Loma꞉ 3:20 - Panake Pi La: Ula: Buka pita: Kine Pieke Buka

²⁰ Do ekina꞉ yeke loa꞉me. Ma꞉nda꞉ hali a꞉nda꞉ma꞉ hande Lo Pimanu opua pa꞉la꞉ ekina꞉ Koda꞉ pa꞉ta꞉ tikitiki yao hapeke na ya꞉la꞉me. Mo hande Lo Pi manuma꞉ pita꞉la꞉ ekita꞉ wanda꞉halima꞉ ika꞉ hoke hau pelemeeki hone wina꞉ pita꞉la꞉me.

Loma꞉ 3:20 Mawu Ofanana

Loma꞉ 2:13

Koda꞉ma꞉ta꞉ wanda꞉hali ipiki yaapo tikitiki yao haena꞉ ala꞉ ekita꞉ mo wanda꞉halima꞉ hande Lo Pimanu pa katakema꞉ homeke opiteleme ekina꞉ na pikita꞉ hande Lo Pimanu opua piteleme ekina꞉ haena꞉ lelieke.

Loma꞉ 3:28

Nika꞉ handa꞉ witoloma꞉ pita꞉ dupa. Hali ma꞉nda꞉ma꞉ ipika꞉ hone tulaasa꞉ ekima꞉ homeketa꞉ Koda꞉ma꞉ ipiki yaapo tikitiki yao haena꞉ lelieke. Koto halima꞉ hande Lo Pimanu opua pita꞉la꞉ ekima꞉ na haena꞉ lelieke.

Loma꞉ 4:13

Koda꞉ma꞉ta꞉ Eipoloha꞉ma꞉ pa꞉ta꞉ alota꞉ Do kenke paeyaota꞉ neke pa꞉ta꞉ make naka꞉ hoki nane halo peleme wanda꞉hali pa꞉ta꞉ make kulueke laa la꞉ witolo leekeme. Koda꞉ma꞉ do pi la꞉ wieke ekita꞉ Eipoloha꞉ma꞉ma꞉ hande Lo Pimanu opua pu hayeke ekina꞉ na leekeme. Eipoloha꞉ma꞉ta꞉ hone tulao hata꞉ Koda꞉ pa꞉ta꞉ tikitiki yao hayeke ekina꞉ leekeme.

Loma꞉ 4:15

Hande Lo Pimanu opua oto pa꞉ta꞉ haleme wanda꞉hali pa꞉ta꞉ wetepena꞉ta꞉ Koda꞉ma꞉ mineke pankolo hata꞉ iki ame̱le̱ pi yokaalu pilieke. Kutu pulu pa꞉la꞉pate hali ma꞉nda꞉ma꞉ wanda꞉hali pa꞉ta꞉ pi wita꞉la꞉eki ma꞉nda꞉ na la halea꞉ka꞉na꞉ta꞉ kota꞉ wetepena꞉ iki pa꞉ta꞉ pi ula꞉eki yambelelememe pi lapeke na ya꞉la꞉me.

Loma꞉ 5:13

Mosesima꞉ mo hande Lo Pimanu a̱i̱ na opieke dina꞉ta꞉ kenke wanda꞉halima꞉ hoke hau pu haemekepate pi ula꞉ ekimanu dia꞉ yolo hata꞉ kota꞉ wanda꞉halima꞉ hoke hau pu haleme ekimanu wotu handa yata꞉pa꞉ tapaapeke na yeekeme.

Loma꞉ 5:20

Hande Lo Pi manuta꞉ wanda꞉halima꞉ hao hoeyaaseme ekimanu daeyaena꞉yeke Koda꞉ma꞉ wetepena꞉ Mosesi pa꞉ta꞉ la haleekeme. Kutu piekepate hoke haumanu daeya꞉tia peekepate Koda꞉ma꞉ pa hameke a꞉ta꞉ma꞉ homa꞉la꞉eki tiekema꞉ daeya꞉tia pulu hata꞉ lu ankulala꞉me.

Loma꞉ 7:11

Hoke hauma꞉ hande pi ula꞉eki handeteke hata꞉ I̱ makealo pieke pota꞉ handa꞉ wiekeme. Hoke hauma꞉ hande pi ula꞉ ekima꞉ makeao I̱ lu homaeya꞉me.

