kotindi 6:8

Nate ma꞉nda꞉ nina꞉ta꞉ niki pa꞉ta꞉ yeiya꞉ laasa꞉ hau pu haleme make yaala꞉ peaasa꞉ hau make pu halememe. Kutupa make kitata pu haleme make nika꞉ biki mea mina꞉liao halememe. Kutupa make nikita꞉ yayapiki pi lo haleme haliwekie lo halemepate nikana꞉ma꞉ta꞉ ota꞉ pi homeke lo haloma꞉me.

Diudi 1:4

Pa ekipeke mo mandane Koda꞉ hoki waleleme wanda꞉halita꞉ niki honditi pea niki tukiki pa꞉ta꞉ a꞉mbao honda꞉ pambelememe. Ika꞉ hoke haumanu piteleme pota꞉ manuna꞉ waleke wiaaso mo nika꞉ Koda꞉na꞉ a꞉ta꞉ma꞉ homolo tamba꞉ mina꞉la꞉ pi ale hoeyaaluekema꞉ make Tekehali Yesu Ketiso nika꞉ you hali homeke kiaaseme wanda꞉halie. Ikita꞉ hoke hau pelememe laa ma̱leke lia wieke ekita꞉ mo Baibolo pi manuma꞉ amba꞉ kiake la꞉ wiekeme.