Loma꞉ 3:23 - Panake Pi La: Ula: Buka pita: Kine Pieke Buka

²³ Wanda꞉hali paeya ta꞉paoma꞉ hoke hau pea hata꞉ta꞉ hande da꞉tao hala꞉ Koda꞉ teke pa꞉ta꞉ na haloma꞉pate

Loma꞉ 3:23 Mawu Ofanana

Kini Pieke 8:21

Kutu pieke handaa mo lia haleeke hotekena꞉ totopo seliapoma꞉ta꞉ mo Tekehali ta꞉na꞉ homa꞉ tiayeke handaa ipika꞉ kone alota꞉ Do wanda꞉halima꞉ pu haleme ekina꞉ I̱ma꞉ do kenketa꞉ esihou pi oto pa꞉ta꞉ ota꞉ paa na wina꞉ lolueke. Pa ekipeke ika꞉ mo panake daeta꞉la꞉me ale pa꞉ta꞉ koneta꞉ hoke honemanu wilimi ekita꞉ I̱ma꞉ hone ulu ekina꞉ loa꞉me. Koto ekina꞉ I̱ma꞉ ame do pua꞉ tupa꞉ mo do kenkena꞉ pa pitiki alemanu paeyao ota꞉ paa a꞉nda꞉ na hoeyaalueke.

Loma꞉ 1:28

Mo haliwekima꞉ta꞉ Koda꞉ ota꞉ hala꞉eki hone ma꞉nda꞉ uluekema꞉ kiaasemeke ekina꞉ta꞉ Koda꞉ma꞉ ika꞉ kone hone u hoeyao pa haena꞉ la꞉la꞉me. Koto pa꞉la꞉ ekina꞉ mo haliwekima꞉ ana꞉ na piki haumanu pu halememe.

Loma꞉ 11:32

Koda꞉ma꞉ta꞉ ipika꞉ pi na opiteleme wanda꞉hali paeyao ipikana꞉ma꞉ dipula pila꞉ wanda꞉hali leke hao haena꞉ laata꞉ paeyao pa꞉ta꞉ a꞉ta꞉ma꞉ homoluekema꞉ kone pa꞉la꞉me.

Loma꞉ 3:19

Mo hande Lo Pimanu opua oto pa꞉ta꞉ haleme wanda꞉halita꞉ mo Lo Pimanu iki pa꞉ta꞉ ula꞉ ekita꞉ handoloma꞉me. Koto Lo Pi manuma꞉ hambiliki honiolo aleme pimanu sa꞉sa꞉ peaata꞉ Koda꞉ma꞉ kenke wanda꞉hali paeyao pi yokaalu pulu pa꞉la꞉ ekita꞉ wala꞉la꞉me.

Loma꞉ 3:9

Kota꞉ niki Diu wanda꞉halima꞉ mo Diendaili wanda꞉hali ankulao haloma꞉pe. Dia꞉me. I̱ma꞉ta꞉ iki pa꞉ta꞉ amba꞉ ta waloa꞉ handa꞉e. Diu wanda꞉hali make Diendaili wanda꞉hali make hoke hau manuma꞉ wele pita꞉la꞉ ekima꞉ mandake tupa꞉ niki paeyao tombuao ula꞉me.

Loma꞉ 5:2

Nikana꞉ma꞉ Yesu Ketiso pa꞉ta꞉ hone tulaaloma꞉ ekina꞉ ipikana꞉ma꞉ Koda꞉ma꞉ niki pa꞉ta꞉ pa hameke a꞉ta꞉ma꞉ homa꞉la꞉eki handomono la꞉la꞉me. Kutupa ameta꞉ koto tupa꞉ haloma꞉me. Koto ekina꞉ Koda꞉ma꞉ ipika꞉ pa̱a̱ pa꞉la꞉eki niki pa꞉ta꞉ teli teli peaalo pa꞉la꞉eki hone ti lao hata꞉ ta꞉na꞉ma꞉ homa haloma꞉me.

Ka꞉leisia 3:22

pa mo Baiboloma꞉ alota꞉ kenke paeyaota꞉ hoke hauna꞉ wele oto pa꞉ta꞉ ula꞉me ala꞉me. Koto ekina꞉ Koda꞉ma꞉ mo Yesu Ketiso pa꞉ta꞉ hone tulalemeeki tekena꞉ta꞉ I̱ma꞉ kulueke laa la꞉ ua꞉ ekita꞉ mo hone tulaaso haleme wanda꞉hali pa꞉ta꞉ halo hala꞉me.

1 Desalonaika 2:12

Nikana꞉ma꞉ iki sa꞉sa꞉ pea tiaaso make epeke hone u tiaaso make iki sutiaaso puma꞉me. Ikana꞉ma꞉ epeke tupa꞉ hata꞉ Koda꞉ ta꞉na꞉ma꞉ homaamina꞉ iki sutiatiki puma꞉me. Pa ekipeke Koda꞉ma꞉ta꞉ ikana꞉ma꞉ ipika꞉ Kilu Tombuao Hala꞉eki pa꞉ta꞉ hata꞉ ipika꞉ hau puemena꞉ make muemena꞉ make iki wi la꞉la꞉me.

2 Desalonaika 2:14

Koda꞉ma꞉ koto tupa꞉ hamena꞉ mo Pi Seliapo waloma꞉ ekima꞉ta꞉ iki wi lea꞉me. Nika꞉ Tekehali Yesu Ketisona꞉ pa̱a̱ pita꞉la꞉eki putu piliki ikana꞉ma꞉ muemena꞉ wi lea꞉me.

Hibulu 4:1

Mo hande Koda꞉ma꞉ kulueke laa pi la꞉ wieke hoto pita꞉peke ekita꞉ ame make nikina꞉ pa u pelia hala꞉me. Koto ekina꞉ iki ma꞉nda꞉ma꞉ koto pi la꞉ wiekeeki wendiaama꞉na꞉ kimelema꞉ hao hapa꞉peke.

1 Pida 4:13

Kotoeki na pikita꞉ Ketisona꞉ ka꞉nda꞉ putu piliki minoloma꞉me laa ta꞉na꞉ma꞉ homa꞉pa꞉peke. Kota꞉ ipika꞉ pa̱a̱ pita꞉la꞉eki opolo ipilie pita꞉ma꞉ iki pa꞉ta꞉ ta꞉na꞉ma꞉ homa꞉la꞉ ekita꞉ tumbalieke.

1 Pida 5:1

Iki ame̱le̱ hala꞉ you hali weki pa꞉ta꞉ I̱ make you hali hata꞉ iki pa꞉ta꞉ tikitiki yaasa꞉ pi alome I̱ta꞉ Ketisona꞉ tanda miekeeki handoa꞉ halie. Kutupa mo epolo pa꞉la꞉ pa̱a̱ pita꞉la꞉ ekita꞉ I̱ma꞉ make mulueke.

1 Pida 5:10

Koda꞉ma꞉ta꞉ pa a꞉ta꞉ma꞉ homa꞉la꞉ Tekehali hata꞉ iki Ketiso ame̱le̱ ta꞉ma꞉ni pea hamena꞉ ipika꞉ nate paeyao pa̱a̱ pu hala꞉eki muemena꞉yeke iki amba꞉ wi la꞉la꞉me. Kutupa iki pa꞉ta꞉ tanda peaasa꞉eki hosiki hao paeya꞉ka꞉na꞉ta꞉ Koda꞉ma꞉ kone wetepe iki epeaota꞉ ota꞉ honkopu hao da̱o̱la hamena꞉ lelieke.