Loma꞉ 9:32

Hali ma꞉nda꞉ma꞉ alota꞉ dupa lelieke. Ekipeke na handa꞉ wimikipe laa lelieke. Kota꞉ mo hande pi ula꞉ ekimanu na handa꞉ wimiki ekina꞉ teke dupae. Koda꞉ pa꞉ta꞉ hone na tulaake ika꞉ kone hone wia pu haemeke ekina꞉ hone tulao haemeke ekina꞉ pimikime. Hande wanda꞉hali hala꞉mba꞉liao lopao hala꞉ toopima꞉ mo talopu mea haena꞉ la꞉la꞉ wanda꞉hali hala꞉mba꞉liao lopaeyekeme.

1 Kotindi 15:56

Homa꞉la꞉ ekima꞉ta꞉ ipika꞉ tanda peao homaaluekema꞉ wele peaasa꞉ ekita꞉ hoke hau pita꞉la꞉eki pa꞉ta꞉ yama꞉ mu hala꞉me. Kutupa hoke hau pita꞉la꞉ ekima꞉ta꞉ ipika꞉ wele peaasa꞉ ekita꞉ mo hande Lo Pimanu pa꞉ta꞉ yama꞉ mu hala꞉me.

Ka꞉leisia 2:16

Koto poloma꞉pate koneta꞉ ma꞉nda꞉ hali epima꞉ Koda꞉ pa꞉ta꞉ tikitiki yao haluekema꞉ta꞉ kota꞉ titina꞉ pea꞉peke hauta꞉ Yesu Ketiso pa꞉ta꞉ hone tulaalimi ekima꞉ homeke tikitiki yao halimikie. Pa mo Lo Pi ula꞉ ekimanu miniki haleme ekima꞉ ota꞉ dia꞉me. Koto pa꞉la꞉eki handolo hata꞉ niki make Yesu pa꞉ta꞉ hone tulaaloma꞉me. Pa Koda꞉ pa꞉ta꞉ tikitiki yao haluekema꞉yeke kutupiki hau ota꞉ poloma꞉me. Pate pa mo Mosesina꞉ pi ula꞉ ekimanu miniki haloma꞉ ekima꞉ dia꞉me. Koda꞉ pa꞉ta꞉ tikitiki yao haluekema꞉ta꞉ hali homeke ma꞉nda꞉ma꞉ mo Lo Pi ula꞉ ekimanu opua pu hala꞉ ekima꞉ ota꞉ pea꞉peke na ya꞉la꞉me.

Ka꞉leisia 2:19

Mo hande pi ula꞉eki hotimika꞉na꞉ta꞉ kota꞉ mo koto pi ula꞉eki pa꞉ta꞉ I̱ amba꞉ homa halome. Koto pi ula꞉ ekima꞉ kone I̱ homono lia꞉me. Kutu pieke ekita꞉ I̱ma꞉ Koda꞉ yaapo da꞉ta hanoyeke pia꞉me. I̱ta꞉ mo Ketiso homea꞉ ti manda mandake homolopa꞉me.

Ka꞉leisia 5:4

Mo iki ame̱le̱ haleme mandane hali wekima꞉ta꞉ mo Lo Pi ula꞉eki paeyao pitolo ekima꞉ta꞉ Koda꞉ yaapo epea haluekema꞉ taapo haemeka꞉na꞉ta꞉ kutu piteme haliwekita꞉ ika꞉ Ketiso ame̱le̱ halo peleme ekita꞉ ika꞉ kone ti paleke leke la꞉ka꞉la꞉ mea baasememe. Kutu pimi ekima꞉ta꞉ ika꞉ kone Koda꞉na꞉ a꞉ta꞉ma꞉ homa tamba꞉ mina꞉la꞉eki tikene halememe.

Hibulu 7:19

Koto pieke ekita꞉ kota꞉ mo Mosesina꞉ Lo Pi wiekeeki manuma꞉ta꞉ hau ma꞉nda꞉ tikitiki na yaeyekeme. Kutu pieke yeketa꞉ niki ipiki teke pa꞉ta꞉ epomono Koda꞉ma꞉ mo Lo Pi wiekeeki ota꞉ lombei piki panake pota꞉ ma꞉nda꞉ wiawayekeme.